అవసరం ఉంటే అన్నీ పట్టుకుంటారు
అదే లేకుంటే ఐ కాంటాక్ట్ కూడా ఇవ్వరు
ఇదే మనుషుల తీరు
ఓ బుజ్జిపాపా
వీకెండ్ పార్టీలకు వేలు తగలేసేవారు
ఆకలితో పోయేవాడికి అర్ధరూపాయి ఇవ్వరు
ఇదే మనుషుల తీరు
ఓ బుజ్జిపాపా
అధికారమదంతో అంగలార్చేవారు
అమాయకుల ఆసరాకు అస్సలు రారు
ఇదే మనుషుల తీరు
ఓ బుజ్జిపాపా
అవినీతితో లక్షల కోట్లు దాచుకునేవారు
నిజాయితీ సామాన్యుణ్ణి నీచంగా చూస్తారు
ఇదే మనుషుల తీరు
ఓ బుజ్జిపాపా
శాంతీ సహనం ప్రేమా సమానత్వం అనేవాళ్ళు
వాటిని తప్ప అన్నిటినీ ఆచరిస్తారు
ఇదే మనుషుల తీరు
ఓ బుజ్జిపాపా
దేవుడూ దేవుడూ అంటూ నీతులు చెప్పేవాళ్ళు
జీవుడిని జీవచ్ఛవంగా చూస్తారు
ఇదే మనుషుల తీరు
ఓ బుజ్జిపాపా
అవసరార్ధం అద్భుతంగా నటిస్తారు
అవకాశాన్ని మాత్రం ఎవ్వరూ వదలరు
ఇదే మనుషుల తీరు
ఓ బుజ్జిపాపా
వేసుకున్న ముసుగులు తొలగిస్తే
అన్నీ కంపుకొట్టే కంకాళాలే
దాచుకున్న చరిత్రను తవ్విస్తే
అన్నీ మురుగుతున్న గంగాళాలే
ఓ బుజ్జిపాపా
ఎక్స్ రేలు తీయిస్తే
మనుషులందరూ పిశాచాలే
కచ్చడాలు వదిలేస్తే
మనసులనిండా అశౌచాలే
ఓ బుజ్జిపాపా
