ఆధ్యాత్మికం అంటే ఏమిటి?

ఆధ్యాత్మికం అంటే ఏమిటి?

అని నన్నడిగింది ఒకమ్మాయి

"ప్రేమించడం, ప్రేమలో మునిగి మరణించడం"

అన్నాను.

లోకంలో అందరూ ప్రేమిస్తున్నారుగా?

మరి వాళ్ళంతా ఆధ్యాత్మికులేనా?

అడిగింది తను.

లోకంలో కనిపించే ప్రేమ, ప్రేమ కాదు
ఆ పేరుకు అది తగదు 

నేను చెప్పే ప్రేమకు అదొక సుదూరపు ఛాయ

నేను చెప్పే ప్రేమ సత్యం. లోకప్రేమ మాయ

అన్నాను.

దానిని పొందాలంటే ఏం చెయ్యాలి?

అడిగింది.

నిన్ను బంధించిన సంకెళ్ళను త్రెంచుకోవాలి

దానిలోకి అడుగుపెట్టాలి.

దానిలో కరిగిపోవాలి.

చెప్పాను.

నా వాళ్ళను నేను వదలలేను.

నా జీవితాన్ని నేను వదలలేను.

అన్నది.

వదలమని ఎవరు చెప్పారు?

అన్నాను.

మరి బంధాలను త్రెంచాలన్నావుగా?

అడిగింది అమాయకంగా.

బంధాలంటే నీ బయట నిన్ను పట్టుకున్నవి కావు.

నిన్ను నువ్వే కట్టుకున్నవి.
నీలోపల నువ్వే అల్లుకున్నవి.

అన్నాను.

'పూజలు సరిపోవా?' అడిగింది.

'పూజలకూ దీనికీ సంబంధం లేదు.

పూజలు చేస్తుంటే పుచ్చిపోతావు గాని పండవు.'

అన్నాను.

'అర్ధం కాలేదు' అంది.
'ఇది అర్ధం చేసుకునేది కాదు. అనుభవించేది' అన్నాను.
'ఎలా?' అంది.

'ముందుకు అడుగెయ్యి తెలుస్తుంది' అన్నాను.

'వెయ్యలేను.' అంది.

'నీ ఖర్మ! పడు.' అన్నాను.

read more " ఆధ్యాత్మికం అంటే ఏమిటి? "

Zindagi Pyar Ki Do Char Ghadi Hoti Hai - Hemanth Kumar

Zindgi Pyar Ki Do Char Ghadi Hoti Hai...

అంటూ హేమంత్ కుమార్ మధురాతి మధురంగా ఆలపించిన ఈ గీతం 1953 లో వచ్చిన Anarkali అనే చిత్రంలోనిది. దీనికి ఎంతో చక్కని స్వరాన్ని అందించాడు సంగీత దర్శకుడు C.Ramachandra. హేమంత్ కుమార్ అంతకంటే మధురంగా దీనిని పాడాడు.

దీనిని ప్రదీప్ కుమార్, బినా రాయ్ ల మీద చిత్రీకరించారు.

నా స్వరంలో కూడా ఈ మధురగీతాన్ని వినండి మరి.

Movie:-- Anarkali (1953)

Lyrics:--Rajendra Krishan

Music:--C.Ramachandra

Singer:-- Hemanth Kumar

Karaoke Singer:-- Satya Narayana Sarma.

Enjoy

----------------------------------------

Zindagi pyar ki do char ghadi hoti hai – 2

Chahe thodibhi hoye Umr badi hoti hai – 2

Zindagi pyar ki do char ghadi hoti hai

Taaj yaa takhth ya doulat Ho jamane bharki – 2

Kaun si cheez mohabbat se badi hoti hai -2

Zindagi pyar ki do char ghadi hoti hai

Chahe todibhi hoye Umr badi hoti hai – 2

Zindagi pyar ki do char ghadi hoti hai

Do mohabbat bhare dil saath Dhadak teho jahaan -2

Sabse achchee vo mohabbat ki ghadi hoti hai – 2

Zindagi pyar ki do char ghadi hoti hai

Chahe thodibhi hoye Umr badi hoti hai – 2

Zindagi pyar ki do char ghadi hoti hai - 2

Meaning

Life is nothing

but a few moments spent in love

Let those moments be small

but they are the real moments in life

Let it be the crown, or the kingly throne

or wealth and prosperity

All these are just nothing
when compared to love

When two hearts full of love

vibrate together

Compared to those moments of love

What is greater in life?

Life is nothing

but a few moments spent in love

Let those moments be small

but they are the real moments in life

తెలుగు స్వేచ్చానువాదం

జీవితమంటే

ప్రేమలో బ్రతికిన రెండు క్షణాలే

అవి చాలా చిన్నవే కావచ్చు

కానీ అవే జీవితంలో అన్నిటికంటే విలువైనవి

కిరీటమైనా,
సింహాసనమైనా,
సంపదైనా,

ఇవన్నీ ప్రేమకంటే ఎక్కువైనవి కావు

ప్రేమతో నిండిన రెండు హృదయాలు

ఒకే శ్రుతిలో నిలిచినప్పుడు

ఆ క్షణాలకంటే విలువైనవి

జీవితంలో ఇంకేముంటాయి?

జీవితమంటే

ప్రేమలో బ్రతికిన రెండు క్షణాలే

అవి చాలా చిన్నవే కావచ్చు

కానీ అవే జీవితంలో అన్నిటికంటే విలువైనవి

read more " Zindagi Pyar Ki Do Char Ghadi Hoti Hai - Hemanth Kumar "

మిమ్మల్ని గురువుగా భావిస్తున్నాం !

మనుషులలో స్వార్ధం పెరిగిపోతోంది - అనే మాటను చాలా ఏళ్ళ నుంచీ వింటున్నాం. ఇంకా చెప్పాలంటే ఈ మాటను నా చిన్నప్పటినుంచీ వింటున్నా. కానీ గత పదేళ్ళలో గమనిస్తుంటే, ఇది చాలా వాస్తవం అని అర్ధమౌతోంది. ప్రస్తుతం మాత్రం మనుషుల్లో స్వార్ధం అనేది తారాస్థాయికి చేరుకుందనే చెప్పాలి. ఎవర్ని చూచినా స్వార్ధం, అహం తప్ప ఇంకేమీ కనిపించడం లేదు. అయితే ఈ రెంటికీ షుగర్ కోటింగ్ గా అనేక నాటకాలు మనుషులలో కనిపిస్తున్నాయి. అవసరం ఉంటే ఎంతో ఆప్యాయంగా నటిస్తున్నారు. అవసరం తీరాక 'నువ్వెవరు?' అన్నట్లు మాట్లాడుతున్నారు. అందుకే మనుషుల్ని చూస్తుంటే నాకీమధ్య చాలా అసహ్యంగా ఉంటోంది.

ఒకరకంగా చెప్పాలంటే ప్రస్తుతం నా జీవితంలో నడుస్తున్న ఒకే ఒక ఘట్టం - 'స్వచ్చమైన మనుషులకోసం వెదుకులాట'. అంతే !

నా చిన్నప్పుడు మనుషులు ఇంత దారుణంగా ఉండేవారు కారు. అప్పట్లో కూడా మనుషులలో స్వార్ధం ఉన్నప్పటికీ కొంచమైనా మంచితనం, జాలీ, కరుణా, దయా, నెమ్మదితనం, ముక్కుసూటితనం లాంటివి చాలామందిలో ఉండేవి. కానీ ఇప్పుడు మాత్రం అవన్నీ ఎక్కడా కనిపించడం లేదు. చాలామంది మనుషులు చాలా అసహ్యకరంగా, పచ్చిస్వార్ధపరులుగా, తెలివిగా మాట్లాడే గుంటనక్కలుగా తయారౌతున్నారు. ఇది వాస్తవం. దీనిని నిరూపించే సంఘటన ఒకటి ఈ మధ్యనే జరిగింది.

మొన్నీ మధ్యన ఒక ఫోనొచ్చింది.

'గురువుగారూ బాగున్నారా !' అంది ఒక మగగొంతు.

ఇంతకు ముందు మనుషుల్ని చూసి వాళ్ళతో మాట్లాడితే నాకు వాళ్ళ మనస్తత్వాలు అర్ధమౌతూ ఉండేవి. ఈమధ్య కాలంలో వాళ్ళ గొంతు వింటే చాలు, అర్ధమైపోతున్నాయి. ఆ స్వరమూ, దాన్ని పలికే తీరూ, వాళ్ళు సహజంగా మాట్లాడుతున్నారా, లేక కృతకంగా తెచ్చి పెట్టుకుని నటిస్తున్నారా, వాళ్ళ మనసులో అసలేముంది వగైరాలన్నీ అర్ధమౌతున్నాయి.

'ఎవరబ్బా ఈయన నన్ను ఇంత చనువుగా 'గురువుగారు' అంటున్నాడు?' - అనుకుంటూ 'ఎవరండి?' అన్నాను.

'నేను మీకు పరిచయం లేను. హైదరాబాద్ లో ఉంటాం. కానీ మిమ్మల్ని మా కుటుంబం అంతా గురువుగా భావిస్తూ ఉంటాం' అన్నాడు.

ఇలాంటి బిస్కెట్స్ చాలా చూచాను ఈ పదేళ్ళలో. ఈ బిస్కెట్లు తినీ తినీ విసుగెత్తింది.

'అవునా? ఎందుకలా?' అనడిగాను.

'మీరు మాకు చాలా చేశారు గతంలో' అన్నాడాయన.

ఈ పదేళ్ళలో ఎన్నో వందలమందికి ఎన్నో రెమేడీలు చెప్పాను గాని అవేమిటో వారంతా ఎవరో నాకేమీ గుర్తు లేవు.

'అలాగా?' అన్నాను నిరాసక్తంగా.

'అవును. మా అబ్బాయికి జాబ్ రాకపోతుంటే మీరు వాడి జాతకం చూచి రెమెడీ చెప్పారు. దానిని చేసిన రెండు నెలల్లో జాబొచ్చింది. తర్వాత మేరేజ్ మాచెస్ కుదరకపోతుంటే మళ్ళీ రెమెడీ చెప్పారు. మంచి సంబంధం కుదిరింది. చార్ట్ మేచింగ్ కూడా మీరే చేశారు.' అన్నాడాయన.

'ఓకే. సరే' అన్నాను.

'ఇది జరిగి దాదాపు ఏడేళ్ళు అయింది. మీకు గుర్తుందో లేదో?' అన్నాడు.

'లేదండి. నాకు గుర్తు లేదు. వందల జాతకాలలో అలా గుర్తు పెట్టుకోవడం సాధ్యం కాదు.' అన్నాను.

'మళ్ళీ ఇప్పుడు మీతో పని పడింది.' అన్నాడు.

అంతేకదా ! పని పడితే గాని మనం ఎవరికీ గుర్తురాము కదా మరి ! - అనుకుని 'ఏంటో చెప్పండి?' అన్నాను.

'మా వాడికి ఇద్దరు పిల్లలిప్పుడు. కానీ అబ్బాయికీ కోడలికీ పడటం లేదు. చాలా గొడవలౌతూ ఉన్నాయి. కలిసి ఉండేలా లేరు. విడాకులకు వెళుతున్నారు. దీన్ని మీరు ఆపాలి. మీ మీద మాకు చాలా గురుభావం' అన్నాడు మళ్ళీ.

మాటమాటకీ 'గురుభావం' అంటుంటే అసహ్యం అనిపించింది. ఆ పదానికి అర్ధం కూడా తెలీకుండా అలా తేలికగా ఎలా వాడేస్తూ ఉంటారో జనం ?

'ఎవరైనా ఫేమిలీ కౌన్సెలింగ్ వాళ్లకు చూపించండి. లేదా హోమాలు చేతబడులు చేసే స్వామీజీలుంటారు. వాళ్ళను కలవండి మీకు వదిలించుకునే యోగం ఉంటే ' అన్నాను.

'మీరేం అనుకోనంటే ఒక మాట. అవన్నీ అయ్యాయి సార్. మీ గుంటూరాయనే ఒక స్వామీజీ ఏదో ఉగ్రదేవతా హోమం చేసి విభూది ఇచ్చాడు. అదికూడా పని చెయ్యలేదు. అందుకే మీకు ఫోన్ చేస్తున్నాం' అన్నాడు అదేదో నన్ను ఉద్ధరిస్తున్నట్టు.

'ఓహో అన్నీ అయ్యాక చివర్లో నేను గుర్తొచ్చానా?' అని మనసులో అనుకుని ' మీకు నేనంటే అంత గురుభావం ఉందా?' అన్నాను.

'అయ్యో. చాలా ఉండండి. రోజూ మిమ్మల్ని అనుకుంటూ ఉంటాం నేనూ మా ఆవిడా. ఏడేళ్ళ క్రితం మాకెంత సాయం చేశారో ఎలా మర్చిపోగలం?' అన్నాడాయన టీవీ సీరియల్ డైలాగులు వాడుతూ.

'అవునా? నాకు యాక్సిడెంట్ అయిన సంగతి మీకు తెలుసా?' అడిగాను.

'తెలుసండి. మీ బ్లాగులోనే చదివాను.' అన్నాడాయన.

'మరి తెలిస్తే, మీకంత గురుభావం ఉంటే నన్నెందుకు చూడటానికి రాలేదు? కనీసం ఈ మూడు నెలల్లో ఫోన్ ఎందుకు చెయ్యలేదు?' అడిగాను డైరెక్ట్ గా.

అవతలివైపు నుంచి నిశ్శబ్దం.

కాసేపయ్యాక ' అదీ... అదీ... ఎండలు కదండీ తిరగలేకపోతున్నాం. అదీగాక పెద్దవాళ్ళం అయ్యాం కదా' అన్నాడు.

ఈ నాటకాలంటేనే నాకు చిర్రెత్తుకొచ్చేది. ఫోన్ చెయ్యడానికీ ఎండలకూ పెద్దవయసుకూ సంబంధం ఏమిటో నాకైతే అర్ధం కాలేదు.

'సరే నీ పని ఇలా ఉందా?' అనుకుని ఇలా అడిగాను.

'మీ నక్షత్రం ఏంటో చెప్పండి'

ఆయనకు సంతోషం వేసింది. సబ్జెక్ట్ లోకి వస్తున్నా అని.

'కృత్తిక ఒకటో పాదం' అన్నాడు ఉత్సాహంగా.

'నాలుగు గంటల దూరంలో ఉన్న గుంటూరుకు రావడానికి మీకు కుదరలేదు. కానీ యాత్రలు చెయ్యడానికి కుదిరిందా?' అడిగాను సున్నితంగా.

మళ్ళీ అటువైపు నుంచి నిశ్శబ్దం.

'అంటే... మా గ్రూప్ అంతా బలవంతపెడుతుంటే మొన్న 'మే' లో నార్త్ ఇండియా, హిమాలయయాత్ర అంతా చేసొచ్చాం. కొన్నికొన్ని తప్పవు కదా. అయినా అద్భుతం సార్! ఒక్క నక్షత్రంతోనే మేము యాత్రలు చేసిన విషయం ఎలా చెప్పగలిగారు మీరు? మీకింత నాలెడ్జ్ ఉంది గనుకనే మిమ్మల్ని అప్రోచ్ అవుతున్నాం' అన్నాడాయన మళ్ళీ తెలివిగా ఇంకో రెండు బిస్కెట్లు వేస్తూ.

నవ్వొచ్చింది.

మేషరాశి నుంచి ద్విస్వభావ రాశి అయి దూరదేశాలను సూచించే ధనుస్సులో నవమస్థానంలో కర్మకారకుడైన శనీశ్వరుడు వక్రించి ఉన్న విషయమూ, నవమాధిపతి గురువు దూరదేశాలను సూచించే సప్తమంలో చరరాశిలో ఉన్న విషయమూ తెలిస్తే ఈయన దూరప్రాంతాలకు యాత్రలు చేశాడన్న విషయం జ్యోతిష్యంలో ఓనమాలు నేర్చుకునే వాళ్లకు కూడా అర్ధమౌతుంది. దీనికేదో పెద్ద నాలెడ్జి అవసరం లేదు. ఈ విషయం ఈయనకు వివరించి చెప్పడం ఎందుకనిపించి ఇలా అన్నాను.

'ఒకపని చెయ్యండి. మీ అబ్బాయికి విడాకులు త్వరగా ఇప్పించెయ్యండి. మీకూ వాళ్ళకూ కూడా పీడా వదుల్తుంది.'

ఆయన బిత్తరపోయాడు.

'అదేంటి సార్ ! వాళ్లకు ఇద్దరు పిల్లలున్నారు'

'వాళ్ళను మీరు పెంచుకోండి. చిన్నప్పుడు మీ అబ్బాయిని కాన్వెంట్ చదువులతో సరిగ్గా చూసుకోలేక పోయుంటారు. ఇప్పుడు వీళ్ళను మంచిగా పెంచుకోండి. ఆ భ్రమ తీరుతుంది.' అన్నాను.

ఆయనకు కోపం వచ్చింది.

'ఏంటి సార్ ! మేం అడిగేదేంటి? మీరు చెప్పేదేంటి? ఇష్టమైతే చెప్పండి. లేదంటే ఊరుకోండి. అంతేగాని ఇలాంటి సలహాలు ఇస్తారని కాదు మీకు ఫోన్ చేసింది' అన్నాడు కోపంగా.

ఆయన గురుభక్తి అంతా ఒక్క నిముషంలో ఏమై పోయిందో నాకర్ధం కాలేదు.

'సలహాలు ఇవ్వడం నాకిష్టమే. కానీ మీకు నచ్చిన సలహాలు నేనివ్వలేను. అసలు మీ అబ్బాయికీ మీ కోడలికీ కలిసి ఉండాలని లేదు. వాళ్ళు విడిపోవాలని కోరుకుంటున్నారు. కానీ వాళ్ళు విడిపోవడం మీకిష్టం లేదు. వాళ్ళ మనసులు కలిసినా కలవకపోయినా మీ పరువుకోసం వాళ్ళు జీవితాంతం శత్రువులలగా ఒకే కప్పుక్రింద ఇష్టంలేని సంసారం చెయ్యాలి. మీకోసం ! అంతేనా మీ ఉద్దేశ్యం?' అన్నాను.

జవాబు లేదు.

'అదలా ఉంచండి.సమ్మర్లో నార్త్ ఇండియా అంతా తిరిగి రావడానికి మీకు టైం ఉందిగాని, గుంటూరు వచ్చి మీ సోకాల్డ్ 'గురువు'ను పలకరించడానికి మీకు తీరిక లేదు. కనీసం ఫోన్ చెయ్యడానికి మీకు మనసు రాలేదు. ఇప్పుడు మీకు అవసరం వచ్చింది గనుక, మీ సమస్య ఎక్కడా తీరడంలేదు గనుక నేను గుర్తొచ్చాను. అందుకని ఇప్పుడు నన్ను అప్రోచ్ అవుతున్నారు. గతంలో మీ దగ్గర ఏమీ ఆశించకుండా మీకు పెద్ద పెద్ద సమస్యలు తీర్చానని మీరే చెబుతున్నారు. తీరని సమస్య మీ నెత్తిన కూచుంటే ఇప్పుడు మళ్ళీ గుర్తొచ్చానన్నమాట. 'మీరంటే మాకు గురుభావం' ఇలాంటి సోది మాటలు మీరు చెప్పకుండా డైరెక్ట్ గా మీ సమస్యను అడిగి ఉంటే, అప్పుడు చేసేవాడినేమో చెప్పలేను. ఇప్పుడు మాత్రం నేను మీకేమీ సాయం చెయ్యను. మీలాంటి స్వార్ధపరులతో ఇంతసేపు మాట్లాడటమే నాకు టైం వేస్ట్. సారీ !' అన్నాను.

'మీకు కోపం ఎక్కువని అందరూ అనేమాట నిజమే అన్నమాట !' అన్నాడు ఎగతాళిగా.

మళ్ళీ నవ్వొచ్చింది.

"అందితే జుట్టు అందకపోతే కాళ్ళు' అంటే ఇదేగా" - అనుకున్నా మనసులో.   

'అవును. నాకు కోపం ఒక్కటే కాదు. అన్నీ ఎక్కువే. నేను పూర్వజన్మలో దూర్వాసమహర్షిని. ఈ జన్మలో ఇలా పుట్టాను. ఇంకెప్పుడూ నాకు ఫోన్ చెయ్యకండి. ఈసారి నా నోట్లోంచి ఏం మాటలొస్తాయో నాకే తెలీదు. మరొక్క విషయం! మీరు ఎన్ని రెమెడీలు చేసినా మీ అబ్బాయి విడాకులను ఆపలేరు. వాళ్ళు విడిపోయిన తర్వాత మీరేం చెయ్యాలో ఆలోచించుకుని దానికి ప్రిపేర్ అవ్వండి.' అని ఫోన్ కట్ చేశాను.

అదెలా తెలిసిందా? అని డౌటొస్తోంది కదూ? ఆ అబ్బాయి వాళ్ళ నాన్న నక్షత్రం 'కృత్తిక' అన్నీ చెప్పింది. ఎలా చెప్పిందో ఊహించండి చూద్దాం !

read more " మిమ్మల్ని గురువుగా భావిస్తున్నాం ! "

మీ వ్రాతలు అందరికీ నచ్చవు

'లలితా సహస్రనామాలమీద మీ లేటెస్ట్ బుక్ చదివాను. బాగానే వ్రాశారు. కానీ మీ వ్యాఖ్యానం అందరికీ నచ్చదు. జనాలకి మీ భావాలు ఎక్కడం కష్టం.' అన్నాడొకాయన.

'అందరికీ అన్నీ ఎలా నచ్చుతాయి? అలా నచ్చేపనైతే ఇన్ని అవతారాలెందుకు? ఇంతమంది గురువులెందుకు? ఇన్ని దేవుళ్ళెందుకు? ఇన్ని గ్రంధాలెందుకు? అందరి సంగతీ అలా ఉంచండి. మీకు నచ్చిందా లేదా?' అన్నా నేను.

'బానే ఉంది. మీరు హైయెస్ట్ లెవల్లో వ్రాశారు. కానీ..ఏయే మంత్రాలు ఎలా చదివితే ఏయే పనులౌతాయో చెబితే ఇంకా బాగుండేది.' అన్నాడు.

నవ్వొచ్చింది.

'మీలాంటివాడు రామాయణం అంతా విని వాల్మీకికి శూర్పణఖ ఏమౌతుందని అడిగాట్ట చివరికి' అన్నా నేను.

'అదేంటి?' అన్నాడాయన.

'లలితా సహస్రనామాల అసలు ప్రయోజనం పనులు కావడం కాదని ముందుమాటలో వ్రాశాను. అది చదవలేదా?' అడిగాను.

'అవుననుకోండి. కానీ...కాస్త మామూలు మనుషులను కూడా దృష్టిలో పెట్టుకుని మీరు వ్రాయాలి కదా?' అన్నాడు.

'అవసరం లేదు. మామూలు మనుషులతో నాకు పని లేదు. నా స్థాయిలో ఆలోచించి నాతో ట్యూన్ అయ్యేవారికోసమే ఈ పుస్తకం గాని పనులు కావడం కోసం పారాయణాలు చేసే వారి కోసం కాదు.' అన్నాను.

'అంటే పనులు కావడం కోసం దేవుణ్ణి వేడుకోవడం తప్పంటారా?' అన్నాడు.

'తప్పు కాదు. కానీ జీవితమంతా అలా వేడుకుంటూనే ఉండకూడదని నేను చెబుతున్నాను. అడుక్కోవడం తప్పనిసరైనప్పుడు ఈరోజు ఉండి రేపు మాయమయ్యే చెత్తకోసం కాకుండా విలువైన వాటికోసం అడుక్కోమని చెబుతున్నాను. అంతే' అన్నాను నవ్వుతూ.

'కష్టం అండి. సామాన్యులకు ఎక్కదు' అన్నాడు.

'సామాన్యులను ఉద్ధరించడం కోసం, వారి కోరికలు తీరే మార్గాలు చెప్పడం కోసం నేను పుట్టలేదు. సామాన్యులకు అన్నీ అర్ధమయ్యేలా చెయ్యాలని నాకేమీ తపన లేదు. సామాన్యుడు ఎప్పటికీ సామాన్యుడు గానే ఉండాలని కోరుకుంటే అది వాడి ఖర్మ. నాకేంటి? ఎక్కడైనా ఒకరో ఇద్దరో అసామాన్యులుగా ఎదగాలని అనుకుంటే అలాంటివారికి మాత్రమే నా పుస్తకాలు నచ్చుతాయి. నేను వ్రాసేది కూడా అలాంటి వారికోసమే' అన్నాను.

అతనికి ఇంకా ఇలా చెప్పాను.

'చూడు. వివేకానందస్వామి ఒక మాటన్నారు. నువ్వు చదివావో లేదో? సత్యాన్ని సత్యంగానే మనం ఉంచాలి. దానిని దిగజార్చాలని చూడకూడదు. మనం దానిని అందుకోలేకపోవచ్చు. అది మనకు అందనంత ఎత్తులో ఉండవచ్చు. దానిని చేరుకునే శక్తి మనకు లేకపోవచ్చు. కానీ ఆ సత్యాన్ని దిగజార్చి మన స్థాయికి దించాలని మనం ప్రయత్నించరాదు. అలా చెయ్యడం వల్లే హిందూమతం భ్రష్టత్వానికి గురౌతోంది.

సత్యం అంటే ఏమిటి? దైవమే సత్యం. దైవాన్ని మనం చేరుకునే ప్రయత్నం చెయ్యాలిగాని, మనం ఉన్న బురదలోకి దానిని కూడా దించాలని చూడకూడదు. లలితా సహస్రనామాలకు ఉన్నట్టి అసలైన అర్ధాలను నేను వివరించాను. అవి అలా ఉంటే మాకిష్టం లేదు, మాక్కావాల్సినట్టు ఉండాలి అని మీరంటే అది మీ ఖర్మ. అది మీ ఎదగలేనితనానికి నిదర్శనం.' అన్నాను.

ఆయన ఇంకా అయిష్టంగానే ముఖం పెట్టాడు.

ఈ మాట చెప్పి ముగించాను.

'మీరు ఎలా ఉండాలని దేవుడు కోరుకున్నాడో అలా ఉండటానికి ప్రయత్నం చెయ్యాలి. అంతేగాని మీరెలా ఉండాలని కోరుకుంటున్నారో అలా ఉండటం గొప్ప కాదు. అది ఎవరైనా చేస్తారు. జంతువులు కూడా అదే పని చేస్తాయి. ఏ విధంగా ఉంటే, పరిణామ క్రమంలో మనం అత్యున్నత స్థాయికి ఎదగగలమో ఆ విధంగా ఉండాలి. కనీసం ప్రయత్నం చెయ్యాలి. అంతేగాని, మన కోరికలు తీర్చే పనివాడుగా దైవాన్ని వాడుకోకూడదు.

పరిణామక్రమంలో అత్యున్నత స్థాయికి మనిషిని చేర్చే మార్గాలను నేను నా పుస్తకంలో వివరించాను. అవి మీకు నచ్చకపోతే మీకు దైవికంగా ఎదిగే సమయం ఇంకా రాలేదని అర్ధం. మళ్ళీ చెబుతున్నాను. సత్యాన్ని మనం అందుకునే ప్రయత్నం చెయ్యాలిగాని దానిని మన స్థాయికి దిగలాగే ప్రయత్నం చెయ్యకూడదు. కానీ దురదృష్టవశాత్తూ మన గుళ్ళల్లో, మన పూజల్లో, మన పారాయణాలలో మనం చేస్తున్నది అదే. దేనిని చెయ్యాలో దానిని చెయ్యకుండా దేనిని చెయ్యకూడదో దానిని చెయ్యడమే మన పతనావస్థకు కారణం.

నా పుస్తకం లోకంలో అందరికీ నచ్చాలనీ నచ్చుతుందనీ నేను భావించడం లేదు. నన్ను సరిగ్గా అర్ధం చేసుకునే కొందరికి నచ్చితే చాలనేదే నా నమ్మకం. ఆ కొందరికైనా అది సక్రమమైన దారిని చూపగలిగితే అంతే చాలని నా విశ్వాసం.' అంటూ ముగించాను.

read more " మీ వ్రాతలు అందరికీ నచ్చవు "

Zubaan Pe Dard Bhari Dastan Chali Ayi - Mukesh

Zubaan Pe Dard Bhari Dastan Chali Ayi

అంటూ ముకేష్ మధురాతి మధురంగా ఆలపించిన ఈ గీతం 1971 లో వచ్చిన Maryada అనే చిత్రంలోనిది. పాథోస్ సాంగ్స్ పాడాలంటే ముకేష్ పెట్టింది పేరన్న విషయం అందరికీ తెలిసిందే. ఎంతసేపూ ఫాస్ట్ సాంగ్స్ పాడుకుంటూ ఏం ఏడుస్తాం గాని, మళ్ళీ మన పాథోస్ సాంగ్స్ కి వెళ్ళిపోయి ఆనందంగా పాడుకుందాం. సరేనా?

నా స్వరంలో కూడా ఈ బరువైన గీతాన్ని వినండి మరి !

Movie:-- Maryada (1971)

Lyrics:-- Anand Bakshi

Music:--Kalyanji Anandji

Singer:-- Mukesh

Karaoke Singer:-- Satya Narayana Sarma

Enjoy

--------------------------------

Zuban pe dard bhari dasta chali aayi -2

Bahar anese pehle Khiza chali aayi

Zuban pe dard bhari dasta chali aayi

Khushi ki chaah me maine – Uthaye ranj bade – 2

Mera naseeb ke mere - Kadam jaha bhi pade

Ye badnaseebi meri bhi– Waha chali aayi

Zuban pe dard bhari dasta chali aayi

Udas raat hai - Veeran dil ki mehfil hai- 2

Na hamsafar hai koyi aur – Na koi manzil hai

Ye zindgi mukhe lekar - Kaha chalee aayi

Zuban pe dard bhari dasta chali aayi

Bahar anese pehle Khiza chali aayi

Zuban pe dard bhari dasta chali aayi - 3

Meaning

A tale of sadness has come onto my tongue

Before Spring could set in, Autumn has come

A tale of sadness has come onto my tongue

While searching for happiness

I have become very anxious

But this is my fate that wherever I placed my feet

This misfortune of mine, has descended there too

A tale of sadness has come onto my tongue

This is a forlorn night

and the parlor of my heart is solitary

There is no companion

nor there is any destination

Alas ! Where did my life lead me to?

A tale of sadness has come onto my tongue

Before Spring could set in, Autumn has come

A tale of sadness has come onto my tongue

తెలుగు స్వేచ్చానువాదం

ఒక విషాదగాధ

నా నోటివెంట పాటగా వస్తోంది

వసంతం వచ్చే ముందే

శీతాకాలం వచ్చేసింది

ఆనందం కోసం వెదుకుతూ

నేనెంతో ఆదుర్దాకు లోనయ్యాను

కానీ నేనెక్కడ అడుగుపెడితే అక్కడ

నా దురదృష్టమూ నాతోనే వచ్చేసింది

నిరాశతో కూడిన ఈ రాత్రి

ఒంటరిదైన నా హృదయపు లోగిలి

నా తోడుగా నడచే వారూ లేరు

నాకొక గమ్యమూ లేదు

చివరకు జీవితం నన్నెక్కడికి తెచ్చింది?

ఒక విషాదగాధ

నా నోటివెంట పాటగా వస్తోంది...

read more " Zubaan Pe Dard Bhari Dastan Chali Ayi - Mukesh "

Suhani Chandni Ratein - Mukesh

Suhani Chandni Ratein Hame Sone Nahi Deti

అంటూ ముకేష్ మధురంగా ఆలపించిన ఈ గీతం 1977 లో వచ్చిన Mukti అనే సినిమాలోది. ఈ పాటను ముకేష్ తనదైన శైలిలో మధురంగా ఆలపించాడు. ఈ పాటను నా స్వరంలో కూడా వినండి మరి.

Movie:-- Mukti (1977)

Lyrics:-- Anand Bakshi

Music:-- R.D. Burman

Singer:--Mukesh

Karaoke Singer:-- Satya Narayana Sarma

Enjoy

-------------------------------------

Suhani chandni raatein – Hame sone nahi detee - 2

Tumhare pyar ki baatein – Hame sone nahi detee

Suhani chandni raatein – Hame sone nahi detee

Tumhari reshmi zulfo me – Dil ke phool khilte the

Tumhari reshmi zulfo me – Dil ke phool khilte the

Kahi phoolon ki mousam me – Kabhi hamtum bhi milte the

Purani vo mulakatein – Hame sone nahi detee

Suhani chandni raatein – Hame sone nahi detee

Tumhare pyar ki baatein – Hame sone nahi detee

Suhani chandni raatein – Hame sone nahi detee

Kahi aisana ho lag jaye – Dilme aag paani se

Kahi aisana ho lag jaye – Dilme aag paani se

Badal le raasta apna – Ghataye meherbani se

Ke yaadon ki ye barsaate – Hame sone nahi detee

Tumhare pyar ki baatein – Hame sone nahi detee

Suhani chandni raatein – Hame sone nahi detee

Meaning

These lovely moonlit nights
are not allowing me to sleep
Your love filled words
are not allowing me to sleep

In your silky hair
the flower of my heart used to bloom
Somewhere in a flowery season
You and me used to meet
The memory of those old meetings
is not allowing me to sleep

With your water
the agony of my heart will not vanish
O clouds ! please change your course
This rain of past memories
is not allowing me to sleep

These lovely moonlit nights
are not allowing me to sleep
Your love filled words
are not allowing me to sleep

తెలుగు స్వేచ్చానువాదం

ఈ మనోహరమైన వెన్నెల రాత్రులు

నన్ను నిద్రపోనివ్వడం లేదు

ప్రేమతో నిండిన ఒకప్పటి నీ మాటలు

నన్ను నిద్రపోనివ్వడం లేదు

ఒకప్పుడు నీ జలతారు కురులలో

నా హృదయ సుమం వికసించేది

పూలు వికసించే ఋతువులో

మనం అప్పుడప్పుడు కలుసుకునే వాళ్ళం

ఆ మధుర జ్ఞాపకాలు

ఇప్పుడు నన్ను నిద్రపోనివ్వడం లేదు

మీ వర్షంతో

నా గుండెల్లో మండుతున్న మంట చల్లారదు

ఓ మేఘాల్లారా ! వేరే దారిన వెళ్ళండి

నా జ్ఞాపకాల వర్షపు ధారలు

నన్ను నిద్రపోనివ్వడం లేదు

ఈ మనోహరమైన వెన్నెల రాత్రులు

నన్ను నిద్రపోనివ్వడం లేదు

ప్రేమతో నిండిన ఒకప్పటి నీ మాటలు

నన్ను నిద్రపోనివ్వడం లేదు

read more " Suhani Chandni Ratein - Mukesh "

Mujhko Is Raat Ki Tanhaayi Me - Mukesh

Mujhko Is Raat Ki Tanhaayi Me

Aawaz Na Do - Aawaz Na Do

అంటూ ముకేష్ ఆలపించిన ఈ మధుర గీతం 1960 లో వచ్చిన Dil Bhi Tera Hum Bhi Tere అనే చిత్రంలోనిది. ఇది కూడా ఆపాత మధురగీతమే.

ఈ గీతాన్ని నా స్వరంలో కూడా వినండి మరి.

Movie:--Dil Bhi Tera Hum Bhi Tere (1960)
Lyrics:--Shamim Jaipuri
Music:--Kalyanji Anandji
Singer:--Mukesh
Karaoke Singer:--Satya Narayana Sarma
Enjoy
---------------------------------------

Mujhko Is raat ki tanhaayi mein – Aawaz nado

Aawaz nado – Aawaz nado

Jiski awaz rulade Mujhe - vo saaz nado

Vo saaz nado – Aawaz nado

Roshni hona saki – Dilbhi jalaya maine

Tumko bhoola bhi nahi – Lakh bhulaya maine

Mai paresha hu – Mujhe aur paresha na karo – Aawaz nado

Mujhko Is raat ki tanhaayi mein – Aawaz nado

Awaz nado – Awaz nado

Iska dar jald kiya – Mujhse kanara tumne

Koi bhatkega akela – Yena socha tumne

Chup gaye hotho mujhe – Yaad bhiya yana karo – Aawaz nado

Mukhko Is raat ki tanhaayi mein – Aawaz nado

Awaz nado – Awaz nado

Jiski awaz rulade Mujhe - vo saaz nado

Vo saaz nado – Aawaz nado

Meaning

Do not call out to me in this lonely night

The tune that makes me cry

Don't play that tune now

Though I have set fire to my heart

I have not seen any light

I forgot a million things

But not you

I am already depressed

Don't sink me anymore

Do not call out to me now

You went away from me so easily

You had never thought

that I will roam alone in this world

If you want to be away from me

Never ever come into my thoughts again

Do not call out to me in this lonely night

The tune that makes me cry

Don't play that tune now

తెలుగు స్వేచ్చానువాదం

ఈ రాత్రి ఈ ఒంటరి తనంలో

నన్ను మళ్ళీ పిలవకు

ఏ రాగం నన్ను ఏడిపిస్తుందో

ఆ రాగాన్ని నాకు వినిపించకు

నా హృదయాన్ని అగ్నితో మండించినా

నాకు వెలుగు కనపడలేదు

లక్ష విషయాలు నేను తేలికగా మరచిపోయాను

కానీ నిన్ను మాత్రం కాదు

నేనిప్పటికే వేదనలో మునిగి ఉన్నాను

దాన్నింకా ఎక్కువ చెయ్యకు

నానుంచి చాలా తేలికగా దూరం వెళ్ళిపోయావు

నేను ఒక్కడినే ఇలా తిరగాల్సి ఒస్తుందని

కనీసం ఒక్క ఆలోచన కూడా నీకు రాలేదు

నువ్వు నానుంచి దూరంగా పోయావు

మంచిదే

ఇప్పుడు నా ఆలోచనల్లోకి కూడా రాకు

ఈ రాత్రి ఈ ఒంటరి తనంలో

నన్ను మళ్ళీ పిలవకు

ఏ రాగం నన్ను ఏడిపిస్తుందో

ఆ రాగాన్ని నాకు వినిపించకు

read more " Mujhko Is Raat Ki Tanhaayi Me - Mukesh "

ప్లీజ్ నాకోసం ఒక ప్రశ్న చూడవా?

ఈరోజు మా కొలీగూ, ఫ్రెండూ అయిన ఒకడు మా ఇంటికొచ్చాడు. నేను ఆఫీసుకెళ్ళి చాలారోజులైంది కదా పలకరిద్దామని వచ్చానన్నాడు. సరే ఆ మాటా ఈ మాటా అయింతర్వాత, తీరిగ్గా కూచుని మా శ్రీమతి చేసిచ్చిన మసాలా చాయ్  త్రాగుతూ ఉండగా, ఇలా అడిగాడు.

'నాకోసం ఒక ప్రశ్నచార్ట్ చూడవా ప్లీజ్?'

అతనెప్పుడూ అలా అడగలేదు. ఏంటి? ఇలా అడుగుతున్నాడని అనుమానం వచ్చింది.

'ఏంటి సంగతి? ఎవరిది జాతకం?' అన్నాను.

'ఆ సంగతి తర్వాత చెప్తా' అన్నాడు.

'నీదా?' అడిగాను.

'కాదు. నాదైతే చెబుతాను కదా' అన్నాడు.

'అది సరే! కరెక్ట్ గా జనన వివరాలు ఉంటే ఇవ్వు. ప్రశ్న చార్ట్ ఎందుకు?' అడిగాను.

'అవి లేకే కదా ప్రశ్న చూడమని అడుగుతోంది?' అన్నాడు చనువుగా.

సామాన్యంగా నేను ఇలాంటి రిక్వెస్ట్ లు ఒప్పుకోను. కానీ కొన్నిసార్లు నాకు కూడా చూద్దామని అనిపిస్తుంది. అది అడిగిన ప్రశ్నను బట్టి, అడిగిన వ్యక్తిని బట్టి, నా ఖర్మను బట్టి రకరకాలుగా ఉంటుంది. ఎందుకో నాకూ చూద్దామని అనిపించింది. సర్లే అని, యధావిధిగా మనస్సులో చెయ్యవలసినవి చేసి, ప్రశ్నచార్ట్ వేసి చూచాను. ప్రశ్నచార్ట్ చూచాక విషయాలు అర్ధయయ్యాయి.

'ఊ ! ఏం కావాలి? చెప్పు?' అడిగాను.

'ఈ జాతకుని మనస్తత్వం ఎలాంటిది?' అడిగాడు.

'చాలా ఇంపల్సివ్ నేచర్. మొండి మనిషి. ఎమోషనల్ వ్యక్తిత్వం' - చెప్పాను.

'ఎలా చెబుతున్నావు? నాక్కూడా కొంచం వివరించి చెప్పవా ప్లీజ్' - అడిగాడు.

అతనిక్కూడా కొద్దో గొప్పో జ్యోతిష్యం తెలుసు. ఆ కుతూహలంతో అలా అడిగాడని అర్ధమైంది. జ్యోతిష్యంలో ప్రవేశం ఉన్నవారికి ఈ రకమైన 'దురద' ఉంటుంది. చార్ట్ ను వీళ్ళు ఎలా చదువుతున్నారు? అనేది తెలుసుకోవాలని ఆత్రుత ఉంటుంది.

అది గమనించి నవ్వుకుంటూ ఇలా వివరించాను.

'కర్కాటక లగ్నం అయింది గమనించు. అందులో రాహువున్నాడు. అంటే, స్తిరత్వం లేని మనస్తత్వం అని అర్ధం. వేవరింగ్ మైండ్ అన్నమాట. లగ్నాధిపతి చంద్రుడు సప్తమంలో ఉచ్ఛకుజుడు, కేతువులతో కూడి ఉన్నాడు. కేతువు శనీశ్వరుని సూచిస్తున్నాడు. అంటే, చంద్రుడు, కుజ శనులతో కలసి ఉన్నాడన్నమాట. కుజుడు మహాతీవ్రమైన మొండి గ్రహం, శని చాలా నీరసంగా ఉండే గ్రహం. అంటే, ఏమిటి? ఈ జాతకుడికి నిలకడ ఉండదు. ఏదైనా ఎక్స్ ట్రీమ్ గానే ఉంటుంది. చంద్రుడు మనస్సును సూచిస్తాడు గనుక, ఈ జాతకుడి మనస్సుకు నిలకడ ఉండదు. తీసుకునే నిర్ణయాలు ఇంపల్సివ్ గా, మొండిగా ఉంటాయి. కుజ శనుల యోగం మంచిది కాదు. ఇది యాక్సిడెంట్స్ ను సూచిస్తుంది. అంటే, ఈ జాతకుడు తను తీసుకునే తొందరపాటు నిర్ణయాల వల్ల జీవితంలో చాలా నష్టపోతాడు.' అన్నాను.

అతను చాలాసేపు ఏమీ మాట్లాడలేదు.

నేనూ మౌనంగానే ఉన్నాను.

కాసేపయ్యాక - ' ఈ జాతకుడి జీవిత భాగస్వామితో సంబంధం ఎలా ఉంటుంది?' అన్నాడు మాటల్ని ఆచితూచి ఉపయోగిస్తూ.

'సింపుల్. సప్తమాధిపతి శనీశ్వరుడు జీవిత భాగస్వామిని సూచిస్తాడు. శని వక్రస్థితిలో ఉన్నాడు. అంటే, ఇతను జీవిత భాగస్వామితో కలసి ఉండడు. అంతేగాక శని, ఈ జాతకంలో శత్రుత్వాన్ని సూచించే ఆరో ఇంట్లో ఉన్నాడు గమనించు. పైగా, ఆరో అధిపతి గురువు సుఖస్థానంలో ఉండి దాన్ని చెడగొడుతున్నాడు. అంటే, వీళ్ళిద్దరి మధ్యనా గొడవలుంటాయి. సఖ్యత తక్కువ. ఇంట్లో శాంతి ఉండదు.' అన్నాను.

'ఆ గొడవలు ఎవరి వల్ల వచ్చుంటాయి?' అన్నాడు.

'ఓహో ! అంటే, గొడవలున్నది కరెక్టే అన్నమాట !' అని మనస్సులో అనుకుని ఇలా చెప్పాను.

'ఈ జాతకుడు చంద్రుడు. జీవిత భాగస్వామి శని. వీళ్ళిద్దరిలో ఎమోషనల్ గ్రహం చంద్రుడే. పైగా చంద్రుడు రెండు పరస్పర విరుద్ధ గ్రహాల మధ్యలో చిక్కుకుని ఉన్నాడు. కనుక బాగా అన్ బేలన్స్ అయ్యాడు. దీనికి విరుద్ధంగా జీవిత భాగస్వామిని సూచించే శని స్థిరంగానే ఉన్నాడు. కాకుంటే వక్రించాడు. అంటే, ఇతనికి దూరంగా వెళతాడు. అంతేగాని గొడవలు సృష్టించడు. కనుక, ఈ రెండుగ్రహాలలో చంద్రుడే దోషి. కాబట్టి, ఈ జాతకుని వల్లనే వీళ్ళ సంసారంలో గొడవలు జరుగుతాయి. జీవిత భాగస్వామి పాత్ర తక్కువ.' అన్నాను.

మళ్ళీ కాసేపు మౌనంగా ఉండిపోయాడు.

'జీవిత భాగస్వామి ఎలాంటి వ్యక్తి అయి ఉండవచ్చు?' అడిగాడు.

'ఎందుకు ఇదంతా అడుగుతున్నావ్? ఎవరీ వ్యక్తి? ముందది చెప్పు' అన్నాను.

ఎందుకిలా అడిగానంటే -  చాలామంది ఇలాంటి వ్యక్తిగత విషయాలు అడిగి ఆ తర్వాత ఆ వ్యక్తులను హింసకు, బ్లాక్ మెయిల్ కూ గురిచేస్తూ ఉంటారు. మా ఫ్రెండ్ అలాంటి వాడు కాదు. నా ప్రిన్సిపుల్స్ అతనికి బాగా తెలుసు. అయినా నా అనుమాన నివృత్తి కోసం అలా అడిగాను.

'అబ్బే. అదేం లేదు. నా సంగతి నీకు తెలుసు. నీ సంగతి నాకు తెలుసు. ఈ వివరాలు నేను దుర్వినియోగం చెయ్యను గాక చెయ్యను. నన్ను నమ్ము. ప్లీజ్ కంటిన్యూ.' అన్నాడు వాడు.

అప్పుడిలా చెప్పాను.

'సప్తమాధిపతి శని వక్రి. పన్నెండో ఇంట్లో ఉన్నాడు. అంటే, ఇతని జీవిత భాగస్వామి ఇతన్ని బాగానే సపోర్ట్ చేస్తుంది. కానీ కొంచం బయటనుంచి చేస్తుంది. అంటీ ముట్టనట్లుగా వీరి బంధం ఉంటుంది.' అంటూ జాతకంలో కొన్ని యోగాలను గమనించి టక్కున ఆగిపోయాను.

'ఏంటి ఆగిపోయావ్?' అన్నాడు.

'నేను చెప్పే విషయాలు నువ్వు ఇంకెక్కడా డిస్కస్ చెయ్యకూడదు. ఆ కండిషన్ కు నువ్వు ఒప్పుకుంటే నేను ముందుకు వెళతాను. లేదంటే ఇంతటితో ఆపుతాను' అన్నాను.

'అలాగే. ప్రామిస్. ఎక్కడా చెప్పను. ప్రొసీడ్' అన్నాడు నమ్మకంగా.

'శని ద్విస్వభావ రాశిలో ఉన్నాడు. అక్కడనుంచి ఇంకో ద్విస్వభావ రాశీ, అంతకంటే ముఖ్యంగా సోషల్ రాశీ అయిన మిధునంలో ఉన్న శుక్రుడిని చూస్తున్నాడు. అంటే, ఇతని భార్యకు ఇంకా కొంతమందితో సంబంధాలు ఉంటాయి' అన్నాను.

'ఆ సంగతి ఇతనికి తెలుసా?' అడిగాడు.

చార్ట్ మళ్ళీ గమనించాను. చంద్రుడికి శని చాలా దగ్గరగానే, వెనుకగానే, ఉన్నాడు. వివాహేతర సంబంధాలను సూచించే శుక్రుడు కూడా లగ్నం అయిన కర్కాటకానికి వెనకే ఉన్నాడు. అది గమనించి ఇలా చెప్పాను.

'ఇతనికి తెలుసు. అంతేకాదు. ఇతనికి వాళ్ళు పరిచయస్తులే అయి ఉంటారు'.

'ఈ జీవిత భాగస్వామి మనస్తత్వం ఎలాంటిది?' అడిగాడు.

చార్ట్ వైపు మళ్ళీ చూచాను. కుజుడు దారాకారకుడయ్యాడు. ఉచ్చస్థితిలో ఉన్నాడు.

'జీవిత భాగస్వామి చాలా మొండిమనిషి. పట్టుదల ఉన్న వ్యక్తి. అంతేకాదు. సొసైటీలో మంచి స్టేటస్ లో ఉన్న పలుకుబడి గల వ్యక్తి.' చెప్పాను.

'ఈ జాతకుడి ప్రొఫెషన్ ఏమిటి?' అడిగాడు.

'దశమాధిపతి కూడా కుజుడే అయ్యాడు. ఉచ్చస్థితిలో ఉన్నాడు. కనుక ఈ వ్యక్తి కూడా మామూలు మనిషి కాడు. జీవితంలో సక్సెస్ ను బాగా అందుకున్న వ్యక్తే. కానీ ఆ సక్సెస్ నిలబడదు. కేతుస్పర్శ వల్ల కొన్నాళ్ళ తర్వాత సడెన్ గా సక్సెస్ చేజారి పోతుంది.' అన్నాను.

అతను ఇంకేదో అడగబోతుండగా - 'ఇప్పటిదాకా చాలా ప్రశ్నలకు ఆన్సర్ చెప్పాను. ఇప్పుడు నా ప్రశ్నకు నువ్వు చెప్పు. ఇంతకీ ఎవరీయన?' అడిగాను.

'ఈయన కాదు. ఈమె.' అన్నాడు తను నవ్వుతూ.

వాడు అడిగే ప్రశ్నలను బట్టి ఇది ఎవరో అమ్మాయి జాతకం అని నాకు అనుమానం వచ్చినా, మనకెందుకులే అని ఇంతసేపూ కొనసాగించాను. కానీ వాడే చెప్పడంతో నేనూ అడగక తప్పింది కాదు.

'ఎవరీమె?' అడిగాను.

'సినీ నటి సావిత్రి' అన్నాడు నవ్వుతూ.

'ఓహో అదా సంగతి.అంటే ఈ జాతకురాలు సావిత్రీ, ఆమె జీవిత భాగస్వామి జెమినీ గణేశన్ అన్నమాట! ఏంటి? ఆమె గురించి ప్రశ్న అడుగుతున్నావ్? మీ బంధువా ఏంటి?' అన్నా నేనూ నవ్వుతూ.

'ఏం లేదు. మొన్నీ మధ్య 'మహానటి' సినిమా చూచాను. నువ్వు చూచావా?' అడిగాడు.

'లేదు నేను మెట్లు దిగి రెండు నెలలైంది. మధ్యలో ఒకటో రెండో సార్లు ఆస్పత్రికి వెళ్ళడం కోసం అతి కష్టం మీద ఒక్కొక్క మెట్టూ దిగాను. అరగంట పట్టింది క్రిందకు దిగేసరికి. ఇలాంటి స్థితిలో, సినిమాలు ఎక్కడ చూసేది? ఇంతకీ ఎలా ఉంది సినిమా?' అన్నాను.

'సినిమా బానే ఉంది. కాకపోతే, పత్రికలలో రకరకాలుగా వ్రాస్తున్నారు. ఆ సినిమాలో చూపించింది అంతా అబద్దాలే అని ఇప్పుడు చాలామంది అంటున్నారు?' అన్నాడు.

'సర్లే. సినిమా కదా. డబ్బుకోసం ఏదేదో మార్చి పారేసి తీస్తారు. ఇంతకీ విషయం ఏంటో చెప్పు' అన్నా.

'ఏం లేదు. సావిత్రికి త్రాగుడు అలవాటు చేసింది జెమినీ అని అందులో చూపించారు. అంతేకాదు, ఆమెను ఒక హీరోగా చూపించి, జేమినీని విలన్ని చేశారు. అతనొక దుర్మార్గుడని చూపించారు. అంతేగాక ఆమె జీవితంలో జరిగిన సంఘటనలను ఎన్నింటినో మార్చి పారేసి చూపించారు. ఇవన్నీ గందరగోళంగా ఉన్నాయి. అందుకని నీ దగ్గరకు ఎలాగూ వస్తున్నా కదా ప్రశ్న ద్వారా తెలుసుకుందాం అని అనిపించి అడిగా. సారీ. ఏమీ అనుకోకు.' అన్నాడు వాడు సిన్సియర్ గా.

నాకు నవ్వొచ్చింది.

'అదా సంగతి? ఏం పర్లేదులే. అప్పుడప్పుడూ సరదాకి కూడా జ్యోతిష్యాన్ని వాడుకోవచ్చు. మనం ఒకరికి హాని చెయ్యనంత వరకూ పరవాలేదు. నువ్వు అడిగేటప్పుదే ఇదొక అమ్మాయి జాతకం అని అర్ధమైంది. ఎందుకంటే మొగాడి కేరెక్టర్ ఎలాంటిది అని ఎవరూ అడగరు. అమ్మాయిదైతేనే అడుగుతారు. అది సగటు మొగాడి మనస్తత్వం. తను ఎక్కడ తిరిగినా తన భార్య మాత్రం నిప్పులా ఉండాలని వాడనుకుంటాడు. ఇది చాలాసార్లు గమనించాను.' అన్నాను.

'సరే. ఇంతవరకూ ప్రశ్న శాస్త్రం చాలా కరెక్ట్ గా జవాబులు చెప్పింది. మరి నా మిగిలిన ప్రశ్నలకు జవాబులు చెప్పు' అన్నాడు.

'ఏంటవి?' అన్నా నేనూ ఇంటరెస్టింగ్ గా.

'ఏం లేదు. సావిత్రికి త్రాగుడు అలవాటు జెమినీ చేశాడా?' అన్నాడు.

'లేదు. తనే చేసుకుంది. త్రాగుడు మానుకోమని జెమినీ ఎన్నోసార్లు చెప్పాడు. కానీ తను వినలేదు. ఆమె మహా మొండి మనిషి' అన్నాను.

'ఎలా చెబుతున్నావ్?' అడిగాడు.

'ఇక్కడ చూడు. త్రాగుడుకు నెప్ట్యూన్ కారకుడు. రాహువూ కారకుడే. ఈ చార్ట్ లో రాహువు లగ్నంలో ఉన్నాడు. అంటే, ఇది ఈమె స్వయంకృతాపరాధమే. పోతే, నెప్ట్యూన్ 22 డిగ్రీలలో కుంభంలో ఉన్నాడు. అంటే, చంద్రునికి ఇది చాలా దగ్గర. అంతేగాక చంద్రుని నుంచి కుటుంబస్థానంలో ఉంది. కనుక ఈమె కుటుంబంలోనే ఈ పోకడలున్నాయి. సావిత్రి చిన్నప్పుడు వాళ్ళ అమ్మా నాన్నా ఒకేచోట కూచుని త్రాగేవాళ్ళని కొందరు చెబుతున్నారు. చిన్నప్పుడు అలాంటి సీన్లు చూచిన పిల్ల మనసు ఎలా తయారౌతుంది? ఆలోచిందు. ప్రాక్టికల్ గా చూడు. నేను చెప్పినది నిజం అని నీకూ తెలుస్తుంది. సావిత్రి 1981 లో చనిపోయింది. అప్పటికి ఆమెకు 45 ఏళ్ళు. జెమినీ 2005 లొ పోయాడు. చనిపోయేనాటికి అతనికి 85 ఏళ్ళు. అతనేమీ సావిత్రిలాగా తాగితాగి చనిపోలేదు. ఓల్డ్ఏజి ప్రాబ్లంస్ తోనే పోయాడు. అతనేమీ త్రాగుబోతై చనిపోలేదు. కనుక సావిత్రికి అతను త్రాగుడును అలవాటు చేశాడని చెప్పడం కరెక్ట్ కాదు.' అన్నాను.

'సావిత్రి అలా అయిపోవడానికి జెమినీ పూర్తిగా కారణం కాదని నాకూ అనిపిస్తోంది. రమాప్రభా, జమునా తదితర పాత నటీమణులు కూడా అదే చెబుతున్నారు. జెమినీ అనేవాడు ఈ సినిమాలో చూపినంత విలన్ కాడు. అతనికి అమ్మాయిల పిచ్చి ఉంటే ఉండచ్చు గాక. ఊరకే అతని పేరు బయట పడింది. అప్పటి హీరోలలో ఎవరు పత్తిత్తులున్నారు? జెమినీ దొరికాడు. మిగతావాళ్ళు దొరకలేదు. అంతే. దొరికితే దొంగ. దొరక్కపోతే దొరా?' అన్నాడు.

'అవును. కనీసం జెమినీ రాయల్ గా అందరినీ పెళ్ళిళ్ళు చేసుకున్నాడు. మిగతా హీరోలు వాడుకుని ఒదిలేశారు. ఆ విధంగా చూస్తే, మిగతా హీరోలకన్నా జెమినీ నిజాయితీపరుడే. పైగా, అతని మొదటి భార్య పిల్లలు ఏమంటున్నారో చూడు? వాళ్ళ నాన్న మంచివాడే అని వాళ్ళంతా అంటున్నారు. ఇదేంటి మరి?' అన్నాను నేను.

'ఏదేమైనా ఈ పిక్చర్ తో జనాలలో ఉన్నవి లేనట్లు, లేనివి ఉన్నట్లు ఎన్నెన్నో రాంగ్ నోషన్స్ తయారయ్యాయి.' అన్నాడు.

'అవును. సావిత్రి జెమినీని పెళ్లి చేసుకునే నాటికే అతనికి ఇద్దరు భార్యలున్నారు. ఆ సంగతి ఆమెకూ తెలుసు. తెలిసీ ఎందుకు చేసుకుంది? అతనికి అమ్మాయిల పిచ్చి ఉందని ఆమెకు తెలుసు. అప్పట్లో ఏ హీరోకి అమ్మాయిల పిచ్చి లేదో చెప్పు. అందరూ దొంగలే. కొందరు ఓపన్ గా దొరికారు. కొందరు లోపల్లోపల గుట్టుగా చేశారు. అంతే తేడా. పోనీ. ఇప్పటి హీరోలేమన్నా పత్తిత్తులా? అప్పుడైనా ఇప్పుడైనా మనిషి తీరు ఒకలాగానే ఉంటుంది. అవకాశం దొరికితే ఎవడూ వదలడు. దొరికినవాడు ఎంజాయ్ చేస్తాడు. దొరకనివాడు నీతులు చెబుతూ ఏడుస్తూ ఉంటాడు. అంతే తేడా !' అన్నాను.

'ఎంత నకిలీ లోకంలో బ్రతుకుతున్నామో ఆలోచిస్తే అసహ్యం వేస్తోంది' అన్నాడు.

'అంతే పిచ్చి గోల ! మనవాళ్ళు తీసిన రామాయణాలూ, భారతాలూ చూచావు కదా. అసలు కధంతా మార్చిపారేసి వాళ్ళిష్టం వచ్చినట్లు తీసేశారు. రామారావు రావణుడి వేషం వేస్తే రావణుడే హీరో. దుర్యోధనుడి వేషం వేస్తె వాడే హీరో. కర్ణుడి వేషం వేస్తె కర్ణుడే హీరో. ఈ రకంగా పురాణపాత్రలనే మనవాళ్ళు ఇష్టం వచ్చినట్లు డబ్బుకోసం మార్చి పారేశారు. ఇక ఒక నటి జీవితం ఒక లెక్కా? అంతా డబ్బు మాయ. డబ్బుకోసం ఏదైనా చేస్తారు. డబ్బు దగ్గర నీతీ నియమాలు ఏవీ ఉండవు. వాల్మీకో వ్యాసుడో వచ్చి వీళ్ళు తీసిన పురాణసినిమాలు చూస్తే, గుండెలు బాదుకుంటారు.' అన్నాను నవ్వుతూ.

'సరే. నీకిష్టం లేకపోయినా నేనడిగినందుకు ప్రశ్న చూశావు. థాంక్స్. మరి సినిమా చూడవా?' అడిగాడు నవ్వుతూ.

'నేను తెలుగు సినిమా చూచి ఏడాదో రెండేళ్లో అయింది. ఏ సినిమా చూచానో, ఎప్పుడు చూచానో కూడా గుర్తు లేదు. 'మహానటి' సినిమా మాత్రం చూడను. నువ్వు ఇంతగా చెప్పాక, అన్ని అవకతవకలున్న సినిమాని నేనెందుకు చూస్తాను?' అన్నాను.

'మరేం సినిమా చూస్తావు?' అడిగాడు వాడు.

'జెమినీ మొదటి భార్య అలమేలు నా దృష్టిలో అసలైన మహాతల్లి. జెమినీకి ఇతర భార్యలకూ పుట్టినవారిని కూడా ఆమె సొంత తల్లిలాగా ప్రేమగా ఆదరించింది. పెంచింది. జెమినీ ఆగడాలన్నీ మౌనంగా భరించింది. ఆమె జీవితాన్ని 'మహాతల్లి' అని పేరు పెట్టి సినిమా తీస్తే అప్పుడు చూస్తాను.' అన్నాను నవ్వుతూ.

'ఆ ! నీకోసం తీస్తారు. కోట్లు ఖర్చు పెట్టి?' అన్నాడు వాడూ నవ్వుతూ.

'అంత అదృష్టం వాళ్లకు ఉందని నేను భావించడం లేదులే. సావిత్రి జీవితం సినిమా తీస్తారుగాని అలమేలు జీవితం ఎవరు తీస్తారు? తీసినా ఎవరు చూస్తారు? ఆమెకు గ్లామర్ లేదుగా! ఆమె జీవితంలో మసాలా లేదు. మనవాళ్ళకు కావలసింది మసాలానే. మాయలోకం. మాయ మనుషులు. మనమేం చెయ్యలేం. ఈ కుళ్ళు లోకం ఇంతే. ఇక్కడ నిజం అబద్దం అయిపోతుంది. అబద్దం నిజంగా చెలామణీ అవుతుంది. ఇదింతే. ఈ చెత్త లోకాన్ని మనం మార్చలేం.' అన్నా విసుగ్గా.

టాపిక్ డైవర్ట్ అవుతున్న విషయాన్ని వాడు కనిపెట్టి తెలివిగా - 'సరే. వస్తా.' అంటూ బయల్దేరాడు.

'ఓకె. బై' అన్నా నేను ఆవులిస్తూ.

read more " ప్లీజ్ నాకోసం ఒక ప్రశ్న చూడవా? "