రెండవ అమెరికా యాత్ర - 20 (కారు తాళాలను కనిపెట్టిన ప్రశ్న తంత్రం)

Prashna Chart at 10.29 AM. Auburn Hills, MI, USA

రేపే గాంగేస్ రిట్రీట్. అందుకని బట్టలు సర్దుకునే పనిలో ఉండగా ఒక శిష్యురాలు ఆఫీసు నుంచి హడావుడిగా వెనక్కు వచ్చింది. ఉదయం నేను లేచేసరికి కొంచం ఆలస్యం అయ్యింది. అప్పటికే తను లేచి పనులన్నీ ముగించుకుని ఆఫీస్ కు వెళ్ళిపోయింది. కానీ తన కారు తాళాలు ఎక్కడ ఉన్నాయో అర్ధం కాక ఇంకొక కారేసుకుని ఆఫీసుకు వెళ్ళింది.నిన్న మామూలుగా ఉంచే చోటే వాటిని ఉంచానని అనుకుంది.కానీ అవి అక్కడ కనిపించలేదు. ఇల్లంతా వెదికినా ఎక్కడా అవి దొరకలేదు. ఒక పక్క ఆఫీసుకు లేటౌతుంది. అందుకని ఇంకో శిష్యురాలి కారేసుకుని వెళ్ళిపోయింది. మళ్ళీ పదిన్నర ప్రాంతంలో వెనక్కు వచ్చి మళ్ళీ ఇల్లంతా వెదుకుతోంది. ఏంటి అనడగితే ఈ స్టోరీ చెప్పింది. ఇప్పుడా కారు తాళాలు దొరికితే సరే సరి లేదా ఇన్స్యూరెన్స్ వారికి ఫోన్ చేస్తే వాళ్ళొచ్చి డూప్లికేట్ కీస్ ఇస్తారు. అదొక పెద్ద తతంగం.

తాళాలు దొరికిన వాయవ్య దిక్కులోని పేము బుట్ట

ఇలాంటి సమయాల లోనే మనం ప్రశ్నశాస్త్రపు సహాయం తీసుకోవాలి. నిత్యజీవితంలో మనకు దిక్సూచిగా ఉపయోగపడటమే కదా జ్యోతిశ్శాస్త్రపు ఉపయోగం? లేదంటే ఇంత కష్టపడి నేర్చుకున్నది ఎందుకు?

వెంటనే మనస్సులో గ్రహచక్రం వేసి చూచాను. ఇలా చెయ్యాలంటే, ప్రతిరోజూ గ్రహచలనాన్ని మనం గమనిస్తూ ఉండాలి. అప్పుడే ఆకాశంలో ఏ గ్రహం ఎక్కడ ఉన్నదో మనకు పంచాగం చూడకుండానే తెలిసిపోతూ ఉంటుంది.

ప్రస్తుతం బుధుడు వక్రస్తితిలో ఉన్నాడు. ఇలాంటి సమయాలలో చాలామంది అనేక విషయాలు మర్చిపోతూ ఉంటారు. చేసిన పనే మళ్ళీ మళ్ళీ చెయ్యవలసి రావడం, వెనక్కూ ముందుకూ తిరగడం, వస్తువులు పెట్టిన చోటు మరచిపోయి వెదుక్కోవడం, పనులు త్వరగా కాక చికాకు పెట్టడం మొదలైన పనులు ఇప్పుడు అనేక మంది జీవితాలలో ఖచ్చితంగా జరుగుతూ ఉంటాయి. ఇది సహజమే. పైగా ప్రస్తుతం అమావాస్య నీడలో మనం ఉన్నాము. ఇంకేం కావాలి?

ప్రశ్నచక్రాన్ని పైన ఇచ్చాను.

మిధున లగ్నం ఉదయిస్తూ జాతకురాలి యొక్క మానసిక ద్వైదీభావాన్ని సూచిస్తున్నది. రవాణాసంబంధమైన ప్రశ్న అని చంద్రుడు లాభస్తానంలో వక్రబుధునితో కూడి ఉండి సూచిస్తున్నాడు. ఆయనకు వచ్చిన ద్వితీయాధిపత్యం కూడా దీనినే సూచిస్తున్నది. ఎలా? ఇది తృతీయానికి ద్వాదశం అవుతూ రవాణా సంబంధమైన వస్తువులు పోయాయని సూచిస్తున్నది.

కానీ తృతీయాదిపతి అయిన సూర్యుడు లాభంలో ఉచ్చస్థితిలో ఉంటూ వస్తువు దొరుకుతుంది అని సూచిస్తున్నాడు. ఒక శుభగ్రహం గురువుగారు కేంద్రంలో ఉండి వెంటనే దొరుకుతుంది అని చెబుతున్నాడు.ఇంకొక శుభగ్రహమైన శుక్రుడు దశమ కేంద్రంలో ఉచ్చస్థితిలో బలంగా ఉంటూ మళ్ళీ ఇదే చెబుతున్నాడు. తృతీయంలో రాహువు ఉంటూ, మరపునూ మాయనూ సూచిస్తున్నాడు.

ఇప్పుడు ఆ తాళాలు ఎక్కడున్నాయో కనిపెట్టాలి.

లగ్నం రెండవ ద్రేక్కాణంలో ఉంటూ అవి ఇంట్లోనే ఉన్నాయని చెబుతున్నది.కనుక ఏ దిక్కులో ఎక్కడ ఉన్నాయో తెలుసుకోవాలి.

'అన్ని చోట్లా వెదికారా?' అడిగాను.

'మామూలుగా వాటిని పెట్టే అన్ని చోట్లా వెదికాము' అని జవాబు వచ్చింది.

ఒకసారి మన ఫ్రెండ్ కర్ణపిశాచి సహాయం తీసుకుందామని దాన్ని స్మరించాను.

వెంటనే మనో ఫలకం ముందు అది నవ్వుతూ కనిపించింది.

'తాళాలు ఎక్కడున్నాయి?' అడిగాను.

'ఏమో నాకేం తెలుసు? ప్రశ్నతంత్రం చూస్తున్నావుగా. చూడు.' అని కొంటెగా నవ్వుతూ అది మాయమై పోయింది.

'నీ పని ఇలా ఉందా? సరే నీ సంగతి తర్వాత చెప్తా ఉండు.' అనుకుంటూ మళ్ళీ ప్రశ్న చక్రం మీద దృష్టి సారించాను.

లాభస్థానంలో మూడు గ్రహాలున్నాయి - చంద్రుడు సూర్యుడు బుధుడు. వీరిలో బుధుడు బాల్యావస్థలో ఉంటూ మెంటల్ కన్ఫ్యూజన్ ను సూచిస్తున్నాడు. సూర్యుడు బలంగా యువావస్థలో ఉంటూ వెంటనే తాళాలు దొరుకుతాయని చెబుతున్నాడు. చంద్రుడు వృద్ధావస్థలో అమావాస్య చాయలో ఉండి మళ్ళీ మెంటల్ షాడో ను సూచిస్తున్నాడు.

సూర్య చంద్ర బుధులు వరుసగా తూర్పు, వాయవ్య, ఉత్తర దిక్కులకు సూచకులు. ఈ మూడూ ఒకే గీతమీద ఉంటాయి కనుక పని సులభం అయింది. ఇంటికి తూర్పున గోడ ఉంది. అక్కడ ఒక టీవీ స్టాండ్ ఉంది దానిమీద తాళాలు లేవు.

ఇకపోతే ఉత్తరాన సోఫా ఉన్నది. అక్కడ తాళాలను ఉంచే చాన్స్ లేదు. అయినా సరే, సోపాలో ఒకసారి వెదికాను. అక్కడ లేవు. ఇక మిగిలింది వాయవ్య దిక్కు. ఆ దిక్కులో ఒక పేముతో అల్లిన బుట్ట ఒకటి ఉన్నది. అందులో కొన్ని పుస్తకాలు కాగితాలు పెట్టి ఉన్నాయి. బుధుడు పుస్తకాలకు కాగితాలకు సూచకుడు కనుక ఇందులో ఉండాలి.

పైనున్న కాగితాలను కొంచం తొలగించి చూడగా ఆ బుట్టలో ఒక మూల తాళాలు కనిపించాయి. వెంటనే వాటిని తీసుకుని వెళ్లి మేడమీద అంతా కంగారుగా వెదుకుతున్న శిష్యురాలికి అందించాను.

'థాంక్యూ వెరీమచ్ ! ఎక్కడున్నాయి. ఎలా దొరికాయి?' అడిగింది తను సంతోషంగా.

'కొన్ని కొన్ని మీరు అడక్కూడదు నేను చెప్పకూడదు అంతే' అన్నాను నవ్వుతూ.

'వీటికోసం పొద్దుట నుంచీ ఇల్లంతా వెదుకుతున్నాం. భలే తిప్పలు పెట్టాయి. సరే వస్తా. ఆఫీస్ కి వెళ్ళాలి.' అంటూ తన కారేసుకుని ఆఫీసుకు వెళ్ళిపోయింది తను.

తాళాలు దొరికాయి సరే ! అసలు ఏ టీపాయ్ మీదనో, ఇంకెక్కడో వాటిని మామూలుగా ఉంచే చోటనుంచి ఆ తాళాలు మూలనున్న పేముబుట్టలోకి ఎలా వెళ్ళాయి అన్నది ఇప్పుడు మిలియన్ డాలర్ క్వెశ్చన్ !!

ఆలోచిస్తున్న నాకు కర్ణపిశాచి చిలిపి నవ్వు చెవులలో వినిపించింది. అమ్మ దొంగా ఇది నీ పనా అనుకున్నా !

అమావాస్య చాయలో వాటికి బలం పెరుగుతుంది అంటే ఇదేనేమో ! దీని దుంప తెగ ! దీనికి కూడా ప్రాక్టికల్ జోక్సా? అదికూడా నామీదా, నా చుట్టూ ఉన్న వాళ్ళ మీదనా??

'ఏం మీకేనా సెన్సాఫ్ హ్యూమర్? మాకుండకూడదా?' అంటూ దాని నవ్వు మళ్ళీ చెవుల్లో వినిపించింది.

నవ్వొచ్చింది. దాన్ని క్షమించేశాను.

ఏదేమైతేనేం? ప్రశ్నతంత్రం మళ్ళీ ఇలా ఉపయోగపడింది.ఈ విధంగా నిత్యజీవితంలో దిక్సూచిగా జ్యోతిష్య శాస్త్రాన్ని వాడుకోవాలి.

రెండవ అమెరికా యాత్ర - 19 (జొన్న చపాతీలు చెయ్యడం ఎలా?)

జీవితంలో నాకు నచ్చని విషయాలు చాలా ఉన్నాయి.వాటిల్లో ఒకటేమిటంటే - ఆడాళ్ళు వంటింట్లో మగ్గిపోతుంటే మనం హాల్లో కూచుని అది చెయ్యి ఇది చెయ్యి అని ఆర్డర్లు వెయ్యడం. అలా చేసే మగాళ్ళని చూస్తె నాకు అరికాలి మంట నెత్తికి ఎక్కుతుంది. బహుశా జీవితాంతం వంటింటికే ఆహుతై పోయిన మా అమ్మ తరం ఆడవారిని చూచి అనుకుంటాను నాలో ఈ ధోరణి బాగా పాతుకుపోయింది. అందుకే అవకాశం వస్తే చాలు వంటింట్లో దూరి ఆడాళ్ళకు సాయం చేద్దామని ప్రయత్నం చేస్తూ ఉంటాను. మా అమ్మ బ్రతికి ఉన్నంతవరకూ ఆ అవకాశాన్ని నాకు ఇవ్వలేదు. ఆ తర్వాత మాత్రం అప్పుడప్పుడూ నేనూ శక్తి కొద్దీ చెయ్యి కాల్చుకుంటూ ఉంటాను.

జొన్న చపాతీలు (రొట్టెలు) తినడం మన అలవాటు. లేదంటే మనం చేసే వ్యాయామాలకు దేహానికి శక్తి చాలదు.ఇక్కడ వీరికేమో అవి చెయ్యడం రాదు. అందుకని అమెరికాలో నా శిష్యురాళ్ళకు జొన్న చపాతీలు ఎలా చెయ్యాలో నేర్పుతూ ఉండగా తీసిన ఫోటోలు ఇవి.

చూచి తరించండి మరి.

NB:-- ఇందులో ఆధ్యాత్మికం ఏముందీ? అని అనుమానం వస్తే నా తత్త్వం మీకు ఏమాత్రం బోధపడలేదని అర్ధమన్నమాట. నేను ఏపని చేసినా అది ఆధ్యాత్మికమే. అది ధ్యానమే. చెయ్యడం ఎలాగో తెలిస్తే లెట్రిన్ క్లీన్ చేస్తూ కూడా ధ్యానస్థితిలో ఉండవచ్చు. అది చేతకాకపోతే, మడి కట్టుకుని దేవుడి ముందు కళ్ళు మూసుకుని కూచుని కూడా ఛండాలపు మెంటల్ స్టేట్ లో ఉండవచ్చు. ఏదైనా మన మనస్సులో ఉంది, చేసే పనిలో లేదన్నది నేనాచరించే బోధలలో ఒకటి.

ప్రతిపనినీ ధ్యానంగా మార్చుకోవడం నా సాధనా విధానంలో మొదటి మెట్టు. అర్ధమైందనుకుంటాను !!! ఇప్పటికీ అర్ధం కాకపోతే కనీసం ఇప్పుడైనా తెలుసుకోండి మరి. 

ముందుగా హాండ్ వాష్ తో చేతులు శుభ్రంగా కడుక్కోవాలి

జొన్న పిండిని గిన్నెలోకి తీసుకోవాలి

ఉప్పు వేసిన వేడినీళ్ళు పోసి ముద్దగా చేసుకోవాలి

ఉండలను చేతితో తడుతూ జొన్న రొట్టెలు చెయ్యాలి

పెనం మీద వేసిన జొన్న రొట్టెలను నీళ్ళతో తడపాలి

ఆ విధంగా జొన్న చపాతీలు (రొట్టెలు) తయారు చేసుకుని మనకిష్టమైన కూరతో తినాలి

Ore Piya - Rafat Fateh Ali Khan

కొత్త ఇంటి డెక్ మీద నీరెండలో...

Ore Piya...

అంటూ రఫత్ ఫతే ఆలీ ఖాన్ తన ఉచ్చ స్వరంలో ఆలపించిన ఈ ఖవ్వాలీ గీతం 2007 లో వచ్చిన Aaja Nachle అనే హిందీ సినిమాలోది. ఈ గీతానికి సలీం సులేమాన్ సంగీతాన్ని అందించారు.

ఈ పాటను పాడమని వంశీకృష్ణ అడిగాడు. లిరిక్స్ ట్రాక్ తనే పంపించాడు. కానీ ఇది చాలా కష్టమైన పాట. ఖవ్వాలీ గాయకులకు ఆరో శృతి పైన పాడటం చాలా తేలికగా ఉంటుంది. మనకు కష్టం.కానీ వంశీ అడిగాడని ఒక వారం సాధన చేసి పాడాను. మధ్యలో సరిగమలు మాత్రం అనలేదు. 

పూర్తిగా న్యాయం చెయ్యలేకపోయినా చాలావరకూ న్యాయం చేశాననే అనుకుంటున్నాను.

ఇంత మంచిపాటను నాచేత ఆలపించినందుకు వంశీకి థాంక్స్ చెబుతున్నాను.

నా స్వరంలో కూడా ఈ పాటను వినండి మరి.

Movie:-- Aaja Nachle (2007)

Lyrics:--Piyush Mishra, Jayadeep Sahni, Asif Ali Beg

Music:-- Salim Suleman

Singer:-- Rahat Fateh Ali Khan

Karaoke Singers;-- Satya Narayana Sarma

Enjoy

-------------------------------------------------

O re piya haye
O re piya
O re piya haye
O re piya

O re piya haye
O re piya

Udne laga kyon man baawla re
Aaya kahan se yeh hosla re
O re piya
O re piya haye

Tanabana tanabana bunti hawaa haaye bunti hawa
Boondein bhi to aaye nahi baaz yahan

Sagish mein shaamil sara jahan hai
Har zare zare ki yeh iltiza hai

O re Piya
O re Piya haye
O re piya haye
O re Piya

Nazrein bolen duniya bole
dil ki zaban haaye dil ki zubaan
Ishq maange ishq chahe koi toofan
Chalna aahiste ishq naya hai
Pehla yeh vada humne kiya hai

O re piya haye
O re piya haye
O re piya
Piya
Ye Piyaaa....

Nange pairo pe angaro chalti rahe hai chalti rahi
Lagta haike gairo me mein
Palti rahe hai
Le chal jo mulk tera hai
Jahil zamana dushman mera hai

O re piya haye
O re piya haye
O re piya haye
O re piya haye
O re piya haye
O re piya
O re piya
O re piya

Zindagi Kitni Khoobsoorat Hai - Hemant Kumar

Zindagi Kitni Khoob soorat Hai

అంటూ హేమంత్ కుమార్ మధురంగా ఆలపించిన ఈ గీతం 1963 లో వచ్చిన Bin Badal Barsaat అనే సినిమాలోనిది.

నా స్వరంలో కూడా ఈ పాటను వినండి. అమెరికా నుంచి పాడుతున్న ఆరో పాట ఇది.

Movie:-- Bin Badal Barasat (1963) 

Lyrics"-- Shakeel Badayuni

Music"-- Hemant Kumar

Singer"--Hemant Kumar

Karaoke Singer:-- Satya Narayana Sarma

Enjoy

--------------------------------------------------

Zindagi kitni khubsurat hai

Zindagi kitni khubsurat hai
Aaiye apki zarurat hai
Zindagi kitni khubsurat hai

Aarzuo ke diye, aaj roshan kijiye
Aarzuo ke diye, aaj roshan kijiye
Aae hai milne ko ham
Zindagi bhar ke liye
Kya hansi raat kya muhurat hai
Aaiye apki zarurat hai
Zindagi kitni khubsurat hai

Yu na ab sharmayiye

Yu na ab tarsayiye

Yu na ab sharmayiye

Yu na ab tarsayiye

Khol ke ghunghat sanam

Chandani barsaiye

Chand ki aaj kya zarurat hai

Aaiye apki zarurat hai

Zindagi kitni khubsurat hai

Zindagi kitni khubsurat hai

Meaning

How beautiful the world is
Come, I need you here

Kindle the lamp of passion now
I have come to meet you
to enliven your world
What a night this is and what a great time !!
Come, I need you here

Don't utter a sigh now
Don't be shy either
Remove your veil and shower your moonlight
Where is the need of Moon tonight?

How beautiful the world is
Come, I need you here

తెలుగు స్వేచ్చానువాదం

లోకం ఎంత మనోహరంగా ఉంది?

ఇప్పుడు నీ అవసరం చాలా ఉంది

నా దగ్గరకు రా

నీ కోరికల దీపాన్ని వెలిగించు

నిన్ను కలవాలని నీ ప్రపంచంలో వెలుగును నింపాలని

నేను వచ్చాను

ఈ రాత్రి ఈ సమయం ఎంత మనోహరంగా ఉన్నాయి?

ఇప్పుడు నీ అవసరం చాలా ఉంది

నా దగ్గరకు రా

ఏ నిట్టూర్పునూ ఇప్పుడు విడువకు

సిగ్గుపడకు

నీ మేలిముసుగును తొలగించి

నీ వెన్నెల మోమును చూడనీ

ఇప్పుడు జాబిలితో పనేముంది?

లోకం ఎంత మనోహరంగా ఉంది?

ఇప్పుడు నీ అవసరం చాలా ఉంది

నా దగ్గరకు రా

సంపూర్ణ సూర్య గ్రహణం - 2017 ఫలితాలు ఎలా ఉండవచ్చు?

(నా శిష్యుడు వంశీకృష్ణ చేత ఈ రీసెర్చ్ వ్యాసం వ్రాయబడింది)

Aug 21 2017 న అమెరికాలో సంపూర్ణ సూర్యగ్రహణం రాబోతున్నది. ఈ సందర్భంగా నా ఎనాలిసిస్ ను ఇక్కడ ఇస్తున్నాను.

Great American Total Solar Eclipse Aug 21, 2017

గ్రహణాలనేవి వ్యక్తిగత జీవితాల లోనూ, దేశాల మీదా తప్పకుండా ప్రభావాన్ని చూపిస్తాయి. మనిషి జీవితంలో నైతే ఇవి అనేక చెడు సంఘటనలను కలిగిస్తాయి. దేశాలలో అయితే ఆర్ధిక రాజకీయ సామాజిక వాతావరణ రంగాలలో అనేక మార్పులు కనిపిస్తాయి.

2017 August 21 న అమెరికా సంయుక్త రాష్ట్రాల గుండా ఒక నేరో కారిడార్ లో పడమర నుంచి తూర్పుకు ఈ సూర్య గ్రహణం కనిపిస్తుంది.

సామాన్యంగా గ్రహణాలు 18.5 ఏళ్ళ కొకసారి ఆకాశంలో ఒకే ప్రదేశంలో కనిపిస్తూ ఉంటాయి. వీటిని మెటోనిక్ సైకిల్ అని ఖగోళ శాస్త్రంలో పిలుస్తారు. రాశిచక్రంలో రాహుకేతువుల ఆవృత్తి సమయం కూడా దాదాపుగా ఇంతే ఉంటుందన్నది గమనార్హం.

ఈ సమయంలో చంద్రుని గ్రహణ ఛాయ ఉత్తర పసిఫిక్ ప్రాంతం నుంచి మొదలై ఈ క్రింది రాష్ట్రాల గుండా పడమర నుంచి తూర్పుకు అడ్డంగా పాకి వస్తుంది.

Oregon,

Idaho,

Wyoming,

Nebraska,

Kansas,

Missouri,

Illinois,

Kentucky,

Tennessee,

North Carolina,

Georgia,

and South Carolina (a tiny corner of Montana and Iowa are also in the path).

​

Greatest Eclipse 2 Minutes 40 seconds

Greatest Duration 2 Minutes 40 seconds

ఈ గ్రహణం సింహ రాశిలో సంభవిస్తున్నది

సింహరాశి రాజరాశి. అధికారాన్నీ శక్తినీ పరిపాలకులనూ ఇది సూచిస్తుంది. ఈ రాశికి గల మంచి లక్షణాలు ఆత్మవిశ్వాసం, ప్రేమ, రక్షణ. ఊహాత్మకశక్తి. చెడు లక్షనాలైతే, అహంకారం, నియంత పోకడలు, అణచివేత, గర్వం, హెచ్చులు మొదలైనవి.

ప్రభుత్వాలు, దేశాధినేతలు, మంత్రులు, రాజకీయ నాయకులు, యుద్ధ పరిస్థితులు, కాల్పులు, పేలుళ్లు, యాక్సిడెంట్లు మొదలైనవి ఈ రాశి అధీనంలో ఉన్నాయి.

ఇది రాశిచక్రంలో పంచమ స్థానం అవుతుంది. మంత్రాంగం, క్రీడలు, సరదాలు, వినోదాలు, జూదం మొదలైనవి ఈ స్థానం అధీనంలో ఉంటాయి.

ఈ సూర్యగ్రహణం సూర్యరాశి మొదటి ద్రేక్కాణంలో పడుతున్నది.

అగ్నితత్వ రాశిలో జరిగే గ్రహణాలు - పశునాశనం, ఒక అధికారి/ దేశాధినేత/ నాయకుడు/ ప్రముఖ వ్యక్తీ దేశం నుంచి పారిపోవడం, జైల్లో పెట్టబడటం, పదవిని పోగొట్టుకోవడం, లేదా హత్య చెయ్యబడటాలను సూచిస్తున్నాయి. ప్రజలలో అసంతృప్తితో తిరుగుబాటు రావచ్చు. సైన్య ప్రయోగం అవసరం కావచ్చు. అగ్నిప్రమాదాలు సంభవించవచ్చు. సొసైటీలో విప్లవం తలెత్తవచ్చు.

స్థిరరాశులలో జరిగే గ్రహణాలు ఎక్కువ కాలం ప్రభావాన్ని చూపిస్తాయి.

అగ్నితత్వ రాశి అయిన సింహం మొదటి ద్రేక్కాణంలో జరిగే గ్రహణం వల్ల ఒక రాజు లేదా రాజకుమారుడు, దేశాధినేత లేదా అత్యున్నత అధికారి మరణాన్ని సూచిస్తున్నది. లేదా ఆ దేశంలో మొక్కజొన్న కరువు రావడాన్ని సూచిస్తున్నది. 

ఈ సంఘటనలు కొంచం అటూ ఇటూగా జరుగవచ్చు. సామాన్యంగా సూర్యగ్రహనాల వల్ల చావులు, దుర్ఘటనలు, విప్లవాలు, తిరుగుబాట్లు, ప్రభుత్వం మీద దాడులు, తత్ఫలితంగా ప్రజలపైన సైనిక చర్య వంటివి చెదురు మదురు సంఘటనలు జరుగుతూ ఉంటాయి.

ప్రాన్స్ , ఇటలీ, రోమానియా, సిసిలీ మొదలైన దేశాలు సింహ రాశి అధీనంలో ఉన్నాయి.

ఈ రాశి నీడలో ఉన్న కొన్ని నగరాలు - చికాగో, ఫిలడెల్ఫియా, లాస్ ఏంజెల్స్, బ్రిస్టల్, ముంబాయ్, ప్రేగ్, రోం, రావెన్నా, బాత్ మొదలైనవి.

గ్రహణ ఫలితాలు ఆ గ్రహనం పడే దేశాలలోనూ ఆ రాశి అధీనంలో ఉన్న నగరాలు దేశాలలోనూ కనిపిస్తాయి.

Eclipse Chart Aug 21 2017 ( with True Node)

సింహ రాశిలో రాహువు, చంద్రుడు, సూర్యుడు, బుధుడు ఉండగా వృశ్చికం నుంచి శని తన దశమ దృష్టితో వీరిని వీక్షిస్తున్నాడు.

కర్కాటకంలో శుక్రుడు కుజుడు ఉన్నారు. కన్యలో గురువు, వృశ్చికంలో శనీ ఉన్నారు. కేతువు కుంభరాశిలో ఉన్నాడు.

ఈ గ్రహణ సమయంలో ఈ రాశి మీద ఎక్కువ చెడు గ్రహాల ప్రభావం ఉంటె పైన చెప్పిన చెడు ఫలితాలు ఎక్కువగా జరిగే అవకాశం ఉన్నది.

గోచార సూర్యుడు గోచార రాహుకేతువులతో ఏర్పడే కేంద్ర దృష్టి వల్ల ఈ సంఘటనలు ట్రిగ్గర్ అవుతాయి. కనుక సూర్యుడు వృశ్చిక, కుంభ, వృషభ రాశులలో ఉండగా ఈ సంఘటనలు జరుగుతాయి.

ఈ గ్రహణ కుండలిలో ఈ క్రింది ముఖ్యమైన గ్రహదృష్టులను గమనించవచ్చు.

సూర్య బుధ రాహువులకు శనియొక్క కేంద్ర దృష్టి.

జలరాశి నుంచి శనియొక్క కిన్కంక్స్ దృష్టి అగ్నిరాశిలో ఉన్న యురేనస్ మీద పడుతున్నది.

వాయుగ్రహం అయిన శని దృష్టి అగ్నిరాశిలో ఉన్న అగ్నిగ్రహం సూర్యుని పైన ఉన్నందున, మేజర్ అగ్ని ప్రమాదాలు జరుగవచ్చు. సూర్యుడు ఒక దేశపు పరువును సూచిస్తాడు. కనుక దేశ పరువు ప్రతిష్టలకు సంబంధించిన, యుద్ధాలు, ఉపగ్రహ ప్రయోగాలు, ఆకాశ యుద్హాలు జరుగవచ్చు. అగ్నిపర్వతాలు పేలే అవకాశం కూడా దీని క్రిందికే వస్తుండి.

రాహువు సూర్యునితో కలసి సింహరాసిలో ఉన్నందున దేశాధినేతలు దుందుడుకు చర్యలు తీసుకుంటారు.

ఈ చర్యలు ప్రజలకు నచ్చక ఎదురు తిరగవచ్చు. దీనిని చంద్రుడు సూచిస్తున్నాడు. బుధుడు రవాణాకు సూచకుడు. కనుక ఆ రంగంలో ప్రమాదాలు జరుగవచ్చు.

శని -- భూకంపాలు, అగ్నిప్రమాదాలు, అగ్నిపర్వత పేలుళ్లు, గనుల ప్రమాదాలు, కాల్పులలో జనం చనిపోవడం, తిరుగుబాటు మొదలైనవి జరుగుతాయి.

మేషంలో ఉన్న యురేనస్ వల్ల - పేలుళ్లు ఖచ్చితంగా జరుగుతాయి. అకస్మాత్తుగా జరిగే పేలుళ్లకు ఇది సూచన. మేషరాశి మొదటి ద్రేక్కాణంలో ఉన్న యురేనస్ వల్ల ఆర్మీ యాక్షన్ సూచింపబడుతున్నది.

సింహరాశిలోని నాలుగు గ్రహాలకు, ప్లూటో కోణస్థితిలో ఉన్నాడు. ప్రజాజీవితాలలో ఒక పెద్ద మార్పుకు ఇది సూచన. దీని ప్రభావం చాలా ఎక్కువ ఏళ్ళు ఉండే మార్పుగా ఇది ఉంటుంది.

సెప్టెంబర్ మొదటి వారంలో కుజుడు ఈ గ్రహణ డిగ్రీని దాటుతాడు. కనుక ఆ సమయంలో అనేక సంఘటనలు జరుగుతాయి.

విచిత్రంగా - 225 ఏళ్ళ క్రితం Sep 5, 1793 న సూర్య గ్రహణం జరిగినప్పుడు ఇవే గ్రహస్థితులు ఉన్నాయి.

Sun, Mercury,Moon, Rahu in Leo

Solar Eclipse path of Sep 5 1793

ఆ సమయంలో సూర్య గ్రహణం యూరోప్ గుండా ప్రయాణించింది. పై మ్యాప్ చూడండి.

అప్పుడే, సామాన్య ప్రజలు రాచరికం మీద తిరగబడిన ఫ్రెంచి విప్లవం జరిగింది.

దేశ జాతకాన్ని బట్టి సింహరాశికి ఫ్రాన్స్ దేశం పైన ఆధిపత్యం ఉన్న విషయాన్ని గమనిస్తే, ఈ సంఘటన ఎంత కరెక్ట్ గా జరిగిందో అర్ధమౌతుంది.

States in USA

New York----Leo

Colarado ----Leo

Missouri----Leo

Hawaii----Leo

ఆయా రాష్ట్రాలలో ప్రభుత్వాలు పతనం కావడం, మారడం, లేదా ప్రభుత్వాల మీదా అధికారుల మీదా దాడులు జరగడం జరుగవచ్చు.

ప్రస్తుతం ప్రాన్స్ లో ఎన్నికలు జరుగుతున్నాయన్నది గమనించండి. 

Astro-Carto-Graphy & Solar Eclipse Path

గ్రహణపు దారిని Astro Carto Graph మీద సూపర్ ఇంపోజ్ చేస్తే అవి ఎక్కడెక్కడ పరస్పరం ఖండించుకుంటూ ఉన్నాయో ఆయా ప్రదేశాలలో ప్రమాదాలు జరుగుతాయని చెప్పవచ్చు.

ఒక గ్రహపు దశమ భావ రేఖ అది పోతున్న దేశం యొక్క పరువు ప్రతిష్టలకు చెందిన ముఖ్యమైన విషయాలను చూపిస్తుంది. ఇతర దేశాలు ఆ దేశాన్ని ఎలా చూస్తున్నాయి లేదా అవి తనను ఎలా చూడాలని ఆ దేశం అనుకుంటూ ఉన్నది అనే విషయాలను ఈ రేఖ సూచిస్తుంది. 

ఈ రేఖమీద కుజుడు గనుక ఉంటె, అది రాజకీయ యుద్ధాలను సూచిస్తుంది. అంతేగాక అగ్నిప్రమాదాలు, పేలుళ్లు, భూకంపాలు, పెద్ద పెద్ద యాక్సిడెంట్లు, ప్రముఖుల మరణాలు, సైనిక చర్యలు, మాస్ కిల్లింగ్స్ ను సూచిస్తుంది.

రాహువు గనుక ఈ రేఖమీద ఉంటె - అది అధికారుల, నాయకుల నియంత పోకడలను దుందుడుకు నిర్ణయాలను సూచిస్తుంది.

సూర్యుడు గనుక ఈ రేఖమీద ఉంటె - అధికార దుర్వినియోగం, నియంతృత్వం, అధినేతల మీద చర్యలు, ప్రమాదాలు, మొదలైన పెద్ద పెద్ద సంఘటనలు సూచింప బడతాయి.

చంద్రుడు ఇక్కడ ఉంటె -- ప్రజలు తీవ్రంగా ప్రభావితం కాబడతారు.

బుధుడు ఇక్కడ ఉంటె - రవాణా ప్రమాదాలు జరుగుతాయి 

శని దశమానికి కేంద్రంలో ఉంటె - ఎక్కువ మొత్తంలో జననష్టం, ఆస్తి నష్టాలను సూచిస్తాడు.

నెప్ట్యూన్ మరియు చతుర్ధం పసిఫిక్ ప్రాంతంలో పడుతున్నది ఇందువల్ల ఈ ప్రాంతలో భూకంపాలు రావచ్చు.

Pacific ring of fire మీద పడుతున్న ఈ గ్రహణపు నీడ వల్ల ఆ ప్రాంతంలో భూకంపాలు రావచ్చని సూచిస్తున్నది. ఈ ప్రాంతం భూకంపాలకు పెట్టింది పేరని గుర్తుంచుకోవాలి.

తన పుస్తకం Solar & Lunar Returns లో డోనాల్డ్ బ్రాడ్లే  -- శని నెప్ట్యూన్ సంబంధం గనుక ఉంటె అది సింహాసనాన్ని కూలదోస్తుంది అంటాడు. బలవంతంగా రిజైన్ చెయ్యవలసి రావడం, ప్రభుత్వం పతనం కావడం, చేజిక్కించుకోబడటం, దేశబహిష్కారం కాబడటం, ఉద్యోగాలు ఊడటాలను ఈ యోగం సూచిస్తుంది అంటాడు.

Crossing Uranus/Pluto

“major shakeup” లేదా హటాత్తు కుదిలింపు ను ఈ యోగం సూచిస్తుంది.సామాన్యంగా ఒక ప్రభుత్వం కూలిపోవడాన్ని ఇది సూచిస్తుంది.

Yellow stone caldera super VOLCANO అనేది వ్యోమింగ్ లో ఈ గ్రహణపు దారిలోనే ఉన్నది. ఈ గ్రహణ ప్రభావం వల్ల ఇది పేలిపోయి జనాలను పెద్ద ఎత్తున అక్కడనుంచి తరలించే పని జరుగవచ్చు.

Below are the places and countries natal chart 10th (karma) house degrees in Leo sign which may get some impact as Solar eclipse happening in Leo.

Paris, France	MC 25 Cancer (+- 5 degrees near the eclipse degree)	Asc 20 Libra
Stuttgart, Germany	MC 04 Leo	Asc 26 Libra
Munich, Germany	MC 08 Leo	Asc 29 Libra
Prague, Czech Rep.	MC 11 Leo	Asc 01 Scorpio
Vienna, Austria	MC 14 Leo	Asc 04 Scorpio
Budapest, Hungary	MC 19 Leo	Asc 07 Scorpio
Belgrade, Yugoslavia	MC 21 Leo	Asc 10 Scorpio
Sofia, Bulgaria	MC 26 Leo	Asc 15 Scorpio
GE, Romania	MC 27 Leo	Asc 14 Scorpio
Athens, Greece	MC 28 Leo	Asc 18 Scorpio

అన్నీ చెడు సంఘటనలే కాదు. మంచి కూడా గ్రహణం వల్ల జరుగుతుంది. అవి చూద్దాం.

ఈ గ్రహణం పడే దారిలో ఉన్న సామాజిక పరిస్థితులు ఆ తర్వాత పూర్గిగా మారిపోవచ్చు.

ఇండియా చైనాల మీదుగా 1999 July లో గ్రహణపు నీడ పడింది. ఆ తర్వాత ఈ రెండు దేశాల ఆర్ధిక రంగాలలో ఎన్ని మార్పులు వచ్చాయో మనకు తెలుసు. 

గుజరాత్ మీదుగా పోయిన ఈ గ్రహణపు నీడ వల్ల ఆ తర్వాత 10 - 15 ఏళ్ళలో ఆ రాష్ట్రం ఆర్ధికంగా విపరీతంగా పుంజుకుంది.

కనుక ఈ సారికూడా పైన వ్రాసిన సంఘటనలు జరిగే సూచనలు బలంగా ఉన్నాయి. చూద్దాం ఏం జరుగుతుందో??