నేడు శ్రావణ పౌర్ణమి. అందుకని ఈ రోజున 'విజ్ఞాన భైరవ తంత్రము' తెలుగు ప్రింట్ పుస్తకాన్ని విడుదల చేస్తున్నాను. కావలసిన వారు యధావిధిగా pustakam.org నుంచి పొందవచ్చును.
"ఈ - బుక్" అనేది ఒక్క నిముషంలో డౌన్లోడ్ అయ్యేది అయినప్పటికీ, ఎందులోనైనా తేలికగా ఇమిడిపోయేది అయినప్పటికీ, కొంతమందికి పుస్తకాన్ని చేతితో పట్టుకుని చదివితేగాని బాగుండదు, చదివిన 'ఫీల్' రాదు. అలాంటివారికోసం ఈ పుస్తకాన్ని ముద్రణ చేయించడం జరిగింది.
'ఈ - బుక్' చదివిన అనేకమంది - పుస్తకం చిన్నదిగా కన్పించినా ఇందులోని విషయం చాలా లోతైనదనీ, దీనిని అర్ధం చేసుకోడానికి, ఆచరణలోకి తేవడానికి ఒక జన్మ చాలదని అంటున్నారు. అది నిజమే. నేను వ్రాస్తున్నవి ఉబుసుపోని కాలక్షేపం కథల పుస్తకాలు కావు. ఎంతసేపూ డబ్బు, తిండి, విలాసాలు, సోది మాటలతో నిరర్ధకంగా గడుస్తున్న జీవితాలకు జ్ఞాన దిక్సూచుల వలె ఒక దిశను ఇవ్వగల శక్తి వీటికి ఉన్నది. అర్ధం చేసుకుని అనుసరించేవారు, ఆచరించేవారు అదృష్టవంతులు.
ఒకటి రెండు రోజులలో, అంతర్జాతీయ పాఠకుల కోసం ఇదే పుస్తకం ఇంగ్లీష్ వెర్షన్ 'ఈ - బుక్' గా విడుదల అవుతుందని చెప్పడానికి సంతోషిస్తున్నాను.
