గత 11 రోజులుగా హైద్రాబాద్ లో జరిగిన పుస్తకమహోత్సవం (బుక్ ఫెయిర్) నిన్నటితో ముగిసింది.
మేము అనుకున్న దానికంటే ఎక్కువగా పుస్తకాభిమానులు మా స్టాల్ ను సందర్శించారు. మా గ్రంధాలను కొనుగోలు చేశారు. మా భావజాలం ఎంతోమందికి చేరుతోందనడానికి, నిజమైన ఆధ్యాత్మికమార్గంలో ఎంతోమందికి ఆసక్తి ఉందనడానికి ఇది నిదర్శనం.
ఆధ్యాత్మిక జిజ్ఞాస అనేది భారతీయుల రక్తంలోనే ఉంటుంది. అయితే, దానికి సరియైన మార్గం దొరకదు. దానికి కారణాలు అనేకం. అటువంటి అసలైన ఆధ్యాత్మికమార్గాన్ని లోకానికి బోధించడానికే 'పంచవటి' ఆవిర్భవించింది.
అయితే, నిజమైన జిజ్ఞాసాపరులతో బాటు, ఎంతోమంది యూట్యూబ్ యూనివర్సిటీ పట్టభద్రులు కూడా మా స్టాల్ ను సందర్శించి, అక్కడ కూచున్న మా శిష్యులతో వాదన పెట్టుకుని 'ఆంజనేయుని ముందు కుప్పిగంతులన్నట్లు' తమ తమ విజ్ఞానప్రదర్శన చేయబోయారు. వారిని చూచి మావాళ్లు నవ్వుకుని ఊరుకున్నారు. ఇంతకు ముందులాగా ఆ ఎపిసోడ్ల నన్నింటినీ వ్రాయదలుచుకోవడం లేదు.
ఇకపోతే, మా గ్రంధాలను కొనిన జిజ్ఞాసాపరులకు ఒక సూచన !
మా భావజాలాన్ని గురించి, మా సాధనామార్గాన్ని గురించి ఇంకా తెలుసుకోవాలని, మా దారిలో నడవాలని అనుకుంటూ, సరియైన దారి తెలియక తపిస్తున్నవారు, లేదా, మా పుస్తకాలను చదివిన తర్వాత ఇంకేవైనా క్రొత్త సందేహాలు తలెత్తినవారు, ఆ సంశయాల నివారణార్ధం, మా ఫౌండేషన్ సెక్రటరీ శ్రీ రామమూర్తి గారిని 98493 89249 అనే నెంబరులో సంప్రదించండి. మీ అన్వేషణ సమాప్తమౌతుంది. మీకు వెలుగుదారిలో ప్రవేశం లభిస్తుంది.
జనవరి 2 నుండి విజయవాడలో మొదలౌతున్న పుస్తకమహోత్సవంలో మళ్ళీ కలుసుకుందాం.
