ఆగస్ట్ - 2016 అమావాస్య ప్రభావం

ఈరోజు అమావాస్య.

ఈసారి అమావాస్య తనదంటూ ఒక ప్రత్యేకమైన ప్రభావాన్ని కలిగి ఉన్నది.

ఇది సహజ రాశిచక్రంలో, బుద్ధిస్థానమైన సింహరాశిలో సంభవించడం, అక్కడే రవిచంద్రులకు ప్రబల శత్రువైన రాహువు ఉండి ఇద్దర్నీ మ్రింగడం వల్ల ఈ క్రింది సంఘటనలు సంభవిస్తాయి/ సంభవిస్తున్నాయి.

-- చాలామందికి మనస్సు చికాకుగా అయిపోతుంది.బుద్ధిహీనత ప్రాప్తిస్తుంది. రెస్ట్ లెస్ అయిపోయి ఆందోళనా, అసహనమూ,కోపమూ పెరిగిపోతాయి. అనవసరంగా ఎవర్నో అరవడమూ, గొడవలు పడటమూ జరుగుతుంది. రక్తసంబంధమైన రోగాలూ, జీర్ణకోశ, హృదయసంబంధ రోగాలూ మేమున్నామంటూ గుర్తుచేస్తాయి.

గట్టిగా గమనిస్తే గత రెండు రోజులనుంచీ ఈ మార్పులు మీలో మీరే చూచుకోవచ్చు.

--సింహరాశి - అధికారులకు, నాయకులకు సూచిక గనుక - ఈ ఫలితాలు నాయకులకు బాగా వర్తిస్తాయి.ఉదాహరణకు - చంద్రబాబు పైన 'ఓటుకు కోట్లు కేసు' నీలి నీడలు గట్టిగా ప్రసరిస్తున్నాయి.అలాగే,ఉపవాసాలవల్ల శరీరంలో సోడియం లెవల్స్ తగ్గిపోయి మత నాయకుడైన కంచి శంకరాచార్య జయేంద్ర సరస్వతి హటాత్తుగా కుప్పకూలిపోయి విజయవాడ లోని ఒక ఆస్పత్రిలో ICU లో ప్రస్తుతం చికిత్స పొందుతున్నారు.ఆయన భక్తులు శిష్యులు లక్షలాది మంది ఆందోళనలో ఉన్నారు.చంద్రబాబు రాజకీయ నాయకుడు, కంచి శంకరాచార్య మతనాయకుడు - కానీ ఇద్దరూ నాయకులే. సింహరాశిచే సూచింపబడే వారే.

సోడియం అనేది శరీరంలోని నీటిస్థాయిని నియంత్రిస్తుంది. నీరు అనేది చంద్రుని అధీనంలో ఉంటుందని జ్యోతిశ్శాస్త్రం చెబుతున్నది.కనుక చంద్రుడు శక్తిహీనుడైన అమావాస్య సమయంలోనే జయేంద్ర సరస్వతి గారు,శరీరంలో సోడియం లెవల్స్ తగ్గి, కళ్ళు తిరిగి పడిపోవడం అనేది ఎంత సరిగ్గా ఉన్నదో గమనించండి.

ఇంకా చాలామంది నాయకులు ఉండగా వీరిద్దరి మీదనే ఎందుకు గ్రహప్రభావం ఇలా ఉన్నదన్న చొప్పదంటు ప్రశ్న మీకు ఉదయిస్తుందని నాకు తెలుసు. అందుకే మీరు అడగకపోయినా జవాబు చెబుతున్నాను.

జాతకంలో ఎవరి దశలు బాగా లేవో వారిమీద గ్రహచారం చాలా గట్టిగా పనిచేస్తుంది.ప్రస్తుతం ప్రముఖులలో వీరిద్దరి దశలు బాగా లేవని అర్ధం చేసుకోవచ్చు.పైగా - వీరిద్దరే కాక మిగతా అందరికీ కూడా ఎవరికి అనువైన రీతిలో వారికి వడ్డన జరుగుతూనే ఉంటుంది.

కొంతమంది బయటకు చెప్పుకుంటారు.మరి కొంతమంది చెప్పుకోలేరు.కొంతమంది మీడియాలో బయటపడతారు. కొంతమంది పడరు. అంతే తేడా !

వీరు ప్రముఖులు, వీరు కాదు అని మనకు ఉండవచ్చు.కానీ దైవశక్తులైన గ్రహాలకు అలా ఉండదు.వాళ్ళు ఎవరైనా సరే, సమయం వచ్చినపుడు వారి ఖర్మను అనుభవింప జెయ్యడమే వాటి పని. గ్రహాల ముందు అందరూ ఒకటే.

నిజమైన కమ్యూనిస్టులూ సోషలిస్టులూ గ్రహాలే.

అందరూ ఒకే టైంలో పుట్టలేదు.అందరికీ ఒకే సమయంలో అన్నీ జరగవు. కానీ కొన్ని సిమిలారిటీస్ వల్ల కొంతకొంత మందికి దాదాపుగా ఒకే విధమైన సంఘటనలు ఒకే సమయంలో జరుగుతాయి.అదే జ్యోతిష్య శాస్త్రంలో ఉన్న విచిత్రం.

--అదే విధంగా రవిచంద్రుల మీద శనికుజుల ప్రభావం వల్ల - ఈరెండు రోజులలో అనేక దుర్ఘటనలు జరుగుతాయి.శుక్రుని నీచస్థితి వల్ల ఆడవాళ్ళ మీద దాడులు జరుగుతాయి.ప్రముఖుల సెక్సు కుంభకోణాలు వెలుగు చూస్తాయి.ప్రముఖులకు,వారి తల్లిదండ్రులకు చెడుసమయం సూచింప బడుతున్నది.

రేపు అనగా సెప్టెంబర్ ఒకటో తేదీన - ఖగోళంలో చంద్రుడు రాహువును క్రాస్ చెయ్యబోతున్నాడు.ఆ సమయంలో ఖచ్చితంగా మరికొన్ని సంఘటనలు జరుగుతాయి. వేచి చూడండి.

read more " ఆగస్ట్ - 2016 అమావాస్య ప్రభావం "

జ్యోతిశ్శాస్త్రం సత్యమే - ఇవిగో ఋజువులు - 2

నిన్న ఈ పోస్ట్ మొదటిభాగం వ్రాసిన కాసేపటికి ఇటలీలో భూకంపం వచ్చి వందలాది ఇళ్ళు నేలమట్టం అయిపోయాయి. యధావిధిగా జనం చనిపోవడమూ, గాయాల పాలు కావడమూ షరా మామూలుగా జరిగిపోయింది.ఆ తర్వాత కొద్ది గంటలలో మళ్ళీ వచ్చిన ఆఫ్టర్ ఎఫెక్ట్స్ వల్ల ఇంకా కొన్ని ఇళ్ళు మళ్ళీ నేలమట్టం అయిపోయాయి.

మీలో చాలామంది పోయినేడాది నేను వ్రాసిన 'రోహిణీ శకట భేదనం' అనే సీరీస్ చదివి ఉంటారు. రెండువేల సంవత్సరాల క్రితం వరాహ మిహిరుడు వ్రాసిన ఒక సూత్రం నేటికీ ఎంత ఖచ్చితంగా పనిచేస్తున్నదో అందులో వివరించాను. దానిననుసరించి వచ్చే ఏడాదిలో, అంటే 2016 లో, ఇదే యోగం వస్తున్నదనీ, అప్పుడు చాలా ఘోరాలు తప్పకుండా జరుగుతాయనీ చెప్పాను.అవి జరిగినప్పుడు గుర్తు చేస్తానని కూడా చెప్పాను.

వరాహ మిహిరుడు చెప్పిన వాటిల్లో - భూకంపాలు, వరదలు, కరువు, తెగుళ్ళు ముఖ్యమైనవి.

ప్రస్తుతం ఈ నెల 20 నుంచీ 26 వరకూ (అంటే ఇంకో రెండు రోజుల వరకూ) శని కుజ సంయోగం ఖగోళంలో జరుగుతున్నది. ఇది రోహిణీ నక్షత్రం ఉన్న వృషభ రాశిని సప్తమదృష్టితో బలంగా వీక్షిస్తున్నది.అంటే - ఈ దుర్యోగం కళ్ళు తెరవడానికి, ప్రజల పాపం పండటానికీ ఇది సరియైన సమయం అన్నమాట.

ఈ వారంలో - మన దేశంలోని ఉత్తరప్రదేశ్,బీహార్,వెస్ట్ బెంగాల్ రాష్ట్రాలలో భీభత్సమైన వరదలు వచ్చాయి. ప్రస్తుతం అలహాబాద్ పట్టణం మొత్తం వరద నీటిలో మునిగి ఉన్నది.

బీహార్ లో ఉన్న 24 జిల్లాలలో వస్తున్న ఈ వరదలకు దాదాపు 30 లక్షల మంది ప్రజలు దెబ్బ తిన్నారు.ఇది చిన్నా చితకా ఉపద్రవం కాదు.ఒక జలప్రళయం అనే చెప్పాలి.

ఈ జలప్రళయం వరాహ మిహిరుడు వాడిన మాటలకు ఖచ్చితంగా సరిపోతున్నది.

రాయిటర్స్ వార్తా సంస్థ ఏం వ్రాస్తున్నదో చూడండి.

Heavy monsoon rains have caused rivers, including the mighty Ganges and its tributaries, to burst their banks forcing people into relief camps in the states of Madhya Pradesh, Bihar, Uttar Pradesh, Rajasthan and Uttarakhand.

Government officials in Bihar, which has seen some of the worst flooding this year with almost 120 dead and more than five million affected, said the situation was serious.

"The flood waters have engulfed low-lying areas, homes and fields of crops," said Zafar Rakib, a district magistrate of Katihar, one of 24 districts out of Bihar's 38 districts which have been hit by the deluge.

"We have shifted people to higher ground and they are being provided with cooked rice, clean drinking water, polythene sheets," he told the Thomson Reuters Foundation.

In neighbouring Uttar Pradesh, where 43 people have died and over one million are affected, schools were closed in the cities of Varanasi and Allahabad as both the Ganges and Yamuna rivers crossed danger levels and flood waters continued to rise.

The holy city of Varanasi, where thousands of Hindus flock daily, was also forced to halt cremations along the banks of sacred Ganges river -- forcing families to cremate their relatives on the terrace roofs of nearby houses, officials said.

Television pictures showed villagers wading waist deep in floodwaters with their livestock, mud-and-brick homes collapsing and people climbing into wooden boats to get to relief camps.

"We are all worried about what we should do. For the last four days we have living like this. We don't even have any food to eat," 42-year-old villager Doda Yadav told the NDTV news station from Ballia district in Uttar Pradesh.

In the central state of Madhya Pradesh, where at least 70 have died since the onset of the monsoons in June and more than 40,000 homes partially or fully destroyed, almost 20,000 people have been evacuated to relief camps.

Officials said villagers would return home when water levels receded, although the Indian Meteorological Department has forecast more rains for central India over the next two days.

(Courtesy:--http://in.reuters.com/article/india-floods-idINKCN10Y1OQ)

ఇది చాలదన్నట్లుగా, నిన్న ఇటలీలో వచ్చిన భూకంపం మన దేశంలోని బీహార్, ఒరిస్సా, వెస్ట్ బెంగాల్,త్రిపురా లలో కూడా 6-7 స్థాయిలో కనిపించింది.

PTI వార్తా సంస్థ ఏమంటున్నదో చూడండి.

A powerful 6.7 magnitude earthquake struck several parts of Bihar, Odisha, Assam, West Bengal and Tripura on Wednesday. There were, however, no immediate reports of human casualties or damage to property.

The epicentre was 58 km deep below the earth’s surface at Chauk, a small town in north-central Myanmar, according to the National Centre for Seismology, a unit of Ministry of Earth Sciences. The U.S. Geological Survey put the intensity of the quake at 6.8 on the Richter scale.

Tremors were felt in several parts of north India, including Gurgaon, Manesar and Bhondsi in Haryana, authorities said.

People in Kolkata, Patna and Guwahati were seen rushing out of their homes and offices into the streets in panic immediately after the quake struck at 4:04 p.m.

The Director of Bihar’s Met office A.K. Sen said the quake caused some old buildings to develop cracks.

(Courtesy:--The Hindu)

http://www.thehindu.com/todays-paper/tp-national/quake-jolts-east-northeast-india/article9028090.ece

Amatrice in rubble

The birthplace of the famed spaghetti all’amatriciana bacon and tomato sauce, the city was full for this weekend’s planned festival honoring its native dish. Some 70 guests filled its top Hotel Roma, famed for its amatriciana, and a rescue worker said at least five bodies were pulled from the hotel’s rubble. The fate of the dozens of other guests wasn’t immediately known.

 Amatrice is made up of 69 hamlets that teams from around Italy were working to reach with sniffer dogs, earth movers and other heavy equipment to reach residents. In the city center, rocks and metal tumbled onto the streets and dazed residents huddled in piazzas as more than 200 aftershocks jolted the region throughout the day, some as strong as magnitude 5.1.

“The whole ceiling fell but did not hit me,” marveled resident Maria Gianni. “I just managed to put a pillow on my head and I wasn’t hit, luckily, just slightly injured my leg.”

Another woman, sitting in front of her destroyed home with a blanket over her shoulders, said she didn’t know what had become of her loved ones.

“It was one of the most beautiful towns of Italy and now there’s nothing left,” she said, too distraught to give her name. “I don’t know what we’ll do.”

As the August sun turned into a nighttime chill, residents, civil protection workers and even priests dug with shovels, bulldozers and their bare hands to reach survivors. A steady column of dump trucks brought tons of twisted metal, rock and cement down the hill and onto the highway toward Rome, along with a handful of ambulances bringing the injured to Rome hospitals.

“We need chain saws, shears to cut iron bars and jacks to remove beams. Everything, we need everything,” civil protection worker Andrea Gentili told The Associated Press in the early hours of the recovery. Italy’s national blood drive association appealed for donations to Rieti’s hospital.

Residents in a central Italian region devastated by an earthquake have been jolted awake by a strong aftershock.

The U.S. Geological Survey put its magnitude at 4.7 with the epicentre about 7 kilometres east of Norcia, with a relatively shallow depth of 10 kilometres (6 miles). The latest temblor struck at about 5-40 a.m. on Thursday.

Norcia, which is about 170 kilometres (105 miles) northwest of Rome, was the epicentre of Wednesday morning’s 6.2 earthquake that leveled the central Italian towns of Amatrice, Accumoli and Pescara del Tronto, and killed at least 159 .

(Courtesy :--The Hindu)

http://www.thehindu.com/news/international/italy-earthquake-kills-at-least-120-reduces-towns-to-rubble/article9027603.ece

కరెక్టుగా ఒక వారం టైం స్లాట్ లో ఈ ప్రకృతి వైపరీత్యాలను ఇంత ఖచ్చితంగా ఊహించి చెప్పగలిగే సైన్స్ ఇంకేదైనా ఉన్నదా? మీరే ఆలోచించండి.

2000 సంవత్సరాల క్రితం వరాహ మిహిరుడు చెప్పిన "ఒక" సూత్రం ఇంత ఖచ్చితంగా రుజువైన తర్వాత కూడా,ఇంకా ఇలాంటి సూత్రాలు అనేకం ఉన్న జ్యోతిశ్శాస్త్రం అబద్దమని మీరు అనుకునే పనైతే, మీకు మతి భ్రమించిందనీ, మీ లాజికల్ రీజనింగ్ సరిగ్గా పనిచెయ్యడం లేదనీ, నేనూ అనుకోక తప్పదు మరి.

ప్రకృతి అనేది కొన్ని సూత్రాల అనుగుణంగా పనిచేస్తున్నది.ఆ సూత్రాలను అర్ధం చేసుకోవడమే మనిషి చెయ్యవలసిన పని.దానినే సైన్స్ అంటున్నాం.ప్రస్తుత సైన్స్ కు అందని ఇంకా ఎంతో సైన్స్ ప్రకృతిలో దాగి ఉన్నది.దానిలో ఒక భాగమే జ్యోతిష్య శాస్త్రం.

జ్యోతిశ్శాస్త్రం అనేది దేవుడు మనిషికి ఇచ్చిన అద్భుతమైన వరం.దానిని సరిగ్గా ఉపయోగించుకోవడం తెలిస్తే మనిషి జీవితం ఇంకా ఎంతో బాగుంటుంది.కానీ మన వక్రబుద్ధి అనేది ఒకటుంది కదా !  అది ఇలాంటి శాస్త్రాలను మూడనమ్మకాలుగా అనుకునేటట్లు మనల్ని ప్రేరేపిస్తుంది.

నమ్మి సక్రమంగా వాడుకునేవారు బాగు పడతారు.లేనివారు వాళ్ళ ఖర్మను వాళ్ళు అనుభవిస్తుంటారు.

ఈ ప్రపంచం ఒక విచిత్రమైన నాటక రంగం.

ఏం చేస్తాం !! ఎవరి ఖర్మ వారిది.

read more " జ్యోతిశ్శాస్త్రం సత్యమే - ఇవిగో ఋజువులు - 2 "

జ్యోతిశ్శాస్త్రం సత్యమే - ఇవిగో మరిన్ని ఋజువులు

జ్యోతిశ్శాస్త్రం సత్యమే అనడానికి నిత్యజీవితం లోనుంచి ఎన్ని కావాలంటే అన్ని ఋజువులు నేను చూపించగలను.కానీ దీనిని ఒప్పుకోవాలంటే మీకు ఓపన్ మైండ్ ఉండాలి. ప్రిజుడిస్ తో కూడిన మైండ్ ఉంటే, మీరు ఈ విషయాలు ఒప్పుకోలేరు.మీ మైండ్ మీ ఇష్టం గనుక మీ ఖర్మకు మిమ్మల్ని వదిలేస్తూ, కొన్ని విషయాలు మాత్రం చెప్పదలుచుకున్నాను.

ప్రస్తుతం ఖగోళంలో ఒక ముఖ్యమైన గ్రహయోగం నడుస్తున్నది. దాని ఫలితాలు స్పష్టంగా భూమిమీద కనిపిస్తున్నాయి.కొంత వివరణతో నేను చెబుతున్నది నిజమేనని మీకు అర్ధమౌతుంది.

మొన్న 20 తేదీ నుంచీ రేపు 26 వరకూ ఒక వారం పాటు ఈ యోగం నడుస్తుంది.అదేంటంటే - శని కుజుల డిగ్రీ సంయోగం, మరియు గురు బుధుల డిగ్రీ సంయోగం.ఈ వారం వరకూ వీళ్ళు ఒకే నక్షత్ర పాదంలో ఉంటున్నారు.అంటే నవాంశలో కూడా ఒకే రాశిలో వీరు ఉంటారు.ఈ సంయోగం భూమిమీదా మనుషుల జీవితాల లోనూ స్పష్టమైన ఫలితాలను ఖచ్చితంగా చూపిస్తుంది.

శనికుజుల కలయిక భయంకరమైన ప్రమాదాలను యాక్సిడెంట్ లను ఇస్తుందని గతంలో లెక్కలేనన్ని సార్లు నేను చెప్పాను. ఉదాహరణలతో సహా రుజువు చేశాను.ప్రస్తుతం ఏం జరుగుతున్నదో చూద్దామా?

>> బార్డర్లో పాకిస్తాన్ ఆగడాలు రోజురోజుకీ పెరుగుతున్నాయి. అలాగే అరుణాచల్ ప్రదేశ్ బార్డర్లో చైనా ఆగడాలు కూడా శృతి మించుతున్నాయి.

>>మహారాష్ట్రాలో రోగులను చంపుతున్న 'సంతోష్ పోల్' అనే డాక్టర్ ఇదే సమయంలో పట్టుబడ్డాడు.

>> కేరళలో ఇద్దరు మహిళలు వీధి కుక్కల దాడిలో గాయపడి మరణించారు.ఇది బీచ్ పక్కన ఉన్న పార్కులో జరిగింది. వీధి కుక్కలు దేశ పౌరులను ఎటాక్ చేసి చంపడం మన దేశంలోనే చూడగలం !!

>> మద్యప్రదేష్, రాజస్థాన్, ఉత్తరాఖండ్  రాష్ట్రాలలో తీవ్రమైన వర్షాలు కురిసి జనజీవనం అతలాకుతలం అయ్యింది.కనీసం 50 మంది చనిపోయారు. 'రోహిణీ శకట భేదనం' గురించి రెండు వేల ఏళ్ళక్రితం వరాహ మిహిరుడు ఏమన్నాడో అది మళ్ళీ ఇప్పుడు జరగడం కళ్ళారా చూస్తున్నారు కదా !!

>>జమ్మూ కాశ్మీర్ లో అల్లర్లు హింసా తీవ్ర రూపం దాల్చి, ప్రతిపక్షాలు దేశాధ్యక్షుడిని జోక్యం చేసుకొమ్మని అడిగేంత వరకూ వెళ్ళాయి.

>>ఖమ్మం దగ్గర హైవే మీద నుంచి కింద నున్న NSP canal లోకి బస్సు పడిపోయి 10 మంది చనిపోయారు.

>> ధార్వాడ్ జిల్లాలో బస్సు కారు గుద్దుకుని బస్సు తిరగబడి అందులో ఉన్న 33 మంది తీవ్రగాయాల పాలయ్యారు.

అంతర్జాతీయం

>> రోమ్ లో భూకంపం వచ్చి కనీసం పదిమంది చనిపోయారు.అనేక ఇళ్ళు కూలిపోయాయి.వరాహ మిహిరుని వ్యాఖ్య మళ్ళీ నిజం అయింది.

>> తాయిలాండ్ లో బాంబు పేలుళ్లు జరిగి అనేకమంది చనిపోయారు.

>> ఫిలిప్పీన్స్ లో జరిగిన యాంటి-డ్రగ్ డ్రైవ్ లో ఒక్క వారంలో 2,000 మంది చంపబడ్డారు.

>>గాజా స్ట్రిప్ లో ఇజ్రాయెల్ విమాన దాడులు జరిగాయి. ఇంకా జరుగుతున్నాయి.

>>టర్కీలో IS దాడిలో 51 మంది మరణించారు.

>>ఇరాక్ 36 మంది జిహాదీలను ఉరితీసింది.

>> నైజీరియాలో బోకో హరాం ఇస్లామిక్ తీవ్రవాదులు కనీసం 13 మందిని చంపేశారు.ఇంకో 15 మందికి కిడ్నాప్ చేసి పట్టుకుపోయారు.

>>పాకిస్తాన్ లో MQM తీవ్రవాదులు టీవీ స్టేషన్ ను ఎటాక్ చేసి ఒకరిని చంపేశారు.

ఉచ్చ స్థితిలో ఉన్న బుధుడిని, గురువు చేరడం అనే యోగం వల్ల క్రీడాకారులకు కళాకారులకు సన్మానాలు, సంబరాలు, పెద్ద ఎత్తున ఉత్సవాలు, ఇంటలెక్చువల్ వ్యాసంగాలు,వ్యాపార ఒప్పందాలు జరుగుతాయి.

>>ఇదే సమయంలో - ఒలింపిక్స్ లో - మన తెలుగమ్మాయి అయిన సింధు సిల్వర్ మెడల్ గెలిచింది.అదే విధంగా దీపా కర్మాకర్ కూడా ఒలింపిక్ జిమ్నాస్టిక్స్ లో ప్రతిభను కనబరిచింది.

>>ఇదే సమయంలో బలూచిస్తాన్ మీద మన ప్రధాని మోడీ ఒక వ్యూహాత్మకమైన ఇంటలెక్చువల్ ప్రకటన చేశాడు.దీనివల్ల అంతర్జాతీయ వేదికలమీద పాకిస్తాన్ మన దేశంపైన కక్కుతున్న విషానికి చెక్ పడుతుంది.

>>ఇదే సమయంలో ఒలింపిక్స్ ముగింపు సంబరాలు జరిగాయి.అదే విధంగా మన ఆంధ్రాలో కృష్ణా పుష్కర ముగింపు సంబరాలు పెద్ద ఎత్తున జరిగాయి.

ఇలాంటి వన్నీ ప్రతిరోజూ ఎక్కడో ఒకచోట జరుగుతూనే ఉంటాయని అనేవారు అనవచ్చు.అన్నీ ప్రతిరోజూ జరగవు. కొన్ని కొన్ని సమయాలలోనే కొన్ని కొన్ని సంఘటనల ట్రెండ్ ఎక్కువగా కనిపిస్తుంది.అలాంటి సమయంలో ఖగోళంలో దానికి సరిపోయే గ్రహస్థితులు ఖచ్చితంగా ఉంటాయి. స్టాటిస్టికల్ గా కూడా ఈ విచిత్రం చాలా ఖచ్చితంగా కనిపిస్తుంది.

ఉదాహరణకు మొన్న, నిన్నలలో గమనించండి. మనుషులలో మానసిక అలజడి, రెస్ట్ లెస్ అవ్వడం,ఇంటలెక్చువల్ యాక్టివిటీలు చాలా ఎక్కువగా ఉంటాయి.చాలామంది కుటుంబాలలో ఇదే సమయంలో గొడవలు జరిగి ఉంటాయి. చాలామందికి ప్రమాదాలు జరిగి చిన్నవో పెద్దవో దెబ్బలు తగిలి ఉంటాయి.మనుషులు డిప్రెషన్ లోకి వెళ్ళడం, కొందరి జీవితాలలో ఊహించని మార్పులు జరగడం జరుగుతుంది.

మీ జీవితాన్నీ మీ చుట్టుపక్కల వారి జీవితాలనూ నిశితంగా గమనించండి, విషయాలు మీకే అర్ధమౌతాయి.

ఇదంతా చూస్తున్న తర్వాత కూడా, గ్రహ సంచారానికీ భూమి మీద సంఘటనలకూ సంబంధం ఉండదని ఇంకా మీరు భావిస్తున్నారా? అలా భావిస్తుంటే, మీ అజ్ఞానానికి నేనేం చెయ్యగలను చెప్పండి??

read more " జ్యోతిశ్శాస్త్రం సత్యమే - ఇవిగో మరిన్ని ఋజువులు "

మా అమెరికా యాత్ర - 40 (గాంగెస్ ఆశ్రమం - అతీతానుభవాలు)

గాంగెస్ లో మేమున్న అయిదురోజులలో నా శిష్యులలో చాలామందికి ఎన్నో అతీతానుభవాలు కలిగాయి.నిజాయితీగా సక్రమమైన మార్గంలో సాధన చేసేవారికి ఇంద్రియాలకు అతీతమైన అద్భుతానుభవాలు కలగడం వింతేమీ కాదు.అది చాలా సహజంగా జరుగుతుంది.

ఈ పోస్ట్ లో అలాంటి అనుభవాలను కొన్నింటిని ప్రస్తావిస్తాను (కొన్నింటిని,అందులోనూ వ్రాయదగినవాటిని మాత్రమే).

గాంగెస్ లో ఉన్నన్ని రోజులూ, నావరకూ నేను, నాకలవాటైన అంతరిక స్థితులలో నిరంతరం ఉన్నాను.కానీ అవి బయటి వారికి ఏమాత్రం కనపడవు. అర్ధం కావు.నలభై ఏళ్ళ సాధనతో ఆ విధంగా ఉండగల కంట్రోల్ ను నేను సాధించాను.

నా సంగతి అలా ఉంచితే - మిగతావారి అనుభవాలు కొన్ని వినండి.

మొదటి రోజున మేము అక్కడకు వెళ్ళేసరికి - మాకంటే ముందు అక్కడకు చేరుకున్న మాధవ్, రాజూ రిట్రీట్ హోం వెనుక ఉన్న ఫైర్ ప్లేస్ దగ్గర చెట్లక్రింద కూచుని ధ్యానంలో మాకు కనిపించారు.ఆ తర్వాత - ఆ ప్రదేశంలో ఆధ్యాత్మిక తరంగాలు చాలా బలంగా ఉన్నాయనీ వాటి ప్రభావంతో ధ్యానస్థితి దానంతట అదే వస్తున్నదనీ మా అబ్బాయి మాధవ్ నాతో అన్నాడు.

నాలుగేళ్ల క్రితం మేమందరం కలకత్తా వెళ్ళినపుడు అక్కడ దక్షిణేశ్వర్ కాళికాలయ ప్రాంగణంలో మా అబ్బాయికీ అమ్మాయికీ దీక్షలిచ్చాను.నా నుంచి మొదటగా దీక్షలు తీసుకున్నది వాళ్ళే.అప్పటినుంచీ వాళ్ళు సాధన చేస్తున్నారు. అమెరికా వెళ్ళి, చదువుకున్నా, ఉద్యోగం చేస్తున్నా, మా వాడు క్రమం తప్పకుండా సాధన చేస్తూనే ఉన్నాడు.ఈ నాలుగేళ్ళలో తను ఆధ్యాత్మికంగా ఉన్నతమైన స్థాయిలను క్రమంగా అందుకుంటున్నాడు.ఎప్పటికప్పుడు తన అనుభవాలను నాకు చెప్పి నా సలహాలు తీసుకుంటూ ఉంటాడు.కనుకనే గాంగెస్ లో అడుగు పెట్టడంతోనే అక్కడి ఆధ్యాత్మిక తరంగాలను ఫీల్ అవగలిగాడు.

అక్కడ ఉన్న అయిదు రోజులలో తను చాలా సమయం ట్రాన్స్ లో ఉన్నాడు.కానీ అన్ని పనులూ చేస్తూనే ఉన్నాడు.ఎయిర్ పోర్ట్ నుంచి వచ్చేవారిని రిసీవ్ చేసుకోవడం, మళ్ళీ వారిని దింపడం, షాపింగ్ మాల్ కు వెళ్లి వస్తువులు కొనడం వగైరా అన్ని పనులూ చేస్తూనే, లోపల్లోపల ట్రాన్స్ లో ఉండగలుగుతున్నాడు.ఇది గమనించి నేను చాలా సంతోషించాను.

ఈ నాలుగేళ్ళలో తనకు చాలా అనుభవాలు కలిగాయి. వాటినన్నిటినీ ఇక్కడ వ్రాయను గాని, తనకు గాంగెస్ లో కలిగిన ఒక్క అనుభవాన్ని మాత్రం ఇక్కడ అక్షరబద్ధం చెయ్యదలచుకున్నాను.ఎందుకంటే ఇది అద్భుతమైన Out Of The Body Experience కనుక.

Para Normal ప్రపంచంలో దీనినే క్లుప్తంగా OBE అంటారు.

చీకటి పడిన తర్వాత రిట్రీట్ హోం వెనుక ఉన్న ఓపెన్ ఫైర్ ప్లేస్ చుట్టూ పాతి ఉన్న చెట్ల మొద్దుల మీద కూచుని అందరం ధ్యానం చేసేవాళ్ళం.అలా రెండు మూడు సార్లు చేశాం.

ఒకరోజున సాయంత్రం నుంచీ తను ట్రాన్స్ లో ఉండటం నేను గమనించాను.ఆ రోజున చీకటి పడిన తర్వాత అందరం ఫైర్ ప్లేస్ దగ్గర మౌనంగా ధ్యానం చేస్తున్నాం.

అక్కడున్న అందరినీ నేను గమనిస్తూనే ఉన్నాను.ఎవరెవరి ఆలోచనలు ఎలా ఉన్నాయో నాకు తెలుస్తూనే ఉన్నది.ఊరకే కళ్ళు మూసుకుని ఆలోచనల సుడిలో కొట్టుకుపోతున్న వాళ్ళు కొందరు, ఏవేవో ప్లాన్స్ వేస్తున్న వాళ్ళు కొందరు,చెదిరిపోతున్న ఆలోచనలను కూడగట్టుకోవాలని ప్రయత్నిస్తున్న వాళ్ళు కొందరు,నిద్రమత్తులో ఉంటూ అదే ధ్యానం అనుకుంటున్న వారు కొందరు,కలల్లో తేలిపోతూ అవే అనుభవాలని అనుకుంటున్నవారు కొందరు,ఊరకే చలికాచుకుంటున్న వారు కొందరు - ఇలా ఉన్న రకరకాలైన వారిమధ్య ఒకరిద్దరు మాత్రమే ధ్యాన స్థితి నిజంగా కుదిరిన వారు కనిపించారు.వారిలో మాధవ్ ఒకడు.

ఇలా ధ్యానం చేస్తున్న తనకు అకస్మాత్తుగా ఒక అనుభవం కలిగింది.మా చుట్టూ చాలా పొడవైన చెట్లు ఉన్నాయి.అవి పైన్ వృక్షాలో లేక మరే చెట్లో నాకైతే తెలీదు. మాతోనే కూర్చుని ధ్యానిస్తున్న తను, అకస్మాత్తుగా చెట్ల పైన ఆకాశంలో తేలుతూ ఉన్నట్లుగా ఫీల్ అయ్యాడు.అక్కడ తేలుతూ, క్రింద ఉన్న మంటనూ,దాని చుట్టూ కూచుని ఉన్న మమ్మల్నందరినీ, మాతోబాటు "తనను" కూడా bird's eye view లో చూస్తున్నాడు.ఆ సమయంలో చాలా తేలికగా, చాలా సంతోషంగా, దూదిలా గాలిలో తేలుతున్నట్లు ఫీలింగ్ తనకు కలిగిందని నాకు తర్వాత చెప్పాడు.ఆ సమయంలో ప్రపంచమూ,జీవితమూ,దాని బాధలూ సమస్యలూ ఏవీ తనకు గుర్తు రాలేదట.

సరిగ్గా అప్పుడే, మా గ్రూప్ లో ఉన్న కొందరికి మెంటల్ పట్టింది. వాళ్ళేదో పిచ్చి చేష్టలు చెయ్యబోవడమూ, నేను వారిని గదమడమూ జరిగాయి.అప్పటివరకూ గాలిలో చెట్లపైన తేలుతున్న తను, నా గద్దింపుతో, ఒకే ఒక్క సెకండ్లో శరీరంలోకి వచ్చేశాడు.తన OBE state ఆ విధంగా చెదిరిపోయింది.

అందుకే - ధ్యానుల చుట్టు పక్కల, మామూలు మనుషులు ఉండకూడదు.తెలిసీ తెలియక వాళ్ళు ఆలోచించే పిచ్చి ఆలోచనలతో, వాళ్ళు చేసే పిచ్చి చేష్టలతో ధ్యానులకు చాలా డిస్టర్బెన్స్ అవుతుంది.వారి ధ్యానం పాడైపోతుంది.ఇలాంటి వాటిని ఎవాయిడ్ చెయ్యడానికే ధ్యానులు మౌనులు కొండల్లో అడవుల్లో జనసంచారానికి దూరంగా ఉంటూ ఉంటారు. మామూలు మనుషులకూ ధ్యానులకూ అందుకే - ఎప్పుడూ పడదు.వీరిని వారూ భరించలేరు.వారిని వీరూ భరించలేరు.

ఆ తర్వాత అందరం లేచి రిట్రీట్ హోం లోకి వచ్చాం.తను కూడా మాతోబాటు నిదానంగా నడుచుకుంటూ వచ్చి క్రింద హాల్లో ఉన్న సోఫాలో కళ్ళు మూసుకుని మత్తుగా పడుకున్నాడు. ఆ అనుభవం సడన్ గా పోయినా, అది కలిగించే మత్తు అంత త్వరగా పోదని నాకు తెలుసు,ఆ స్థితిలో చాలా హాయిగా ఆనందంగా ఉంటుంది. అందుకని నేనూ తనని డిస్టర్బ్ చెయ్యకుండా ఊరుకున్నాను.ఆ రాత్రంతా తను అదే స్థితిలో ఉన్నాడు.

ఆ తర్వాత - ఈ స్థితి కలిగినప్పుడు ఏం చెయ్యాలో ఏం చెయ్యకూడదో,ఎలా దానిని నిలుపుకోవాలో - ఈ రహస్యాలన్నీ తనకు వివరించి చెప్పాను.

ఇకపోతే - ఉదయం పూట ధ్యాన సమయంలో నాతో ఉన్న చాలామందికి చాలా అనుభవాలు కలిగాయి.

కొందరికి కనులముందు వెలుగు కనిపించింది.కొందరికి రకరకాలైన రంగులు కనిపించాయి.ఇంకొందరికి చెవులలో నిరంతరం మ్రోగుతున్న హమ్మింగ్ సౌండ్ వినిపించింది. ఒకరిద్దరికి మాత్రం దేవతా స్వరూపాలు దర్శనం ఇచ్చాయి.మొత్తం మీద అందరికీ ఏదో తెలియని ఆనందం కలిగింది.ఆ కొద్ది రోజులపాటు - ఇంటి గొడవలు, నిత్యజీవితపు సమస్యలు ఏవీ ఎవరికీ గుర్తు రాలేదు.అందరం కలసిపోయి ఒకే కుటుంబంలా సరదాగా ఆనందంగా ఆ రిట్రీట్ హోం లో గడిపాము.

మాధవ్ కు కలిగిన OBE హటాత్తుగా చెడిపోయిన సందర్భంగా నేనూ ఒక గుణపాఠం నేర్చుకున్నాను.నాతో రిట్రీట్ కు ఇకమీదట ఎవరిని బడితే వారిని పిలవకూడదని, నాతో పూర్తిగా సింక్ అయ్యి,మౌనంగా ఉంటూ,తూచా తప్పకుండా నేను చెప్పినట్లు ఆచరించే,అతి కొద్దిమందిని మాత్రమే నాతో స్పిరిచ్యువల్ రిట్రీట్లకు ఇకమీదట పిలవాలనేదే నేను నేర్చుకున్న ఆ పాఠం. 

ఈ క్రమంలో - ఇప్పటివరకూ నాతో ఎంత సన్నిహితంగా ఉన్నవారినైనా సరే - వారు ఈ విధంగానే ప్రవర్తిస్తూ ఉండే పనైతే - అలాంటి వారిని దూరంగా ఉంచాలన్న నిశ్చయానికి నేను వచ్చేశాను.

లౌకిక జీవితంలో కూడా - నానుంచి ఎవరికీ ఏ విధమైన ఇబ్బందీ కలగకూడదని భావించేవాడిని నేను.ఇక - మనవల్ల మన ఆప్తులకు ఆధ్యాత్మికంగా హాని జరుగుతూ ఉంటే దానిని ఎలా సహించగలం?

మనోనిగ్రహమూ ఆత్మనిగ్రహమూ లేకుండా,ఇలా అర్ధం పర్ధం లేని ఆవేశ కావేషాలకు లోనైపోతూ, లోపల్లోపల ఏవేవో ఊహించుకుంటూ,మనం అక్కడకు ఎందుకొచ్చాం అన్న స్పృహకూడా లేకుండా ఇష్టం వచ్చినట్లు ప్రవర్తించే వారు,వారివారి భావనా పరంపర వల్లా,నా మాట వినని ప్రవర్తన వల్లా,తమతో ఉన్న ఇతర ధ్యానుల నిష్ఠకు భంగం కలిగించిన వారౌతారు.వీరు ఇటువంటి రిట్రీట్లకు ఎంతమాత్రం పనికిరారు.

కనుక ఇకమీద అందరినీ నాతో స్పిరిచ్యువల్ రిట్రీట్లకు పిలవకూడదని నిర్ణయం తీసుకున్నాను.

ఎందుకంటే నాకు క్వాంటిటీ ముఖ్యం కాదు.క్వాలిటీయే ముఖ్యం.నాకు నూరుమందో వెయ్యిమందో శిష్యులు అక్కర్లేదు. నాతోబాటు నా దారిలో త్రికరణ శుద్ధిగా నడవగలిగే ఒక్కరో ఇద్దరో నాకు చాలు.

(ఇంకా ఉంది)

read more " మా అమెరికా యాత్ర - 40 (గాంగెస్ ఆశ్రమం - అతీతానుభవాలు) "

మా అమెరికా యాత్ర - 39 (అమెరికన్లకు దీక్షా ప్రదానం)

మేం రిట్రీట్ హోం కు తిరిగి వచ్చాక మా సంభాషణలలో మేం మునిగి ఉన్నాం.సాయంత్రం ఆత్మలోకానంద గారు వచ్చి మమ్మల్ని కలిశారు.ఆదివారం మధ్యాన్నం నేను ఇచ్చిన "శ్రీవిద్య" మీద ఉపన్యాసం విన్న మైకేల్ అనే అమెరికన్, నాదగ్గర దీక్ష తీసుకుందామని అనుకుంటున్నాడనీ, గౌరీవ్రతమా కూడా దానికి ఆమోదం తెలిపారనీ ఆయన నాతో చెప్పారు.

నా చిన్నప్పటినుంచీ నడచిన సాధనామార్గంలో నేను తెలుసుకున్న సత్యాలనూ, గ్రహించిన రహస్యాలనూ అర్హులైన వారికి పంచిపెట్టవలసిన సమయం వచ్చిందనీ, దానికి సిద్ధంగా ఉండమనీ 'గౌరీవ్రత మా' నాతో చెప్పమన్నారని ఆయన అన్నారు.

ముందు అతనితో మాట్లాడాలనీ, అతని "ఆరా" ఎలా ఉందో చూడాలనీ నేను అన్నాను.

ఎందుకంటే - ఉపదేశం అనేది ఆషామాషీ వ్యవహారం కాదు.అర్హతను చూడకుండా ఎవరికి బడితే వారికి దానిని ఇవ్వడమూ కుదరదు.ఒక మనిషిని ఎంతో పరీక్షించిన తర్వాతే అతన్ని నేను శిష్యునిగా స్వీకరిస్తాను గాని ఊరకే అడిగిన వెంటనే దీక్షను ఇవ్వడం ఎన్నటికీ జరగదు.

ఈరోజు ఒక గురువును రేపు ఇంకొక గురువును ఇలా రోజుకొక గురువును మార్చే చపలచిత్తులను మనం ఈనాడు ఎంతోమందిని చూస్తూ ఉన్నాం.నిజమైన గురుశిష్య సంబంధం అంటే అలా ఉండదు.ఒకసారి ఒక గురువును ఎంచుకున్న తర్వాత ఆ బంధం జన్మజన్మాన్తరాలలో కూడా కొనసాగుతూ ఉంటుంది.ఆ విధంగా ఒకరికొకరు కట్టుబడి ఉండేవారే నిజమైన గురుశిష్యులు.

నిజమైన గురుశిష్య సంబంధం ఎలా ఉండాలనే దానిమీద నేనెప్పుడూ ఒక మాట చెబుతూ ఉంటాను.

'మనుషులకు జన్మకొక భర్తా జన్మకొక భార్యా మారవచ్చు. కొంతమందికి అఫీషియల్ గానో అనఫిషియల్ గానో ఒకే జన్మలో ఎందఱో భర్తలూ ఎందఱో భార్యలూ ఉండవచ్చు కూడా.కానీ గురుశిష్య బంధం మాత్రం ఎన్ని జన్మలైనా సరే మారేది కానే కాదు.శిష్యుడు దైవం యొక్క సన్నిధికి చేరేవరకూ,ఎన్ని జన్మలెత్తినా సరే, అది కొనసాగుతూనే ఉంటుంది.అదే నిజమైన గురుశిష్య బంధం అంటే.'

ఈ ప్రపంచంలో భార్యాభర్తల బంధమే అతి గొప్పదని చాలామంది అనుకుంటారు.అది నిజం కాదు.గురుశిష్య బంధం అనేది అంతకంటే కొన్ని వేలరెట్లు గొప్పది.భర్తలూ భార్యలూ జన్మజన్మకూ మారిపోతూ ఉంటారు.కానీ గురువు మారడు.ఎన్ని జన్మలైనా అతడు నీ వెంటనంటి నీడలా వస్తూనే ఉంటాడు.నీకు జన్మరాహిత్యం కలిగేవరకూ, నీకు సిద్ధత్వం కలిగేవరకూ, తన మోక్షాన్ని వాయిదా వేసుకుని నీకోసం ఈ లోకంలో పుడుతూ చస్తూ నీకు సహాయం చేస్తూ నిన్ను నిరంతరం రక్షిస్తూ ఉంటూనే ఉంటాడు.ఈ క్రమంలో, నీ నిజాయితీ రాహిత్యాన్నీ, నీ కపటాన్నీ, చెబితే వినిపించుకోని, చెప్పకుండా అర్ధం చేసుకోలేని నీ అల్పత్వాన్నీ,మానసికంగా నువ్వు పెట్టే హింసనూ మౌనంగా భరిస్తూనే ఉంటాడు.కానీ ఇదంతా చేసినందుకు నీనుంచి ఏ పరిస్థితిలోనూ ఏదీ ఆశించడు.

అదెంత గొప్ప బంధమో మీరే ఆలోచించండి మరి?

కనుకనే ఒకరిని గురువుగానో శిష్యుడు గానో స్వీకరించే ముందు క్షుణ్ణంగా పరీక్షించడం చాలా మంచిది.ఆ తర్వాత విచారించి లాభం ఉండదు.ఎందుకంటే ఒకసారి కమిట్ అయ్యాక ఈ మార్గంలో వెనక్కు పోవడం అంటూ సాధ్యం కాదు.ఇక్కడ విడాకులు ఉండవు.కోర్టులు ఉండవు.ఇష్టం ఉన్నా లేకున్నా ఒకసారి ఒప్పుకున్నాక చచ్చినట్లు ఈ బంధం కొనసాగాల్సిందే.

శ్రీ రామకృష్ణులు ఇలా అంటారు.

'నాణెం అసలుగా నకిలీదా అని వర్తకులు పరీక్షించినట్లు నీ గురువును శతవిధాలుగా పరీక్షించు.ఆ తర్వాతే అతన్ని గురువుగా ఒప్పుకో.అలాగే గురువూ తన కాబోయే శిష్యుని అదేవిధంగా పరీక్షించాలి.ఈ పరీక్షలలో ఇద్దరూ నెగ్గితేనే వారు ముందుకు సాగాలి.అప్పుడే అది నిజమైన బంధంగా కలకాలం నిలుస్తుంది.'

అమెరికన్లు మానవ సంబంధాలలో చాలా మర్యాద పాటిస్తారు. మనలాగా లేకిగా ప్రవర్తించరు.మనకు అవసరం అయితే అతిచనువు తీసుకుని రాసుకుని పూసుకుని తిరుగుతాం. ఎదుటి మనిషి ప్రైవసీని కూడా పట్టించుకోం.అదే, అవసరం తీరాక,అదే మనిషిని సిగ్గులేకుండా డస్ట్ బిన్ లో పారేస్తాం.మనవి చాలా కపట జీవితాలు.కానీ నేను చూచిన అమెరికన్స్ చాలా మర్యాద పాటిస్తారు.

మైకేల్ సరాసరి రిట్రీట్ హోంకు వచ్చి నన్ను కలవవచ్చు.కానీ అలా చెయ్యకుండా,ముందుగా గౌరీవ్రతమానూ, ఆత్మలోకానంద గారినీ కలసి, వారిద్వారా నన్ను అడిగించాడు.ఇది నాకు బాగా నచ్చింది.అతన్ని రమ్మనమని చెప్పాను.

కొద్ది సేపట్లో అతను వచ్చి కలిశాడు.అతనితో కాసేపు మాట్లాడాక అతను నిజాయితీపరుడే అనీ, కపటి కాదనీ నాకు నమ్మకం కలిగింది.న్యూయార్క్ స్టాక్ మార్కెట్లో అతను చాలా ఏళ్ళు స్టాక్ బ్రోకర్ గా ఉన్నాడు.ఆ తర్వాత ఆ జీవితం విసుగు పుట్టి ఆధ్యాత్మిక తపనతో వెదుకులాట సాగించాడు.ప్రస్తుతం గాంగెస్ ఆలయం వెనుక ఉన్న 108 ఎకరాల భూమినీ, 'హెరిటేజ్ మానర్' అనే ఒక హోటల్ నూ కొన్నాడు.ఆ భూమిలో శ్రీచక్రా గార్డెన్ తయారు చెయ్యాలనీ, విమానంలో పోతూ పైనుంచి చూస్తె అది పెద్ద శ్రీచక్రంలాగా కనిపించే విధంగా ఆ గార్డెన్ ను ప్లాన్ చేస్తున్నాడు.ఇంకా అతనికి ఉన్న చాలా రకాలైన ప్లాన్స్ ను మాకు వివరించాడు.అతనిలోని ఆధ్యాత్మిక తపన నాకు నచ్చింది.

మర్నాడు ఉదయం స్నానం చేసి, ఏమీ తినకుండా, ఆలయానికి రమ్మనీ,అతనికీ అతని భార్యకూ కలిపి ఒకేసారి దీక్షను ఇస్తాననీ చెప్పాను.ఎందుకంటే - భార్యాభర్తలిద్దరూ ఒకే ఆధ్యాత్మిక మార్గంలో ఉంటేనే వారి జీవితం చాలా బాగుంటుంది.ఒకరి అనుభవాలు ఒకరికి చెప్పుకుంటూ, ఒకరికొకరు సాయం చేసుకుంటూ,ఒకే గురువు శిక్షణలో చక్కగా ముందుకు సాగవచ్చు.అదే వేర్వేరు మార్గాలైతే గొడవలు వచ్చే ఆస్కారం ఉన్నది.అలా గొడవలు పడుతున్న కపుల్స్ చాలామంది నాకు తెలుసు.

మర్నాడు ఉదయం చెప్పిన సమయానికి అరగంట ముందుగానే శ్రీమాత ఆలయానికి చేరుకొని ధ్యానంలో కూచున్నాను.ఒక అరగంట తర్వాత వారిద్దరూ అక్కడకు వచ్చి చేరుకున్నారు.ముందుగా వారికి నా విధానం వివరించి, నన్ను అనుసరించడం మీకు ఇష్టమేనా? ఈ మార్గంలో చివరివరకూ మీరు నడవగలరా? అంటూ వారిని అడిగాను.వారు చాలా సంతోషంగా అంగీకరించారు.

ధ్యానంలో శ్రీమాత అనుజ్ఞను తీసుకుని,మహాగ్ని జ్వాలా స్వరూపమైన హోలీ రెలిక్స్ సమక్షంలో,వారికి ఎనర్జీ ట్రాన్స్ మిషన్ చేసి, జన్మ-కర్మ తారకమైన మహోత్తమమైన శ్రీవిద్యాదీక్షను మంత్ర-తంత్ర సహితంగా వారికి ప్రదానం గావించాను.దీక్షా సమయంలో వారు ఎంతో ఎమోషనల్ అయిపోయి వెక్కిళ్ళు పెట్టి ఏడవడం చూచి నాకే చాలా  ఆశ్చర్యం అనిపించింది.అమ్మ కరుణ వారిపైన ఆ విధంగా ప్రసరించింది. ఎంతటి అదృష్టవంతులో వాళ్ళు?

శ్రీమాత లీల ఎంత విచిత్రమైనది?

ఎక్కడి గుంటూరు? ఎక్కడి మిషిగన్ లోని గాంగెస్? ఎక్కడో పుట్టి ఎక్కడో పెరిగిన భిన్న ధ్రువాల వంటి మేము ఈరోజున ఇక్కడ ఈ ఆశ్రమంలో కలవడం ఏమిటి? వారు నాకు శిష్యులు కావడం ఏమిటి? కనీసం మా ఇంటి పక్కన ఉన్నవారికి కూడా నా గురించీ, నేను చేసే సాధన గురించీ, ఇన్నేళ్ళుగా ఏమీ తెలియదు.కానీ ఎక్కడో వేలమైళ్ళ దూరంలో ఉన్న ఈ విదేశీయులకు ఈ మహత్తర పరంపరాగతమైన శ్రీవిద్యాతంత్ర దీక్ష ఈరోజున ప్రాప్తం అయింది.

ఎవరి ప్రాప్తం వారిది.ఎవరి అదృష్టం వారిది.అమ్మ లీల ఏమిటో మనలాంటి అల్పబుద్ధులు ఎలా అర్ధం చేసుకోగలరు?

పక్కనే ఉంటూ నాతో కలసిమెలసి తిరిగేవారు కూడా నాలో ఉన్న సంపదను అందుకోలేకపోవచ్చు.కానీ ఎక్కడో భూగోళానికి ఇంకో వైపు ఉన్న ముక్కూ ముఖం తెలియనివారు దానికి అర్హులు కావచ్చు.

అంతా, ఆ జీవి చేసుకున్న పుణ్యకర్మ మీదా, ఆ జీవియొక్క హృదయ పరిశుద్ధత మీదా ఆధారపడి ఉంటుంది.మామూలుగా లోకంతో మనం చేసే నాటకాలు, వేసే వేషాలు ఈ మార్గంలో అనర్హతకు దోహదాలౌతాయి. అవి ఆధ్యాత్మిక మార్గంలో పతనాన్ని కొనితెస్తాయి.స్వచ్చమైన భక్తీ, ప్రేమా, కల్మషం లేని మనస్సూ, త్రికరణశుద్ధిగా గురువును అనుసరించడాలు మాత్రమే ఈ మార్గంలో ఉత్తీర్ణతకు కారణాలౌతాయి.ఈ సద్గుణాలు ఉన్నవారు భూమికి ఇంకోవైపున ఉన్నా ఏదో రోజున నన్ను కలుస్తారు.నా మార్గంలో నడుస్తారు.ఇవి లేనివారు నా పక్కనే ఉంటూ నాతో రోజూ మాట్లాడుతూ నాతో కలసిమెలసి తిరుగుతున్నా కూడా నాలో ఉన్న ఈ సంపదను అందుకోలేరు. ఏదో ఒకరోజున నానుంచి దూరమై పోతారు.ఈ మార్గం చాలా విచిత్రంగా ఉంటుంది మరి !!

శిష్యులంటే సొంత బిడ్డలతో సమానం గనుక, దీక్షా కార్యక్రమం అయిపోయిన తర్వాత రిట్రీట్ హోం కు వచ్చి మాతో పాటు భోజనం చెయ్యమని వారిని ఆహ్వానించాను.ఆ విధంగా అందరం కలసి ఆరోజు భోజనం చేసి సాయంత్రం దాకా మాట్లాడుకుంటూ కాలం గడిపాము.

ఆ మాటల్లో తెలిసింది వారిద్దరూ కూడా బేస్ బాల్ ప్లేయర్స్ అని.మాధవ్ క్రికెట్ వీరుడు గనుక క్రికెట్ గురించి వారితో చాలా మాట్లాడాడు.గాంగెస్ లో ఒక క్రికెట్ టీం ను ఏర్పాటు చేద్దామనీ, అక్కడ గేమ్స్ ఆడదామనీ మైకేల్,మాధవ్ లు తీర్మానించుకున్నారు.మైకేల్ వింగ్ చున్ కుంగ్ ఫూ కొన్నాళ్ళు నేర్చుకున్నాడు.అందుకని అతనితో ఆ విద్యకు సంబంధించిన కొన్ని టెక్నికల్ పదాలలో మాట్లాడాను. Bong Sao,Pak Sao,Bil Sao,Chun Sao అనే బ్లాక్స్ గురించీ, Sil Lum Tao ఫాం గురించీ అడిగాను.నాకు మార్షల్ ఆర్ట్స్ బాగా వచ్చని తెలిసి అతను ఆశ్చర్యపోయాడు.సూట్ కేస్ సర్దుకుని నాతో ఇండియాకు వచ్చేస్తానని అన్నాడు.అతన్ని వారించి, వచ్చే ఏడాది వేసవిలో నేను మళ్ళీ అమెరికా వస్తాననీ, అప్పుడు అతనికి నా స్టైల్ లో మెళకువలు నేర్పిస్తాననీ, అప్పుడు మనిద్దరం కలసి ప్రాక్టీస్ చేద్దామనీ,ఈలోపల  తనకు తెలిసినవి బాగా ప్రాక్టీస్ చెయ్యమనీ చెప్పాను.

ఆ తర్వాత మా దగ్గర సెలవు తీసుకుని వాళ్ళు వెళ్ళిపోయారు.

ఒకరి భుజాలపైన ఒకరు చేతులు వేసుకుని చెట్టాపట్టాగా నడుచుకుంటూ వారిద్దరూ అలా వెళుతుంటే ముచ్చటగా చూస్తూ ఉండిపోయాం మేమందరం.

(ఇంకా ఉంది)

read more " మా అమెరికా యాత్ర - 39 (అమెరికన్లకు దీక్షా ప్రదానం) "