అరుణాచల యాత్ర - 1 (అంగళ్ల మేళం)

మహర్షి పోయాడు

సమాధి మిగిలింది

అద్వైతం అల్లరైంది

అంగళ్ల మేళమైంది

వేషగాళ్ళు మోసగాళ్ళు

మెట్టవేదాంతులు

పొట్టసిద్ధాంతులు

గట్టిగా పాతుకుపోయారు 

చవకబారు భక్తులతో

నేలబారు శక్తులతో

కాఫీ హోటళ్లతో

మాఫీ హాస్టళ్లతో

జ్ఞానభూమి జాతరైంది

యూ ట్యూబరులు - క్యూ బాబరులు

వై ఫైబరులు - ఫ్రీ రోమరులు

ప్రేమపక్షులు - కామపిశాచులు

బైరాగికొంగలు - టూరిష్టు కాకులు

యాచకులు - కీచకులు

బోధకులు - బోరుకులు

సందుసందుకీ కనిపించే

సాధనా విదూషకులు

పండితులు - ఖండితులు

బాధితులు - చోదితులు

విందుభోజనాలు చేసే

వేదాంత విషకీటకులు

గిరివాలం చేసే వాలాయుధులు

మడిమేలం చూపే మాలాయుధులు

సన్యాసాన్ని వదిలేసిన నల్లసన్యాసులు

విన్యాసాలు చూపించే తెల్లసన్నాసులు 

తెలుగు నేల నుంచి వాలిన

రియల్ ఎస్టేట్ షార్కులు

వెలుగు నేలకు తగ్గిన 

ఆధ్యాత్మిక మార్కులు

జ్ఞానం మాయమైంది

ప్రదక్షిణం మిగిలింది

తెలివిలేని తెలుగు గొర్రెలతో

అరుణాచలం అలమటిస్తోంది