దేవుడు కళ్ళూ చెవులూ ఇచ్చింది మూసుకోడానికా?

నన్ను ప్రశ్నలు అడిగేవారిలో భలేభలే వాళ్ళుంటారు. వాళ్ళ క్రియేటివిటీకి నాకు చాలా సరదాగా ఉంటుంది. వాళ్ళ అజ్ఞానానికి జాలికూడా వేస్తూ ఉంటుంది. ఈ ప్రశ్నలు అడిగేవారిలో చాలామంది అమ్మాయిలే ఉంటారు. మగవాళ్ళు తక్కువ. ఎందుకంటే, మగవాడికి అహం జాస్తిగా ఉంటుంది. ఇంకొకడిని ఏదైనా అడగాలంటే - 'నేనేంటి ఇంకొకడిని అడిగేదేంటి?' 'ఈయనేంటి నాకు చెప్పేది?' - అంటూ ముందుగా వాడి అహం అడ్డొస్తుంది.

పాపం ఆడవాళ్ళు అలా కాదు. వాళ్లకు తెలుసుకోవాలని జిజ్ఞాస ఎక్కువగా ఉంటుంది. అందుకే వెంటనే ఫోన్ చేసి అడుగుతూ ఉంటారు. అయితే వాళ్ళ సమస్యలు వాళ్ళకూ ఉంటాయి. నాకు కొంచం దగ్గరైతే చాలు, వారిలో పొసేసివ్ నెస్సూ, జెలసీ ఇత్యాది దుర్గుణాలు తలెత్తుతూ ఉంటాయి. ఆ క్రమంలో నానా కంపు చేస్తూ ఉంటారు. ఇప్పటిదాకా అలా చేసిన వాళ్ళ గురించి, వాళ్ళ గోల గురించి మరెప్పుడైనా సీరియల్ గా మాట్లాడుకుందాం. ప్రస్తుతం మన టాపిక్ లోకి వద్దాం.

మొన్నామధ్యన ఒకమ్మాయి నాతో ఫోన్లో మాట్లాడుతూ ఇలా అడిగింది.

'నేను మీ బ్లాగ్ కు చాలావరకూ అడిక్ట్ అయిపోయాను. ప్రతిరోజూ నాలుగుసార్లు మీ బ్లాగ్ ఓపన్ చేస్తూ ఉంటాను. కొత్తవి ఏమైనా వ్రాశారేమో అని'

ఈ మాటను చాలాసార్లు చాలామంది నుంచి విని ఉండటంతో నాకు కొత్తగా ఏమీ అనిపించలేదు.

'అవునా. థాంక్స్' అన్నా సింపుల్ గా.

'నేను మీ పోస్టులు అన్నీ చదువుతాను గాని మీ పాటలు మాత్రం అస్సలు వినను. అవి నాకు నచ్చవు' అంది ఆ అమ్మాయి మళ్ళీ.

నాకు విషయం అర్ధమైనా అర్ధం కానట్లు నవ్వుతూ - 'అవునా? అవేం పాపం చేశాయి? నేనేమీ అసభ్యమైన పాటల్ని పాడటం లేదే?' అన్నాను.

'అది కాదు. ఎందుకో మీ ఆధ్యాత్మిక పోస్టులు మాత్రమే నాకు నచ్చుతాయి. అలాంటి హై లెవల్ పోస్టులు వ్రాసే మీరు, ఒక మామూలు సింగర్ లాగా సినిమా పాటలు పాడటం ఎందుకో నాకు నచ్చదు' అంది.

'అలాగా' అన్నాను మళ్ళీ సింపుల్ గా.

'అవును. నాదొక డౌట్. అడగమంటారా?' అంది తను.

'చెప్పండి' అన్నాను.

'మీరు ధ్యానం గురించి ఎక్కువగా చెబుతారు కదా'

'అవును'

'నా డౌటేంటంటే, దేవుడు మనకు కళ్ళూ ముక్కూ చెవులూ ఇచ్చింది వాటిని తెరిచి లోకాన్ని చూడమని గాని, వాటిని మూసుకుని ధ్యానంలో కూచోమని కాదుగా? మరి ధ్యానం అనేది దేవుడి ప్లాన్ కు వ్యతిరేకం కదా?' అంది అమాయకంగా.

నవ్వుతో నాకు పొలమారింది.

'మీ డౌట్ చాలా బాగుంది. దానికి ఆన్సర్ చెప్పేముందు నాదొక డౌట్ ఉంది. అడగమంటారా?' అన్నాను.

'మీకు డౌటా? సరే ఏంటో చెప్పండి'

'ఏం లేదు? మీరు ఒక్క నిముషం కూడా కాకముందే రెండు మాటలు మాట్లాడుతున్నారేంటి?' అన్నాను.

'నేనా? రెండుమాటలు మాట్లాడానా? ఎప్పుడు" అందా అమ్మాయి.

'ఇప్పుడే. ముందేమో, దేవుడు నోరిచ్చింది మూసుకొని కూచోడానికి కాదన్నారు. మళ్ళీ వెంటనే, నేను మీ పాటలు వినను అంటున్నారు. దేవుడు నోరిచ్చింది పాటలు పాడటానికి కూడా కదా ! మరి నేనదే చేస్తున్నాను. అవి వినడానికి మీకెందుకు అయిష్టం? అంటే, మీరు కూడా దేవుడి ప్లాన్ కు వ్యతిరేకంగా పోతున్నట్లే కదా?' అన్నాను.

ఆమెనుంచి సౌండు ఆగిపోయింది.

'అంటే అంటే అదీ అదీ....' అంటోంది.

'పోనీ ఇంకో డౌటు. దీనికి చెప్పండి. నిద్రలో మీరు కళ్ళు మూసుకుని నిద్రపోతారా తెరుచుకుని నిద్రపోతారా?' అడిగాను.

'అదేంటండి అలా అడుగుతారు? ఎవరైనా కళ్ళు మూసుకునే కదా నిద్రపోతారు?' అడిగింది ఆమె.

'లేదండి. కొంతమంది కళ్ళు తెరుచుకుని కూడా నిద్ర పోగలరు' అన్నాను.

'అలాంటి వారిని నేనింతవరకూ చూడలేదండి' అందామె.

'కరెక్టే. నేనూ ఇంతవరకూ చూడలేదు' అన్నాను.

ఆమె ఇంకా కన్ఫ్యూస్ అయిపొయింది.

'అదేంటి? మరి ఎలా చెప్పగలుగుతున్నారు చూడకుండా?' అంది.

'నన్ను నేను చూడలేను కదా' అన్నాను.

'అదేంటి? మీరు కళ్ళు తెరుచుకుని నిద్రపోతారా?' అడిగింది ఆమె.

'అవును. అప్పుడప్పుడూ అలా చేస్తాను' అన్నాను.

'ఎందుకలా?' అడిగింది.

'ఎందుకంటే, నేను ప్రతిరోజూ చేపల్ని బాగా తింటాను. అవి అలాగే కళ్ళు తెరుచుకునే నిద్రపోతాయి. వాటిని తినీ తినీ అదే అలవాటు నాకూ వచ్చేసింది' అన్నాను సీరియస్ గా.

అవతలనుంచి కాసేపు నిశ్శబ్దం.

'మీరు చేపలు తింటారా? చేపలు తినేవాళ్ళు అలా అవుతారా?' అంది అనుమానంగా.

పాపం ఇప్పటికి సృష్టించిన కన్ఫ్యూజన్ చాల్లే అనిపించి - 'అబ్బే అదేమీ కాదండి. పక్కనున్నవాళ్ళని సరదాగా భయపెట్టాలని అనుకున్నపుడు కొన్నిసార్లలా చేస్తూ ఉంటాను' అన్నాను.

'నిజంగానా?' అడిగింది భయంగా.

'మీమీదొట్టు. ధ్యానం బాగా చేతనైతే ఇలాంటి ట్రిక్స్ చెయ్యచ్చు.' అన్నాను.

'ఇలాంటి ట్రిక్స్ చెయ్యడానికి ధ్యానం చేస్తారా?' అంది.

'కాదనుకోండి. ఆ క్రమంలో ఇలాంటి శక్తులు వస్తూ ఉంటాయి. వాటిని సరదాగా అలా వాడుతూ ఉంటా అప్పుడప్పుడు. సరేగాని నా డౌటు క్లియర్ చెయ్యలేదు మీరు. నిద్రలో మీరు కళ్ళు మూసుకుంటారు కదా?' అన్నాను.

'అవును'

'మరి దేవుడేమో కళ్ళు తెరిచి లోకాన్ని చూడమని చెప్పాడని మీరే అంటుంటిరి. మళ్ళీ నిద్రలో కళ్ళు మూసుకుంటాను అంటుంటిరి? ఒక్క నిముషంలో మీరే మీకు వ్యతిరేకంగా మాట్లాడుతున్నారు. ఏంటిదంతా?' అడిగాను.

'అంటే, నిద్రకూడా పోకుండా ఎల్లకాలం పత్తికాయల్లా కళ్ళు తెరుచుకునే ఉండాలంటే ఎలా కుదురుతుంది?' అందామె.

'నేను చెప్పేది కూడా అదే. కళ్ళు మూసుకుని ధ్యానం చెయ్యకుండా ఎప్పుడూ కళ్ళు తెరుచుకునే ఉండటం కూడా తప్పే కదూ?' అన్నాను.

'ఏమో. మీ ఆన్సర్ తో నేను కన్విన్స్ అవ్వలేకపోతున్నాను' అందామె. 

'అది మీ ఇష్టం. మిమ్మల్ని కన్విన్స్ చెయ్యాల్సిన పని నాకు లేదు' అన్నాను.

'మరి నా డౌటు తీరేదెలా?' అంది.

'సరే. ఇంకో మాట అడుగుతాను చెప్పండి. మీ జీవితంలో మీరెప్పుడూ పాటలు పాడలేదా. కనీసం కూనిరాగాలు తియ్యలేదా? ఇలా అడుగుతున్నందుకు ఏమీ అనుకోకండి. కనీసం బాత్రూంలో స్నానం చెసేటప్పుడైనా, కూనిరాగాలు తియ్యలేదా? ఏ పాటలూ హమ్ చెయ్యరా?' అడిగాను.

'చేస్తాను. అలా అందరూ చేస్తారు' అందామె.

'మరి నేను పాడుతున్న పాటల్ని వినడానికి మీకెందుకు అభ్యంతరం? దేవుడు చెప్పిన పనే నేను చేస్తున్నాను. నేను బాత్రూంలో దాక్కుని పాటలు హమ్ చెయ్యడం లేదు. బాత్రూం బయటే పాడుతున్నాను. నోరు బార్లా తెరిచి మరీ పాటలు పాడుతున్నాను. మరి మీరెందుకు వినడం లేదు?' అడిగాను.

'ఏమో తెలీదు' అందామె.

'దేవుడు మీకు కూడా నోరిచ్చి పాటలు పాడమన్నాడు. మరి మీరెందుకు పాటలు పాడకుండా దేవుడికి అపచారం చేస్తున్నారు?' అడిగాను.

'అదీ తెలీదు' అందామె.

'ఏమీ తెలీకుండా మరి నాకెందుకు ఫోన్ చేశావమ్మా?' అనుకున్నా లోలోపల.

'సరే. ఒక పని చెయ్యండి. నేనిప్పటిదాకా 350 పైన హిందీ పాటలు పాడాను. తెలుగు, మలయాళం, కన్నడం ఇత్యాది ఇంకొన్ని పాడాను. ముందు అవన్నీ వినండి. ఆ తర్వాత మీ డౌట్లు అడగండి. అప్పుడు వాటిని క్లియర్ చేస్తాను' అని చెప్పాను.

'అలాగే చేస్తాను. ఈలోపల చిన్న క్లూ ఇవ్వండి' అందామె.

'ధ్యానం చెయ్యాలంటే కళ్ళు మూసుకునే చెయ్యనక్కరలేదు. తెరిచి కూడా చెయ్యవచ్చు. నేనలాగే చేస్తూ ఉంటాను' అన్నాను.

'అదేంటి? ఇదింకా కన్ఫ్యూజింగ్ గా ఉంది. ధ్యానం కూడా కళ్ళు తెరిచే చేస్తారా?' అడిగిందామె.

'అవును. అలా ఎన్నో ఏళ్ళు చేసీ చేసీ, కళ్ళు తెరిచి నిద్రపోయే శక్తి సంపాదించాను' అన్నాను.

'దాన్ని శక్తి అంటారా? ఏంటో అంతా అయోమయంగా ఉంది. కాసేపేమో చేపలు తినీ తినీ అలా అయ్యానంటున్నారు. కాసేపేమో ధ్యానం వల్ల ఈ శక్తి వచ్చిందంటున్నారు. ఒక డౌట్ క్లియర్ చేసుకుందామని ఫోన్ చేస్తే మరిన్ని డౌట్స్ పట్టుకున్నాయి నన్ను.' అందా అమ్మాయి.

'నాతో ఇలాగే ఉంటుంది. నేను మీ డౌట్స్ క్లియర్ చెయ్యను. ఇంకా ఇంకా మీలో లేనిపోని డౌట్స్ క్రియేట్ చేస్తాను. నా మార్గం ఇంతే. ఈ హింసకి ఇష్టపడేవారే నాతో మాట్లాడాలి.' అన్నాను.

'మీరు చెబుతున్నవాటిల్లో ఏది నిజం? ఏదబద్ధం?' అందామె.

'అన్నీ అబద్దాలే. నేనొక్కటే నిజం' అన్నాను సీరియస్ గా గొంతు మార్చి.

'సరే ఫైనల్ గా చెప్పండి. దేవుడు మనకి కళ్ళూ చెవులూ ముక్కూ నోరూ ఇచ్చింది మూసుకోడానికా తెరుచుకోడానికా?' అందా అమ్మాయి విసుగ్గా.

'ఇలాంటి డౌట్స్ కూడా వస్తాయా దేవుడా?' - అని నాకు భలే నవ్వొచ్చింది.

'అప్పుడప్పుడూ మూసుకోడానికి, అప్పుడప్పుడూ తెరుచుకోడానికి. రెండూ చేసే శక్తి వాటికి ఉందిగా. ఆ శక్తికి హద్దులు పెట్టడం ఎందుకు?' అన్నాను.

'సరే. ఇప్పుడు నన్నేం చెయ్యమంటారు?' అందామె చివరకు.

'ఏదో ఒకటి మీకు చేతనైంది చేసుకోండి' అందామని నోటిదాకా వచ్చింది కానీ బాగుండదని మింగేశాను.

'ముందు నా పాటలన్నీ మొత్తం విని ఆ తర్వాత మళ్ళీ ఫోన్ చెయ్యండి. వినకుండా ఫోన్ చేస్తే ఊరుకోను. మధ్యమధ్యలో కొన్ని పాటల పేర్లు అడిగి మీకు టెస్ట్ పెడతాను. అందులో మీరు ఫెయిల్ అయితే నాకు చెడ్డ కోపం వస్తుంది. ఆ తర్వాత మీ ఇష్టం.' అన్నాను కరుగ్గా.

'సరేనండి ఉంటా' అంటూ ఫోన్ పెట్టేసింది ఆ అమ్మాయి.

ఈ ఫోన్ కాల్ అయ్యేసరికి భలే విసుగొచ్చింది.

అంతా నా ఖర్మ ! సింపుల్ గా కళ్ళు తెరుచుకుని నిద్రపోవడం కూడా రానివారితో నేను మాట్లాడాల్సి రావడం నా ఖర్మ కాకుంటే మరేమిటి? ఛీ ! చవకబారు మనుషులు ! అంటూ భలే కోపం వచ్చేసింది.

అసలు నా బ్లాగులో ఫోన్ నంబర్ ను ఇవ్వనేల? ఇచ్చితిని పో, ఇలాంటివారు నాకు ఫోన్ చెయ్యనేల? చేసితిరి పో, నేను వారితో గంటలు గంటలు ఇలా వాగనేల? వాగితిని పో, చివరకు విసుగు పుట్టనేల? పుట్టినది పో, దాన్నంతా ఇలా బ్లాగులో పెట్టనేల?

అసలీ గోలంతా నాకేల?

అంతా కామెడీగా లేదూ?

అన్ని మంత్రాలలోకీ గొప్ప మంత్రం ఏది?

మంత్రశాస్త్రంలో అనేక వేల మంత్రాలున్నాయి. వాటిల్లో దేనికదే గొప్ప అని ఆయా మంత్రాలు అనుష్టానం చేసేవారు అనుకుంటూ ఉంటారు. వైష్ణవులూ, శైవులూ, శాక్తేయులూ ఇలా ప్రతివారూ వారివారి మంత్రాలే గొప్ప అనుకుంటూ ఉంటారు. వీరిలో ఎవరికి వారే గొప్ప కావచ్చు. కానీ ఈ అన్నింటినీ మించిన చాలా సింపుల్ మంత్రం ఒకటుంది. అదేంటో చెప్పబోయే ముందు, ఈ మధ్యనే జరిగిన ఒక సంఘటన గురించి వినండి.

మొన్న ఒకరోజున మధ్యాన్నం పూట ఒక ఫోనొచ్చింది. ఏదో కొత్త నంబర్. సందేహిస్తూ 'హలో' అన్నాను.

'నాపేరు ఫలానా శర్మ అంటారు. నేను సంస్కృతంలోనూ తెలుగులోనూ పండితుణ్ణి' అన్నాడు ఒకాయన.

'సరే. నమస్తే.' అన్నాను.

'నమస్తే. మీరు వ్రాసిన 'శ్రీవిద్యా రహస్యం' చదివాను. ఒక్కసారి కాదు. చాలాసార్లు చదివాను. విషయం చాలా బాగుంది. అద్భుతంగా చెప్పారు. కానీ పద్యాలలో ఛందస్సు చాలాచోట్ల తప్పింది' అన్నాడాయన.

'అలాగా. సరే' అన్నాను.

నాకు వినపడలేదనుకున్నాడేమో, ఇంకా కొంచం గట్టిగా 'మీరు వ్రాసిన పద్యాలలో యతినియమమూ, చందస్సూ తప్పాయి చాలావాటికి' అన్నాడు.

'అవునా. సరే' అన్నాను మళ్ళీ.

'ఛందస్సు అంటే దేవతాస్వరూపం కదండీ? అలా వాటిని మార్చి వ్రాసేస్తే ఎలా?' అన్నాడాయన.

'అలాగా ! సరే' అన్నాను మళ్ళీ.

'ఒక ప్రముఖ వ్యక్తి గారున్నారు. ఆయన ఏకంగా రామాయణాన్నే తెలుగులో వ్రాశారు. కానీ పద్యాలలో అన్నీ ఛందోదోషాలే. ఏం చేస్తాం ! ఆయన పెద్దవాడు కాబట్టి చెలామణీ అయిపోయింది' అన్నాడు బాధగా.

'అవునా. అయ్యో పాపం' అన్నా నేనుకూడా బాధగానే.

'మీరు కూడా అలాగే వ్రాశారు. అన్ని తప్పులుంటే ఎలాగండి?' అంది స్వరం బాధనూ విసుగునూ కలిపి.

పాటలు పాడీ పాడీ మనకూ కొద్దో గొప్పో మిమిక్రీ వచ్చు గనుక, నేను కూడా అదే పాళ్ళలో బాధనూ విసుగునూ నా స్వరంలో ధ్వనింపజేస్తూ - 'అంతే కదండీ మరి?' అన్నాను.

అవతలవైపునుంచి కొంచం సేపు నిశ్శబ్దం ధ్వనించింది.

'నేను చెప్పేది మీకు వినిపిస్తోందా అసలు?' అడిగాడాయన కొంచం అనుమానంగా.

'చక్కగా వినిపిస్తోంది. చెప్పండి' అన్నాను నేను పెద్దగా అరుస్తూ.

'ఆ ! అదే ! మీ పుస్తకం చాలా బాగుంది. విషయ గాంభీర్యంలో అద్భుతంగా ఉంది గానీ పద్యాలలో ఛందస్సు అక్కడక్కడా తప్పింది ఇదే కాస్త లోపం' అన్నాడాయన మళ్ళీ.

'అలాగా. సరే' అన్నా నేను మళ్ళీ.

నాకు సరిగా వినిపించడం లేదని ఆయనకు గట్టిగా అనుమానం వచ్చేసింది. మళ్ళీ మొదట్నించీ మొదలుపెట్టి ' నాపేరు ఫలానా శర్మ' అని మొత్తం మళ్ళీ చెప్పిందే చెప్పుకుంటూ వచ్చాడు.

ఆయన చెప్పిన ప్రతిమాటనూ మళ్ళీ ఓపికగా వింటూ నేను, ప్రతిమాటకీ ' సరే, సరే ', 'అలాగా' 'అయ్యో పాపం' అంటూ వచ్చా యధావిధిగా.

రికార్దంతా మళ్ళీ వేశాక నాకు ఖచ్చితంగా చెవుడని ఆయనకు పెద్ద అనుమానం వచ్చినట్లుంది. ఇక వీడితో మనకెందుకులే కంఠశోష  అనుకున్నాడో ఏమో 'సరేనండి ఉంటా' అంటూ ఫోన్ పెట్టేశాడు.

నేను నవ్వుకుంటూ ఉండిపోయాను.

ఇప్పుడర్ధమైందా అన్ని మంత్రాలలోకీ గొప్ప మంత్రం ఏంటో?

'సరే' మంత్రం.

ఇది నేను చెప్పిన మాట కాదు. జిల్లెళ్ళమూడి అమ్మగారు చెప్పిన మాట. ఈ విధంగా అన్నింటికీ 'సరే'నంటే ఏ బాధా ఉండదు మనకు. ఇలా కాకుండా, 'నన్నూ నా పద్యాలనూ అంటాడా?' అని రోషం తెచ్చేసుకుని 'ఎక్కడ తప్పులున్నాయి? అవి ఎలా తప్పులయ్యాయి?' అంటూ ఆయనతో వాదన పెట్టుకుంటే ఇద్దరికీ బీపీలు పెరగడం తప్ప ఏమీ ఉపయోగం ఉండదు. ఆయన అంటోంది మనల్ని కాదు, మన పద్యాలను కాదు అనుకుంటే ఏ సమస్యా లేదు. అసలాయన చెబుతోంది నాగురించి కాదు ఎవరో థర్డ్ పర్సన్ గురించి - అనుకుంటూ అన్నీ ఓపికగా విన్నా. 'సరే సరే' అనేవాడితో ఆయన మాత్రం చెప్పిందే ఎన్నిసార్లు చెబుతాడు? విసుగు రాదూ మరి !

ఈ ప్రపంచంలో ఎవరూ వారి పధ్ధతి మార్చుకోరు. ఎవడి గోల వాడిది. కాసేపు 'సరే' అంటే పోలా? ఆ తర్వాత ఎలాగూ ఎవరి దారిలోనే వారు పోతూ ఉంటారు కదా !

కొంచం కష్టమే ! కానీ అసాధ్యం మాత్రం కాదు. జీవితాన్నే కామెడీగా చూస్తే అంతా తేలికే. ఏమంటారు?

'Hidden meanings of Lalita Sahasranama' - E Book ఈరోజు రిలీజైంది

మార్చి 22 న యాక్సిడెంట్ ఐనప్పటినుంచీ మెడికల్ రెస్ట్ లో ఉన్న నేను ఈ రెండు నెలలలో చేసిన పనులు చాలా ఉన్నాయి. వాటిల్లో 'శ్రీవిద్యా రహస్యం' తెలుగు పుస్తకాన్నీ అలాగే దాని ఇంగ్లీషు అనువాదం 'The Secret of Sri Vidya' అనే పుస్తకాన్నీ ఆమూలాగ్రం అనేకసార్లు పరిశీలించి అవసరమైన మార్పులు చేర్పులు చేసి రెండో ఎడిషన్స్ గా వాటిని విడుదల చెయ్యడం జరిగింది.

ఈ పనులతో బాటు సమాంతరంగా 'లలితా సహస్రనామ రహస్యార్ధ ప్రదీపిక' ను 'Hidden meanings of Lalita Sahasranama' అనే పేరుతో ఇంగ్లీష్ లోకి అనువాదం చెయ్యడం జరిగిపోయింది. ఈరోజు ఈ పుస్తకాన్ని విడుదల చేస్తున్నామని చెప్పడానికి చాలా సంతోషిస్తున్నాను.

ఇంతటి లోతైన రహస్యాలున్న ఇలాంటి పుస్తకం లలితా సహస్రనామాలపైన ఇప్పటివరకూ రాలేదని ఘంటాపధంగా నేను చెప్పగలను. అసలీ పనులన్నీ చెయ్యడానికే నాకీ యాక్సిడెంట్ అయిందేమో అని నాకిప్పుడనిపిస్తోంది. మామూలుగా అన్నిపనులూ చేసుకుంటూ తిరుగుతూ ఉన్నట్లయితే ఇవి చెయ్యడానికి నాకు రెండేళ్ళు పట్టి ఉండేది. అలాంటిది రెండు నెలల్లో చెయ్యగలిగాను.

ఈ పుస్తకాన్ని వ్రాయడంలో నాకెంతో సహకరించిన నా శ్రీమతికీ, అలాగే నా అమెరికా శిష్యురాళ్ళకు ప్రత్యేక కృతజ్ఞతలు తెలియజేస్తున్నాను.

యధావిధిగా, ఈ పుస్తకం ఆన్ లైన్ లో google play books సైట్ నుంచి, అలాగే  Amazon.com నుంచి కూడా లభ్యమౌతుంది.

ఈ ఇంగ్లీషు పుస్తకంతో అంతర్జాతీయ పాఠకులు కూడా లలితా సహస్రనామాల మహత్యాన్నీ, దానిలోని అసలైన లోతైన అర్ధాలనూ తెలుసుకోగలుగుతారు. ఇది చదివిన ఇంగ్లీషు పాఠకులకు ఖచ్చితంగా మనదేశపు ఆధ్యాత్మిక ఔన్నత్యం పట్ల మంచి అవగాహన కలుగుతుందని, అది తప్పకుండా సరియైన ఆధ్యాత్మిక మార్గంలో వారిచేత అడుగులు వేయిస్తుందనీ నా నమ్మకం.

ఆ తర్వాత - ఖాళీగా ఉండటం మనకస్సలు ఇష్టం ఉండదు కాబట్టి, ఈరోజునుంచీ మా తర్వాతి పుస్తకం - 'Medical Astrology - Part I (With examples of 100 live Astro charts)' పని మొదలుపెడుతున్నాం అని చెప్పడానికి ఇంకా సంతోషిస్తున్నాను.

Kayi Bar Yubhi Dekha Hai - Mukesh

Kayi Bar Yubhi Dekha Hai

అంటూ ముకేష్ మధురంగా ఆలపించిన ఈ గీతం 1974 లో వచ్చిన Rajnigandha అనే సినిమాలోది. ఇది 1970 తర్వాత వచ్చినప్పటికీ ఆపాతమధురగీతాలలో ఒకటే. ఎందుకంటే, ఈ చిత్రానికి సంగీతం సమకూర్చింది మధుర సంగీత దర్శకుడు సలీల్ చౌధురీ కనుక. ఈయన పాటలు ఎంత మధురంగా ఉంటాయో ప్రత్యేకంగా చెప్పనక్కర్లేదు. అతి తక్కువ వాయిద్యాలతో అతి చక్కటి మాధుర్యాన్ని సృష్టించడం ఈయన ప్రత్యేకత.

నా స్వరంలో కూడా ఈ పాటను వినండి మరి !

Moviez:- Rajnigandha (1974)

Lyrics :-- Yogesh

Music:-- Salil Chowdhury

Singer:-- Mukesh

Karaoke Singer:- Satya Narayana Sarma

Enjoy

--------------------------------

[Kayi baar yubhi dekha hai – Yejo manki seema rekha hai

Man todne lagtaa hai

Anjaani pyas ke peeche – Anjaan aaske peeche

Man doudne lagtaa hai] - 2

Raahon me raaho me – Jeevan kee raahon me

Jo khile - hai phool - phool muskuraake

Kounsa phool churake - Rakhu manmesajake

Kayi baar yubhi dekha hai – Yejo manki seema rekha hai

Man todne lagtaa hai

Anjaani pyas ke peeche – Anjaan aaske peeche

Man doudne lagtaa hai

Jaanoonaa janoona – Uljhan ye jaanoo na

Suljhavu kaise – kuch Samajhna paavoo

Kisko meet banavu – Kiskee preet bhulavu

[Kayi baar yubhi dekha hai – Yejo manki seema rekha hai

Man todne lagtaa hai

Anjaan pyas ke peeche – Anjaan aaske peeche

Man doudne lagtaa hai] - 2

Meaning

I have seen this many times

that mind has a boundary line

which it wants to break

Behind some unknown thirst

behind some unknown desires

the mind wants to rush

On the highways of life

Bloom many flowers

with a smiling face

which one to take?

and which one to keep in my heart?

I know not, I know not

this dilemma I know not

How to solve this?

Whose love should I accept?

and whom should I forget?

I have seen this many times

that mind has a boundary line

which it wants to break

Behind some unknown thirst

behind some unknown desires

the mind wants to rush

తెలుగు స్వేచ్చానువాదం

చాలా సార్లు గమనించాను

మనస్సుకి ఒక హద్దు అనేది ఉందని

కానీ దానిని దాటిపోవాలనే అదెప్పుడూ

ప్రయత్నిస్తుందని

ఏదో తెలియని దాహంతో

ఏవో తెలియని కోరికల వెనుక

అది పరిగెత్తి పోతుందని

జీవితపు రహదారులలో

ఎన్నో పూలు నవ్వుతూ కనిపిస్తాయి

కానీ వాటిల్లో దేనిని స్వీకరించాలి?

దేనిని నా హృదయంలో నిలుపుకోవాలి?

నాకర్ధం కావడం లేదు

ఈ సమస్యను ఎలా దాటాలో

అస్సలు తెలియడం లేదు

ఎవరి స్నేహాన్ని నేను స్వీకరించాలి?

ఎవర్ని మర్చిపోవాలి?

చాలా సార్లు గమనించాను

మనస్సుకి ఒక హద్దు అనేది ఉందని

కానీ దానిని దాటిపోవాలనే అదెప్పుడూ

ప్రయత్నిస్తుందని

ఏదో తెలియని దాహంతో

ఏవో తెలియని కోరికల వెనుక

అది పరిగెత్తి పోతుందని

Haye Tabassum Tera - Mohammad Rafi

Haye Tabassum Tera

అంటూ మహమ్మద్ రఫీ మధురాతి మధురంగా ఆలపించిన ఈ గీతం 1965 లో వచ్చిన Nishan అనే చిత్రంలోనిది. ఇది కూడా ఆపాత మధురగీతమే. సంగీత దర్శకురాలు ఉషాఖన్నా దీనికి ఎంతో మధురమైన రాగాన్ని సమకూర్చింది. దీనిని నా స్వరంలో కూడా వినండి మరి.

Movie:-- Nishan (1965)

Lyrics:-- Javed Anwar

Music:-- Usha Khanna

Singer:-- Mohammad Rafi

Karaoke Singer:-- Satya Narayana Sarma

Enjoy

----------------------------------------

Haaye tabassum tera – 2

Dhoop khil gayi raat me - Ya bijili giri barsaat me

Haaye tabassum tera – 2

Dekhi teri angdaayi

Shamma ki lau thar tharaayi

Dekhi teri angdaayi

Uff ye hasi – Maasoom si

Jannat ka jaise saveraa

Haaye tabassum tera

Dhoop khil gayi raat me - Ya bijili giri barsaat me

Haaye tabassum tera – 2

Palkoki chilman uthaana

Dheere se ye muskuraana

Palkoki chilman uthaana

Lab jo hile – Zulfo tale

Chaaya gulabi andheraa

Haaye tabassum tera

Dhoop khil gayi raat me - Ya bijili giri barsaat me

Haaye tabassum tera – 2

Roko na apni haseeko

Jeene do walla kisee ko

Roko na apni haseeko

Teri hasee - Ruk jo gayi

Ruk jaayega saas mera

Haaye tabassum tera

Dhoop khil gayi raat me - Ya bijili giri barsaat me

Haaye tabassum tera – 2

Meaning

Your smile !
How beautiful it is !
Like sunshine in the night
Like a streak of lightening in rain

On seeing you stretching your body
the lamp quivered
Oh ! Your innocent smile
is like sunrise of the paradise

Rising of the curtains of your eyelids
and your sweet smile
the movement of your lips
the shores of your tresses
seeing all this, a mild mist started falling

Don't hold back your smiles
I swear, let someone live
If your smile disappears
so does my breath

Your smile !
How beautiful it is !
Like sunshine in the night
Like a streak of lightening in rain

తెలుగు స్వేచ్చానువాదం

ఎంత అందమైన నవ్వు నీది !

చీకటిలో సూర్యోదయంలా

పెనువర్షంలో మెరుపులా

నువ్వు ఒళ్ళు విరుచుకుంటుంటే చూచి

దీపం గజగజా వణికిపోయింది

నీ అమాయకమైన చిరునవ్వు

స్వర్గంలో సూర్యోదయంలా ఉంది

పైకెత్తిన నీ కనురెప్పల తెరలు

నీ అందమైన చిరునవ్వు

నీ మనోహరమైన కురులు

ఇవన్నీ చూచిన మంచు

తెరలు తెరలుగా రాలుతోంది

నీ నవ్వును దాచుకోకు
నన్ను కొంచం బ్రతకనీ
నీ నవ్వులు మాయమైతే
నా ఊపిరే ఆగిపోయేలా ఉంది

ఎంత అందమైన నవ్వు నీది !

చీకటిలో సూర్యోదయంలా

పెనువర్షంలో మెరుపులా

May - 2018 అమావాస్య ప్రభావం

నిన్న నిండు అమావాస్య.

అమావాస్య ప్రభావాన్ని మళ్ళీ రుజువు చేస్తూ నిన్న మంగళవారం నాడు ఏం జరిగిందో చూడండి.

తూర్పుగోదావరి జిల్లాలో దేవీపట్నం దగ్గర గోదావరిలో లాంచీ మునిగి 45 మంది జలసమాధి అయ్యి చనిపోయారు. కనీసం వాళ్ళు బయటకు కూడా రాలేకుండా, లాంచీ గది తలుపులు మూసేయ్యడంతో అంతమందీ శవాలుగా మారి, నది అడుగున ఆ లాంచీలో అదే గదిలో ఉన్నారు. 

దాదాపు ఏభై ఏళ్ళనుంచీ ఆ ప్రాంతంలో అవే లాంచీలు నడుస్తున్నాయట. టెక్నాలజీ మారినా అవే పాత లాంచీలు నడుస్తుంటే అధికారులు ఏం చేస్తున్నారో, వాటిని ఏళ్ళ తరబడి ఓవర్ లోడ్ తో నడిపిస్తుంటే, సదరు మంత్రివర్గ అధికారులూ,  ప్రజా సంక్షేమం అంటూ ఇన్ని ఉపన్యాసాలు దంచే రాజకీయులూ ఏం చేస్తున్నారో ఎవరికీ తెలీదు.

మన దేశంలో దేనికీ ముందుచూపు ఉండదు.  వాగుడెక్కువ పని తక్కువ. ఏదైనా జరిగాక అందరూ పోలో మంటూ గోల చేస్తారు. లేదా ఆ ప్రమాదం నుండి లబ్ది పొందుతారు. ఎటు చూచినా మన దేశంలో దోపిడీ తప్ప ఇంకేమీ లేదు. అందుకే ఎప్పుడో బీసీలో జరగాల్సిన ప్రమాదాలు ఇప్పుడు కూడా ఇండియాలో జరుగుతూ ఉంటాయి. అందుకే ఇతర దేశాలు మనల్ని చూచి హేళన చేస్తాయంటే చెయ్యవూ మరి ?

మరొక దుర్ఘటన !

అదే మంగళవారం, అంటే నిన్ననే, వారణాసిలో ఇంకా నిర్మాణంలో ఉన్న ఫ్లై ఓవర్ కూలి సింపుల్ గా 16 మంది పచ్చడి అయిపోయారు.  కొన్ని కార్లు ఇతర వాహనాలు నుజ్జు నుజ్జు అయ్యాయి. ఇంకా నిర్మాణం దశలోనే ఫ్లై ఓవర్ కూలిపోవడం ఏమిటో? దానిని కడుతున్న వారిపైన చర్యలు ఉంటాయో ఉండవో? ఈ దేశంలో అన్నీ శేష ప్రశ్నలే.

మళ్ళీ ఇదే మంగళవారం రోజున, గుంటూరులో పోలీస్ స్టేషన్ మీద ముస్లిం ప్రజలు దాడిచేసి రాళ్ళు రువ్వడం ప్రజాస్వామ్య వ్యవస్థలోని డొల్లదనానికి పరాకాష్ట. దానికి కారణం ఒక అమ్మాయిని ఎవరో రేప్ చేయ్యబోయారట. జనానికి దొరికిపోయేసరికి అతను సరాసరి పోలీస్ స్టేషన్ కు వచ్చి లొంగిపోయాడు. అతడిని రాజకీయులూ పోలీసులూ కలసి రక్షిస్తారేమో అని ముస్లిం వర్గాలు కోపం తెచ్చుకుని పోలీసులను, పోలీస్ స్టేషన్నూ, పోలీస్ వాహనాలనూ ఎటాక్ చేశాయి. లాఠీచార్జీలూ, రాళ్ళు రువ్వడాలూ వగైరాలతో అర్ధరాత్రిదాకా గుంటూరు పాత పోలీస్ స్టేషన్ ప్రాంతం రణరంగంలా ఉండి మరో కాశ్మీర్ ను తలపించింది.

ఇవన్నీ మంగళ వారం రోజునే, అందులోనూ అమావాస్య పరిధిలో జరగడం గమనార్హం.

అమావాస్య ప్రభావం మళ్ళీ రుజువైందా లేదా మరి ?

Secret of Sri Vidya - 2nd Edition - E-Book విడుదలైంది

'శ్రీవిద్యా రహస్యం' తెలుగు పుస్తకానికి ఇంగ్లీషు అనువాదం 'Secret of Sri Vidya' రెండవ ఎడిషన్ నిన్న రిలీజైందని చెప్పడానికి సంతోషిస్తున్నాను. 'శ్రీవిద్యా రహస్యం' పుస్తకానికి ఇంకా మెరుగులు దిద్ది నూతనరూపాన్నిచ్చిన సంగతి మీకు తెలిసినదే. అవే మార్పులను దాని ఇంగ్లీషు ప్రతిలో కూడా చెయ్యడం జరిగింది. ఆయా మార్పులతో కూడిన రెండవ ఎడిషన్ ను Google play books లో అప్ లోడ్ చెయ్యడం కూడా జరిగింది.

అతి త్వరలో amazon లో కూడా, నవీకరించబడిన రెండవ ఎడిషన్ అందుబాటులోకి వస్తుంది.

తెలుగు పుస్తకం మన తెలుగు పాఠకులను మాత్రమే అలరిస్తోంది. కానీ ఇంగ్లీషు పుస్తకం అనేక దేశాలలో, ముఖ్యంగా అమెరికా, ఇంగ్లాండ్ వంటి దేశాలలో తెల్లవారిచే చదువబడుతోంది. ఈ విధంగా మన భారతీయ ఆధ్యాత్మికత యొక్క విశిష్టత వారికి కూడా అర్ధమౌతోంది.

తెలుగుతో బాటు ఇంగ్లీషు పుస్తకాన్ని కూడా సమానంగా ఆదరిస్తున్న అంతర్జాతీయ పాఠకులకందరికీ నా కృతజ్ఞతలు.

Jhoomti Chali Hawa - Mukesh

Jhoomti Chali Hawa  అంటూ ముకేష్ మృదుమధురమైన తన శైలిలో ఆలపించిన ఈ గీతం 1962 లో వచ్చిన Sangeet Samrat Tansen అనే చిత్రం లోనిది. ముకేష్ పాడిన అనేక మధురగీతాల్లో ఇదీ ఒకటి. ఈ పాటలో పాత తరం హీరో భరత్ భూషణ్ నటించాడు. ఈ పాటకు సంగీతాన్ని సమకూర్చిన సంగీత దర్శకుడు S.N. Tripathi (శ్రీనాథ్ త్రిపాఠి) గురించి కొంత చెప్పాలి. ఈయన గురించి మన తెలుగువారిలో, అందులో నేటి తరంవారిలో, చాలా తక్కువమందికి తెలుసు.

శ్రీనాథ్ త్రిపాఠి బహుముఖ ప్రజ్ఞాశాలి. ఈయన గాయకుడు, నటుడు, సంగీత దర్శకుడు, కధా రచయిత, స్క్రీన్ ప్లే రచయిత, దర్శకుడు, నిర్మాత కూడా. ఈయనలో ఇంత సృజనాత్మకత ఉండేది. ఆంజనేయుడిగా ఈయన చాలా సినిమాలలో నటించాడు. ఈయన గురించి నేను ఎక్కువగా చెప్పడం ఎందుకు? ఈ వికీపీడియా లింక్ చూడండి.

https://en.wikipedia.org/wiki/S._N._Tripathi

Movie:-- Sangeet Samrat Tansen (1962)

Lyrics:-- Shailendra (Shankardas Kesarilal)

Music:-- S.N.Tripathi

Singer:-- Mukesh

Karaoke Singer:-- Satya Narayana Sarma

Enjoy

---------------------------------------

Jhoomti  Chali hawa – 2

Yaad aagaya koyee

Bujhti bujhti aagko - phir jalaa gaya koyee

Jhoomti chali hawaa

Kho gayi hai manzilen – Mit gaye hai raaste – 2

Gardishe hi gardishein – Ab he mere vaaste

Ab he mere vaaste

Aur aise me mujhe – Phir bulaa gaya koyee

Jhoomti chali hawaa

Ek hook si uthi – Mai siharke reh gaya – 2

Dilko apne thaamke – Aaha bharke reh gaya

Aaha bharke reh gaya

Chaandnee ki oat se – Muskuraa gaya koyee

Jhoomti chali hawaa - Yaad aagaya koyee

Bujhti bujhti aagko - phir jalaa gaya koyee

Jhoomti chali hawaa

Yaad aagaya koyee-3

Meaning

The wind is blowing
Some one is in my thoughts
The fire is getting extinguished
But some one is blowing it up again
The wind is blowing

All my goals have dissolved
all my paths have disappeared
With me, it is all misfortune now
In this misery, now some one
is calling me again

An illusion stood before me
and I stand bewildered
Holding my heart tight
I sigh and remain in despair
From the face of Moon
Some one smiled at me tonight

The wind is blowing
Some one is in my thoughts
The wind is blowing

తెలుగు స్వేచ్చానువాదం

చిరుగాలి వీస్తోంది

ఎవరో నాకు గుర్తొస్తున్నారు

ఆరిపోతున్న జ్వాలను
ఎవరో ఎగదోస్తున్నారు

నా గమ్యాలన్నీ కూలిపోయాయి

నా దారులన్నీ మాయమయ్యాయి

ఇప్పుడు ఎటు చూచినా అంధకారమే

ఇలాంటి స్థితిలో

నన్నెవరో మళ్ళీ పిలుస్తున్నారు

నా ఎదురుగా ఒక మాయ నిలబడింది

దానిని చూచి నేను నిశ్చేష్టుడినయ్యాను

నా గుండెను చిక్కబట్టుకుని

నిట్టూర్పులతో నిండి ఉన్నాను

ఇలాంటి సమయంలో

చందమామలో నుంచి

ఎవరో నన్ను చూచి నవ్వుతున్నారు

చిరుగాలి వీస్తోంది

ఎవరో నాకు గుర్తొస్తున్నారు

చిరుగాలి వీస్తోంది

Bhuli Huyi Yaadon - Mukesh

Bhuli Huyi Yaadon Mujhe Itna na Satavo

అంటూ ముకేష్ స్వరంలో నుంచి మృదుమధురంగా జాలువారిన ఈ గీతం  1961 లో వచ్చిన Sanjog అనే చిత్రంలోనిది. ఈ పాటను మధుర సంగీత దర్శకుడు మదన్ మోహన్ ఎంతో శ్రావ్యంగా స్వరపరచాడు. ఈ పాటలో ప్రదీప్ కుమార్ నటించాడు.

పాతకాలం పాటల్లో ఒక మంచి అర్ధం ఉండేది. అందుకే, సినిమా పాటలైనా కూడా దాదాపు అరవై ఏళ్ళ క్రిందటి పాటలైనా కూడా వీటిని ఈ నాటికీ మనం వింటున్నాం. పాడుకుంటున్నాం. అదే నేటి సినిమా పాటలంటే నేను చస్తే వినను, పొరపాటున కూడా వాటిని పాడను.

ఈ పాటకూడా మంచి భావాన్ని కలిగి ఉన్నదే.

ప్రతివారి జీవితంలోనూ కొన్ని బాధామయ జ్ఞాపకాలుంటాయి. అవి గుర్తొస్తే మనం తట్టుకోలేము. అందుకనే వాటిని సెల్లార్లో పెట్టి తాళం వేసేస్తాం. అవి అక్కడున్నాయని మనకు తెలుసు, కానీ వాటిని మనం తాకం. అవి నిద్రలేస్తే ఏం జరుగుతుందో మనకు బాగా తెలుసు. ఆ బాధను మనం భరించలేం. కానీ అవి ఊరుకోవు. కొన్ని కొన్ని సందర్భాలలో 'మేమున్నాం' అంటూ అవి తలెత్తుతాయి. మనకు గుర్తొస్తాయి. అలాంటప్పుడు మన మనసు గతంలోకి వెళ్ళిపోతుంది. ఆ బాధలను మళ్ళీ అనుభవిస్తుంది. బాధ పడుతుంది. అప్పుడు ఈ పాట మన మనస్సులలో తలెత్తుతుంది. 

ఈ సుమధుర గీతాన్ని నా స్వరంలో కూడా వినండి మరి !

Movie:-- Sanjog (1961)
Lyrics:-- Rajendra Krishan
Music:-- Madan Mohan
Singer:-- Mukesh
Karaoke Singer:-- Satya Narayana Sarma
Enjoy
------------------------------------------------------------

[Bhuli huyi yaadon Mujhe itnana satavo

Ab chain se rehnedo Mere paas na aavo]-2

Bhuli huyi yaadon

Daaman me liye baitha hu – Tute huve taare

Tute huve taare

Kab tak me jiyungaa yuhi Khabonke sahaare

Khabonke sahare

Deevana hu ab aurna deeevana banavo

Ab chain se rehnedo Mere paas na aavo

Bhuli huyi yaadon

Lootona mujhe is tarah  - Do raahe pe laake

Do raahe pe laake

Awaaz nado ek nayi raah dikhake

Nayi raah dikhake

Sambhlaahu main Gir girke mujhe

Phir na giravo

Ab chain se rehnedo Mere paas na aavo

Bhuli huyi yaadon Mujhe itnana satavo

Ab chain se rehnedo Mere paas na aavo

Bhuli huyi yaadon

Meaning

O my forgotten memories
Don't torment me like this
Let me have some peace
Don't come near me

I have gathered broken stars in my lap
some broken stars;
How long can I live like this
on the shores of my dreams
I am already mad
Don't make me more and more mad
Let me have some peace
Don't come near me

Don't plunder me like this

after bringing me to a crossroads

to a cross roads;

Don't push me to take a new road altogether

I stood up finally, after falling many times

Don't make me fall again

O my forgotten memories
Don't torment me like this
Let me have some peace
Don't come near me

తెలుగు స్వేచ్చానువాదం

మరచిపోయిన జ్ఞాపకాల్లారా

నన్నిలా బాధ పెట్టకండి

నన్ను శాంతిగా బ్రతకనివ్వండి

నా దగ్గరకు రాకండి

పగిలిపోయిన నక్షత్రాలను కొన్నింటిని సేకరించి

నా ఒడిలో వాటిని ఉంచుకుని

ఇలా కూర్చుని ఉన్నాను
ఈ స్వప్న తీరాలలో ఎన్నాళ్ళు నేనిలా బ్రతకాలి?

ఇప్పటికే నేను పిచ్చివాడినయ్యాను

నా పిచ్చిని ఇంకా ఎక్కువ చెయ్యకండి

నన్ను శాంతిగా బ్రతకనివ్వండి

నా దగ్గరకు రాకండి

రెండుదారులు నాకు చూపిస్తూ

నన్నిలా దోచుకోకండి

నన్నొక క్రొత్త దారిలో పొమ్మని

ఇప్పుడు ప్రోత్సహించకండి

ఇప్పటిదాకా చాలా సార్లు క్రిందపడి

ఇప్పుడే కొద్దిగా లేచి నిలబడ్డాను

మళ్ళీ నన్ను పడెయ్యకండి

మరచిపోయిన జ్ఞాపకాల్లారా

నన్నిలా బాధ పెట్టకండి

నన్ను శాంతిగా బ్రతకనివ్వండి

నా దగ్గరకు రాకండి