చావలేక బ్రతుకు
బ్రతుకు కోసం తిండి
తిండికోసమేదో ఒక పని
మిగతాదంతా శుద్ధ అబద్దం
ఇంతేరా జీవితం !
ఎందుకొచ్చామో తెలియదు
ఎటు పోతున్నామో అసలే తెలియదు
చివరకు ఏమౌతామో అదీ తెలియదు
అయినా ఈ పరుగు ఆగదు
ఇంతేరా జీవితం !
పెంచుకునే మోహాలు
కొందరితో ద్వేషాలు
బ్రతుకంతా మోసాలు
పోగయ్యే పాపాలు
ఇంతేరా జీవితం !
లేని అహాన్ని పట్టుకుని
వేలాడటం
ఉన్న క్షణాలను జార్చుకుని
గోలాడటం
పిలుపంటూ రాగానే
బిక్కచచ్చి చావడం
ఇంతేరా జీవితం !
ఇంతేరా, ఇంతేరా, ఇంతేరా జీవితం !
