Operation Sindoor

నిర్దిష్టమైన ప్లానింగ్ తరువాత ఆపరేషన్ సిందూర్ జరిగింది.

ఆలస్యమైందని కొంతమంది ఆక్రోశించారు. కానీ, ఇటువంటి చర్యలకు ముందు చాలా ప్లానింగ్ అవసరమౌతుంది. దౌత్యపరంగా ముందు పాకిస్తాన్ ను దిగ్బంధం చేయాలి. అందుకే ఈ ఆలస్యం. నిజానికి ఇది ఆలస్యం కాదు, అవసరం.

ఉత్తరభారతంలో, సిందూరమంటే పాపటి కుంకుమ. పెళ్ళైన ఆడవాళ్లు ధరిస్తారు. మొన్న జరిగిన పహల్ గావ్ దాడిలో ఎంతోమంది సిందూరాలు చెరిగిపోయాయి. అందుకే ఈ పేరును పెట్టారులాగుంది. సరైన పేరు !

విదేశీ వ్యవహారాల కార్యదర్శి విక్రమ్ మిశ్రీ, కల్నల్ సోఫియా ఖురేషి, వింగ్ కమాండర్ వ్యోమికా సింగ్ లు ఇచ్చిన ప్రెస్ మీట్ కూడా చాలా బాగుంది. ఇద్దరు మహిళలు రక్షణదళాల ఆఫీసర్స్. విక్రమ్ మిశ్రీ యేమో కాశ్మీర్ పండితుల వంశానికి చెందినవాడు. ఆడవాళ్లకు కాశ్మీర్ గడ్డపైన జరిగిన అన్యాయానికి ప్రతీకారచర్యగా ఈ ముగ్గురితో ప్రెస్ మీట్ పెట్టించడం పాకిస్తాన్ ను చెప్పుతో కొట్టినట్లుగా ఉంది.

అంతేకాదు. షరియా అమలులో ఉన్న పాకిస్తాన్ వంటి ఉగ్రవాద ఇస్లామిక్ దేశాలలో ఆడవాళ్ళ పరిస్థితి ఎంత దారుణంగా ఉందో అందరికీ తెలుసు. బురఖా తీసి కాలేజీకి వెళ్లే ధైర్యం ఎవరికీ లేదు. ఆడపిల్లలకు ప్రాధమిక స్కూల్ కూడా అందుబాటులో ఉండదు. అలాంటిది మనదేశంలో ముస్లిం మహిళలు ఎంతగా ఎదగగలరు అనడానికి కల్నల్ సోఫియా ఖురేషి ఒక ఋజువు. 'ఇండియాలో ముస్లిములకు భద్రత లేదు' అని వాదించే కుహనా వాదులు ఈమెను చూచి బుద్ధితెచ్చుకోవాలి.

మొన్న వాఘా బార్డర్ దగ్గర పాకిస్తాన్ కు పంపించబడుతున్న పాక్ పౌరులైన ఆడవాళ్ళు గోడుగోడున ఏడుస్తున్నారు. ఎందుకు? ఇండియాలో ముస్లిములకు రక్షణ లేదుకదా? మరి మీ దేశమైన పాకిస్తాన్ కు వెళ్ళడానికి అంత ఏడుపెందుకు? ఇవన్నీ దొంగనాటకాలు కావా?

అదలా ఉంటే, పాకిస్తాన్ లో ఎక్కడెక్కడ తీవ్రవాదుల శిబిరాలున్నాయో మన ఇంటెలిజెన్స్  వర్గాలు చాలా సరిగ్గా కనిపెట్టి వాటిని బ్లాస్ట్ చేశాయి. మంచిదే. కానీ మన దేశంలోనే ఉన్న అంతర్గత శత్రువులను కూడా అదేపని చేస్తే బాగుంటుంది. మొన్న కాశ్మీరులో జరిగింది ఏమిటి? యాపిల్ అమ్ముకునేవాడినుంచి, గుర్రాలు నడుపుకుంటూ బ్రతికేవాడివరకూ అందరూ పాకిస్తాన్ కు (OGW) ఓవర్ గ్రౌండ్ వర్కర్సే. అసలైన ప్రమాదం వీళ్ళతో ఉన్నది.

మనదేశంలో పాకిస్తానీయులు బంగ్లాదేశీయులు లక్షల్లో కాదు. కోట్లల్లో ఉన్నారని ఒక అంచనా. ముందు వీళ్ళను ఏరిపారేసే పనిని ప్రభుత్వం చేపట్టాలి. వీరెవరికీ దేశభక్తి ఉండదు. ఏ దేశం తిండి తింటున్నారో ఆ దేశానికే వెన్నుపోటు పొడిచే ఇలాంటి విశ్వాసం లేనివాళ్లను ముందుగా గుర్తించి వారి పని పట్టాలి. అప్పుడే ముందుముందు దేశానికి, దేశప్రజలకు రక్షణ ఉంటుంది.

ఆపరేషన్ సిందూర్ తో వ్యవహారం అయిపోదు. ఇప్పుడే మొదలైంది. టర్కీ, చైనాల సహాయంతో పాకిస్తాన్ తప్పకుండా తిరుగుదాడి చేస్తుంది. ఈ యుద్ధంలో మన దేశం గెలవాలని ప్రార్ధిద్దాం.

మోదీగారి ప్రభుత్వాన్ని నూటికి సూరు శాతం బలపరుద్దాం. అప్పుడే ఈ దేశానికి భవిష్యత్తు ఉంటుంది.

మా 71 వ పుస్తకం 'గీతా కంద మరందము' విడుదల

నేడు వైశాఖ శుక్లపంచమి.  ఆదిశంకరులవారి పవిత్ర జన్మదినం.43 ఏళ్ల క్రితం, మా గురువర్యులైన స్వామి నందానందగారి సమక్షంలో సరిగ్గా  ఈనాడే నాకు ఉపనయనం జరిగింది. ఆ విధంగా, పంచవటి శిష్యులకు ఈ రోజు రెండువిధాలుగా ముఖ్యమైన రోజు అవుతున్నది.

'శంకరశ్శంకరస్సాక్షాత్' (శంకరులు సాక్షాత్తు ఈశ్వరుడే) అనిపించుకున్న మహనీయుడు పుట్టిన పవిత్రమైన రోజు ఇది. వేదములలో దాగి ఉన్న అద్వైతమునకు ఒక నిర్దిష్టమైన రూపాన్నిచ్చి, లోకానికి బోధించిన ఘనుడాయన. అమానుషములైన ఎన్నో పనులను కేవలం 32 ఏళ్ల చిన్న జీవితంలో సాధించిన మహనీయుడాయన.

తన పొట్ట, తన సుఖం మాత్రమే చూచుకునే అల్పులు, కోట్లాదిమంది పురుగులలాగా ఈ లోకంలో పుట్టి పోతుంటారు. కానీ ఇటువంటి దివ్యాత్ములు ఎప్పుడో ఒకసారి మాత్రమే పుడతారు. భారతజాతికి, సనాతనధర్మానికి ఒక దిశను కల్పించిన మహనీయుడాయన. వేలాది ఏళ్లకు ఒకసారి మాత్రమే అటువంటి మహనీయుల జననం జరుగుతుంది. వారి చరిత్రను నేను వ్రాసిన 'మహనీయుల జాతకాలు - జీవిత విశేషాలు' అనే గ్రంధంలో వివరంగా చర్చించాను.

ఇటువంటి పవిత్రమైన ఈ రోజున, మా 'పంచవటి' నుండి వెలువడుతున్న 71 వ పుస్తకంగా 'గీతా కంద మరందము' అనే గ్రంధాన్ని విడుదల చేస్తున్నాము.

ఇప్పటివరకూ మా సంస్థనుండి వచ్చిన పుస్తకాలకూ దీనికీ భేదం ఉన్నది. ఇప్పటివరకూ వచ్చిన 70 పుస్తకాలు నేను వ్రాసినవి. వాటిలో కొన్నింటిని నా శిష్యులు ఇంగ్లీషు, హిందీ భాషలలోకి అనువాదాలు చేశారు. ఈ పుస్తకం మాత్రం నా శిష్యురాలైన శ్రీమతి సింహాద్రి జ్యోతిర్మయి వ్రాసినది. మార్చి నెలలో మా ఆశ్రమంలో జరిగిన ఆధ్యాత్మికసమ్మేళనం సందర్భంగా ఈ పుస్తకాన్ని ఆవిష్కరించడం జరిగింది. ఇది నేడు E-Book గా విడుదల అవుతున్నది. త్వరలో ప్రింట్ పుస్తకంగా వస్తుంది.

ఉత్తమగ్రంధాలను నేను వ్రాయడం కాదు, నా శిష్యులు కూడా వ్రాస్తే నాకు ఎంతో సంతోషం కలుగుతుంది. ఈ పనికి శ్రీకారం చుట్టింది శ్రీమతి సింహాద్రి జ్యోతిర్మయి. అయితే, నా శిష్యురాలైన తర్వాత ఈమె కవయిత్రి కాలేదు. ముందునుంచీ ఈమెలో రచనాశక్తి, కవిత్వశక్తి ఉన్నాయి. వీరి తాతముత్తాతలు, మేనమామలు అందరూ మంచి కవులే. వెంకటేశ్వరస్వామివారిపైన పద్యములను, శతకములను ఈమె రచించింది. నవ్యాంధ్ర రచయిత్రుల సంఘానికి (న.ర.సం) ఉపాధ్యక్షురాలు. ప్రస్తుతం ఈ గ్రంధమును రచనచేసి, నాకు అంకితమిచ్చింది. ఇది ఈమె యొక్క నిష్కల్మషమైన మనస్సుకు, గురుభక్తికి నిదర్శనం.

ఘంటసాల వెంకటేశ్వరరావుగారు మధురంగా ఆలపించిన 108 గీతా శ్లోకములకు మరికొన్ని శ్లోకములను చేర్చి మొత్తము 150 కంద పద్యములలో రచయిత్రి ఈ పుస్తకమును వ్రాశారు. అందుకే 'కంద మరందము' అని పేరు పెట్టారు. మకరందము అనినా, మరందము అనినా, అర్ధం ఒకటే.

అచ్చతెనుగు కందపద్యముల నడకలో ఉన్న అందము, గీతాశ్లోకములలో ఉన్న భావగాంభీర్యతలు కలసి పాయసంలో తేనె కలిపినట్లుగా వీరి రచన వచ్చింది. తెలుగుపద్యముల అభిమానులకు, ఆధ్యాత్మిక జిజ్ఞాసువులకు ఈ గ్రంధము అమృతతుల్యముగా ఉంటుందనడం అతిశయోక్తి కాబోదు.

వీరి ఇలవేల్పు అయిన వేంకటేశ్వరస్వామివారి కటాక్షం ఈమెపైన స్థిరంగా ఉండాలని ఆశీర్వదిస్తున్నాను.

ఈ సందర్భంగా ఒక విషయం చెప్పాలి.

భగవద్గీతకు సమగ్రమైన వ్యాఖ్యానమును వ్రాయడం నా ముందున్న లక్ష్యాలలో ఒకటి. దీనికి రెండు కారణాలున్నాయి.

ఒకటి - మహనీయులైనవారందరూ భగవద్గీతకు వ్యాఖ్యానం వ్రాశారు. అప్పుడుగాని వారి రచనావ్యాసంగానికి పరిపూర్ణత రాలేదు. గీతకు సమగ్రమైన వ్యాఖ్యానాన్ని మొట్టమొదటగా వ్రాసినది ఆదిశంకరులు. ఈ పనిని చేయడం ద్వారా, మహాభారతంలో దాగి ఉన్న ఈ అద్భుతమైన అమృతభాండాన్ని బయటకు తీసి, ఆ అమృతాన్ని లోకానికి పంచిపెట్టాడాయన. ఈ పనిని ఆయన 2500 ఏళ్ల క్రితం చేశారు. 

అయితే,  ఈనాటికీ మన హిందువులలో గీతను పూర్తిగా చదవనివారు కోట్లల్లో ఉన్నారు. ప్రపంచం నేడు గీతకు ఎంతో ఉన్నతమైన స్థానాన్నిస్తున్నది. విదేశీ విశ్వవిద్యాలయాలలో భగవద్గీతను బోధిస్తున్నారు. అన్ని మతగ్రంధాల కంటే దీనిలో అత్యంత ఉత్తమమైన భావాలున్నాయని ప్రపంచ మేధావులే ఒప్పుకుంటున్నారు. అయితే మనకు మాత్రం గీతలో ఏముందో తెలియదు. కనీసం ఒకటి రెండు శ్లోకాలు కూడా మనకు రావు. వచ్చినా అర్ధాలు తెలియవు. తెలిసినా ఆచరణలోకి రావు. ఇది మన హిందువులకు పట్టిన అనేక దరిద్రాలలో ఒకటి. దీనిని పోగొట్టాలంటే, గీతకు సమగ్రమైన నిస్పాక్షికమైన వ్యాఖ్యానాన్ని వ్రాయాలి. దానిని విస్తృతంగా ప్రజలలోకి తీసుకువెళ్లాలి.

రెండు - వేదముల సారం ఉపనిషత్తులు. ఉపనిషత్తుల సారం భగవద్గీత. కనుక, గీతకు సరియైన వ్యాఖ్యానాన్ని చేయగల్గితే అది వేదోపనిషత్తులను వ్యాఖ్యానించినట్లే అవుతుంది. ఇంతకంటే మానవజన్మకు సార్ధకత ఇంకేముంటుంది?

ఈ రెండు కారణాల వల్ల ఈ ఉత్తమలక్ష్యాన్ని నా ముందు ఉంచుకున్నాను.

ఇప్పటివరకూ వచ్చిన వ్యాఖ్యానకర్తలందరూ, వారివారి సాంప్రదాయాలకు అనుగుణంగా ఆయా కోణాలలో మాత్రమే గీతను వ్యాఖ్యానించారు గాని, నిష్పక్షపాతంగా, ఉన్నదున్నట్లుగా గీతార్ధములను వ్రాయలేదు. కొద్దోగొప్పో చలంగారు ఆ పనిని చేశారు. కానీ ఆయనకు శాస్త్రపాండిత్యం లేదు. వేదాంత-యోగపరమైన సాధనలలో లోతుపాతులూ ఆయనకు తెలియవు.

బహుశా నా సంకల్పం 2026 లో సాకారం కావచ్చు. ఈలోపల నా శిష్యురాలు ఈ పనికి శ్రీకారం చుట్టింది. ఒక చిన్నపాటి గీతను పూర్తి చేసింది. త్వరలో రాబోతున్న నా గీతావ్యాఖ్యానానికి పల్లవి (prologue) లాంటిదిగా  ఈ పుస్తకమును అనుకోవచ్చు.

కలకండను బస్తాడు తిననక్కరలేదు. ఒక చిన్నముక్కను తినినా తీపిగానే ఉంటుంది. అదేవిధంగా, అర్ధం చేసుకొని ఆచరించగలిగితే, మన జన్మలు ధన్యం కావడానికి భగవద్గీతలోని కొన్ని శ్లోకాలైనా చాలు. సంక్షిప్తగీత కూడా విక్షేపాలను అంతం చేసే నిక్షేపంలాంటి దైవమార్గంలోనే నడిపిస్తుంది, సరిగా అర్ధం చేసుకోగలిగితే.

యధావిధిగా, ఈ పుస్తకం కవర్ పేజీని అద్భుతంగా తయారుచేసిన ప్రవీణ్ కు, టైప్ సెట్టింగ్ మరియు ప్రూఫ్ రీడింగ్ పనులను చూచుకున్న అఖిలకు, పబ్లిషింగ్ ని చూచుకున్న శ్రీనివాస్ చావలికి ఆశీస్సులు. వీరంతా మా పంచవటి పబ్లికేషన్ టీమ్ రధసారధులు.

కవితారసికులు, గీతాశాస్త్రాధ్యయన తత్పరులు అయిన తెలుగుపాఠకులు ఈ గ్రంధమును ఇతోధికంగా ఆదరిస్తారని ఆశిస్తున్నాను.

 ఈ పుస్తకం ఇక్కడ లభిస్తుంది.

నీడల వెంట పరుగులు

చిన్నచిన్న విషయాలకు ఆత్మహత్యలు చేసుకున్నవారిని గతంలో ఎంతోమందిని మనం చూశాము. కానీ, సోషల్ మీడియాలో తన ఫాలోయర్స్ తగ్గిపోతున్నారని ఆత్మహత్య చేసుకున్నవారికి ఇప్పుడు చూస్తున్నాం. మిషా అగర్వాల్ కేసు వాటిలో ఒకటి. 

వారం క్రితం ఏప్రియల్ 24 న ఈమె చనిపోయింది. అప్పటికి ఆమెకు 24 ఏళ్ళు. రెండురోజులలో 25 ఏళ్ళు వస్తాయి. కాస్మెటిక్స్ రంగంలో ఎదగడం ఈమె కల. లా గ్రాడ్యుయేట్ అయిన ఈమె జ్యుడిషియల్ పరీక్షలకు తయారౌతున్నది.

పదిలక్షలమంది ఫాలోయర్స్ తన ఇంస్టాగ్రామ్ లో ఉండాలని ఈమె తీవ్రంగా కలలు కనేది. అంతమంది రాకపోగా, ఉన్నవారు కూడా క్రమేణా తగ్గిపోతూ ఉండటంతో, డిప్రెషన్ లో పడిపోయి, ఆత్మహత్య చేసుకుని చనిపోయింది.

'మనుషులను సోషల్  మీడియా పిచ్చి ఎంత దూరం తీసుకుపోతుంది?' అనడానికి ఈ అమ్మాయి ఒక నిదర్శనంగా మిగిలిపోయింది.

కామెంట్లు, లైకులు చూసుకోవడం. వ్యూయర్లు, ఫాలోయర్లు వ్రాసే 'ఆహా ఓహోలు' నిజాలనుకుని ఉబ్బిపోవడం. గ్రూపులు, గొడవలు, ఇవన్నీ బ్లాగులు వ్రాసే కొత్తలోనే, అంటే 2010 ప్రాంతాలలోనే నేను గమనించాను. ఇదొక వ్యసనమని, ఒక రొచ్చు ప్రపంచమని నాకప్పుడే అర్ధమైంది. అందుకే, వ్యూయర్స్ టాబ్ ను, ఫాలోయర్స్ టాబ్ ను, కామెంట్స్ సెక్షన్ ను నా బ్లాగ్ నుండి అప్పుడే తీసేశాను. ప్రతివారితోనూ మాట్లాడటం, వాళ్ళ కామెంట్లకు జవాబులివ్వడం, ముచ్చట్లు పెంచుకోవడం అన్నీ అప్పుడే మానేశాను.

సోషల్ మీడియా ఫాలోయర్స్ నిజంగా మనల్ని ఫాలో అవుతారని అనుకోవడం పెద్ద భ్రమ. ఆ భ్రమమైకంలో బ్రతకడం ఒక మానసికరోగం. అటూ ఇటూ అయితే ఈ రోగం తీవ్రమైన డిప్రెషన్ కు దారితీస్తుంది. ఈ అమ్మాయి కేసులో అదే జరిగింది.

సోషల్ మీడియాలో పోస్ట్ చేసేవాళ్ళు వాళ్లకు తోచక చేస్తుంటారు. చదివేవాళ్ళు కూడా ఏమీ తోచకనే చదువుతుంటారు. ఇది ఉత్త కాలక్షేపం మాత్రమే. దీని విలువ అంతవరకే. కొంతమంది తమ మానవసంబంధాలను మెరుగుపరుచుకోవడానికి దీనిని ఉపయోగిస్తే, మరికొంతమంది మోసాలు చెయ్యడానికి వాడుకుంటారు. వాస్తవప్రపంచంలో లాగే దీనిలో కూడా అన్ని రకాల మనుషులూ ఉంటారు. వాస్తవప్రపంచంలో కృంగుబాటుకు ఎంత ఆస్కారం ఉందో, ఇక్కడ కూడా అంతకంటే ఎక్కువగా ఉంది. ప్రాక్టికల్ గా లేకపోతే రెండిట్లోనూ దెబ్బ తినక తప్పదు.

బిజినెస్ ప్రొమోషన్ కు సోషల్ మీడియాను వాడుకోవచ్చు. తప్పులేదు. కానీ చేసేపనిలో నిజాయితీ ఉండాలి. దురాశ పనికిరాదు. సోషల్ మీడియా మీద లక్షలు కోట్లు సంపాదిద్దామని భావించి, దురాశకు పోతే, చివరకు డిప్రెషన్ మిగులుతుంది. లేదా అంతు తెలియని ఈ పరుగుపందెంలో పడి హార్ట్ ఎటాక్ లు తెచ్చుకుంటారు. లేదా క్రైమ్ లో ఇరుక్కుంటారు.

కలల్లో బ్రతకడం, ఐడెంటిటీ క్రైసిస్, ఇతరుల కంటే తానేదో గొప్ప అన్న భ్రమలో ఉండటం, ఫాలోయర్స్ కౌంటు చూసుకుంటూ మురిసిపోతూ కలల్లో తేలిపోవడం - ఇవన్నీ మానసిక రోగలక్షణాలు. మిషా అగర్వాల్ వంటి అభాగ్యులు వీటికి బలౌతూ ఉంటారు.

ఈ అమ్మాయి 26-4-2000 న పుట్టింది. ఆనాటి జాతకంలో డిప్రెషన్ లక్షణాలు, జీవితంలో ఫెయిల్ అయ్యే పోకడలు, ఆత్మహత్య చేసుకునే యోగాలు స్పష్టంగా ఉన్నాయి. ఇంతకు ముందైతే వాటన్నిటినీ వివరించి పెద్ద పోస్ట్ వ్రాసి ఉండేవాడిని. చాలామంది సూయిసైడ్ చేసుకున్న సెలబ్రిటీస్ జాతకాలు అలా వ్రాశాను కూడా. ఇప్పుడు రూటు మార్చాను. దగ్గరివారికి కొందరికి మాత్రమే ఆ జ్యోతిష్యకోణాలను వివరిస్తున్నాను.

సోషల్ మీడియా యొక్క కృత్రిమప్రపంచంలో నీడల వెంట పరిగెత్తడం చివరకు ఎక్కడకు తీసుకుపోతుందో ఈ అమ్మాయి కేసులో రుజువైంది. ఇప్పుడే ఇలా ఉంటే, రేపు AI విప్లవం వస్తే పరిస్థితి ఇంకెలా ఉంటుందో? ప్రపంచజనాభాలో సగంమంది పిచ్చోళ్ళు అయ్యే అవకాశం మాత్రం గట్టిగా కనిపిస్తున్నది.

సోషల్ మీడియా అనేది జీవితంలో ఒక చిన్నభాగంగా ఉండాలి. అంతేగాని అదే ప్రపంచమై పోయి, చివరకు వాస్తవప్రపంచాన్ని మర్చిపోయే స్థితికి మనల్ని తీసుకుపోకూడదు.

అదే జరిగితే, చివరకు ఇలాగే అవుతుంది.

అక్షయతృతీయనాడు ఏం చెయ్యాలి?

పదవి, అహంకారం, గర్వం, లెక్కలేనితనం, దౌర్జన్యం  - ఒకవైపు

సాత్వికజీవనం, తపస్సు, మర్యాద, మంచితనం, నిదానం - మరొకవైపు

రెంటికీ జరిగిన ఘర్షణలో మొదటివర్గమే గెలిచింది.

అడవిలో తపోమయజీవనం గడుపుతూ, ధ్యాననిష్ఠలో ఉన్న జమదగ్నిమహర్షి హత్యకు గురయ్యాడు.

ఆయన కుమారుడైన పరశురాముడు క్రుద్ధుడయ్యాడు.

భారతఉపఖండమంతా 21 సార్లు వెదకి, దుర్మదాంధులైన పాలకులను వారి సైన్యాలను ఒక్కడే ఎదుర్కొని, వారిని అంతం చేశాడు పరశురాముడు.

దౌర్జన్యాన్ని ఒంటిచేతితో ఎదుర్కొని నిలిచి, తపశ్శక్తి ఒక్కటే ఆయుధంగా న్యాయంకోసం ఒక్కడే పోరాడిన మహావీరుడు పరశురాముడు. 

మానవచరిత్రలో అంతటి మహావీరుడు మరొకడు లేడు. 

అంతటి అమానుషశక్తి సంపన్నుడు కనుకనే, సాక్షాత్తు నారాయణుని అవతారాలలో ఆరవ అవతారంగా పూజించబడుతున్నాడు.

నిజంగానా?

దశావతారాల బొమ్మలలో తప్ప ఎక్కడా ఆయన ఆరాధన కనిపించడం లేదే?

ఒక్క కేరళలో, తుళునాడులో, ఉత్తరభారతం కొన్ని ప్రాంతాలలో కొంతమంది బ్రాహ్మణులు తప్ప ఎవరు పరశురామావతారాన్ని పూజిస్తున్నారు?

ఎవరూ లేరు.

మళ్ళీ కదిలిస్తే చాలు 'సనాతనధర్మం' గురించి అందరూ ఉపన్యాసాలిస్తారు. 

ఎక్కడుంది సనాతనధర్మం?

ఎవరిని పూజించాలి? ఎవరిని పూజిస్తున్నాం?

మన మహాపురుషులెవరు? మనం గుళ్లుకట్టి పూజిస్తున్నదెవరిని?

మనకసలు ఆత్మాభిమానం ఉందా?

ఆత్మపరిశీలన చేసుకోండి. అర్ధమౌతుంది.

ఈ రోజు పరశురామజయంతి.

నిస్సహాయస్థితిలో ఉన్నాసరే, న్యాయంకోసం, ధర్మంకోసం, రాజులనే ఎదుర్కొని పోరాడిన మహాఋషి పుట్టినరోజు ఇది.

మనజాతికి ఆత్మాభిమానాన్ని నేర్పిన అవతారపురుషుడు పుట్టిన రోజు ఇది.

కనీసం ఈరోజైనా ఆయనను ఆరాధించాలి.

కానీ, అందరూ ఏం చేస్తున్నారు? బంగారం షాపులకు ఎగబడి, కొద్దో గొప్పో బంగారం కొనుక్కుని, సనాతనధర్మాన్ని ఏదో ఉద్ధరించామని మురిసిపోతూ, సాయంత్రం సాయిబాబా గుడికెళ్తున్నారు.

చాలాబాగుంది కదూ ! ఇదే మరి సనాతనధర్మమంటే !

పరశురాముడిని మర్చిపోయాం గనుకనే పహల్ గావ్ జరిగింది.

ఆత్మాభిమానం నశించింది గనుకనే, అందరూ మనల్ని తొక్కుతున్నారు.

కనీసం ఈరోజైనా పరశురాముని ఆరాధించండి. ఆయన చరిత్రను చదవండి. ఆయనను ధ్యానించండి. ఆయన పౌరుషాన్ని కొద్దిగానైనా మనకు ప్రసాదించమని వేడుకోండి.

అప్పుడే భారతజాతికి మనుగడ ఉంటుంది.

లేదంటే, ఈరోజు మనం హాయిగా షాపింగులు చేసుకుంటూ, బంగారాలు కొనుక్కుంటూ, సాయంత్రం సినిమాలకెళ్తూ బ్రతకవచ్చు. రేపు మన పిల్లలు, వారి పిల్లలు ఈ దేశంలో ఉండలేక పారిపోవాల్సిన పరిస్థితి ఉంటుంది. మన ఆడపిల్లలు నేడే లవ్ జిహాద్ లకు గురౌతున్నారు. రేపు ఇంకేం జరుగుతుందో కాస్త ఊహించుకోండి.

నకిలీ సనాతనధర్మాన్ని కాదు, అసలైన సనాతనధర్మాన్ని అనుసరించండి.

అప్పుడే మనకు భవిష్యత్తు.

తమ మూలాలను, తమ మహనీయులను మర్చిపోయేవారిని, ఆత్మాభిమానం లేనివారిని ఎవరూ బాగుచెయ్యలేరు.

సనాతనధర్మం

మొన్న కొంతమంది మా ఆశ్రమాన్ని చూడటానికి వచ్చారు.

కాసేపు కూర్చుని సేదతీరాక, వారిలో ఒకాయన, 'నేను సాయిబాబా ఆలయాల కమిటీకి ప్రెసిడెంట్ ను' అని పరిచయం చేసుకున్నాడు.

జాలిగా ఆయనవైపు చూశాను.

'ముప్పై ఏళ్ళనుంచీ ఇదే మార్గంలో ఉన్నాను' అన్నాడాయన.

ఏడుపొచ్చింది.

'పంచవటి' అని బోర్డుమీద ఉంది. పంచవటి అంటే నాసిక్ దగ్గర కదా?' అన్నాడాయన.

'అవును. వనవాసం సమయంలో సీతారామలక్ష్మణులు ఉన్న ప్రదేశం పేరే పంచవటి. అంతేకాదు, రామకృష్ణులు సాధన చేసిన ప్రదేశం పేరు కూడా అదే' అన్నాను.

'యోగాశ్రమం అని ఉంది. మీరు యోగా నేర్పిస్తారా?' అడిగాడాయన.

'మీరనుకునే యోగా, మాకు తెలిసిన యోగశాస్త్రంలో ఎల్కేజీ మాత్రమే' అన్నాను.

ఆయనకు అయోమయంగా ఉంది.

'మీరు ఇస్కాన్ భక్తులా?' అడిగాడాయన.

'మేము కృష్ణభక్తులమే. కానీ ఇస్కాన్ భక్తులం కాదు. వాళ్ళ పిడివాదం మాకు నచ్చదు' అన్నాను. 

'ఎవరైనా వాళ్ళ ఊరిలో సద్గురువు ఆలయాన్ని కట్టుకుంటామంటే, సాయిబాబా గుడి ఎలా కట్టాలో అదంతా నేను సలహాలిస్తుంటాను' అన్నాడాయన.

'హిందూమతంలో ఉండటం ఎందుకు? ఇస్లాం స్వీకరించండి' అందామనుకున్నా.

'సనాతనధర్మాన్ని కాపాడటానికి మన వంతు ప్రయత్నం మనం చేయాలి కదా?' అన్నాడాయన.

'సనాతనధర్మానికి సాయిబాబాకూ ఏంటి సంబంధం?' అడిగాను.

ఆయన మాటలు ఆగిపోయాయి.

'సద్గురువుకు ఆలయం కట్టాలంటే ఆదిశంకరుల ఆలయాన్నో, రామానుజుల ఆలయాన్నో, మధ్వాచార్యుల ఆలయాన్నో, లేక ఈ మూడుభావనలనూ సమన్వయం చేసిన రామకృష్ణుల ఆలయాన్నో కట్టాలి. అసలు సాయిబాబా సద్గురువు ఎలా అవుతాడు?' అడిగాను.

సాయిబాబా పేరు చెబుతూనే నేనుకూడా అందరిలాగా డంగై పోయి, కాళ్ళు పట్టుకుంటానని అనుకున్నట్టున్నారు. నేనలా లేకపోయేసరికి వాళ్లకేం అనాలో తోచలేదు.

'సద్గురువైనవాడు శ్రోత్రియుడు బ్రహ్మనిష్ఠుడు అయి ఉండాలని వేదం చెబుతోంది. సాయిబాబా ఈ రెండూ కాదు. మరి ఆయన సద్గురువేంటి?' అడిగాను.

'మీరెవరిని పూజిస్తారు?' ప్రశ్నలు మొదలయ్యాయి.

'ధ్యానమందిరానికి వెళ్లి చూడండి. తెలుస్తుంది' అన్నాను.

'అక్కడ రామకృష్ణుల ఫోటో ఉంది' అన్నాడు.

అవును. ఆయనను మేము ఆరాధిస్తాము.  అయితే, ఇంకా చాలామంది ఫొటోలు  ధ్యానమందిరంలో ఉన్నాయి. వివేకానందస్వామి, రమణమహర్షి, జిల్లెళ్ళమూడి అమ్మగారు, మెహర్ బాబా, అరవిందులు, కంచి పరమాచార్య, మా గురువులు ఇలా చాలా ఉన్నాయి. అన్నింటినీ మించి, కలకత్తా కాళీమాత ఫోటో ఉంది. కనిపించలేదా?' అడిగాను.  

'మీది రామకృష్ణా మిషనా?' మళ్ళీ ప్రశ్న.

'మాది ఏ మిషనూ కాదు. మాదగ్గర వాషింగ్ మిషను తప్ప ఇంకేమీ లేదు. అక్కడున్న ఫోటోలలో ఉన్నవారి సంస్థలతో దేనితోనూ మాకు సంబంధం లేదు. కేవలం వారి ఉదారభావాలు మాత్రం మాకు నచ్చుతాయి. వాటిలో కూడా అన్నీ నచ్చవు. ప్రాచీన ఋషిప్రోక్తమైన వేదాంత-యోగభావాలతో కలిసినంతవరకూ ఎవరిభావాలైనా మాకు నచ్చుతాయి. కలవకపోతే నచ్చవు. వాటిని బోధించిన అసలైన మహనీయులను అందరినీ మేము ఆరాధిస్తాము' అన్నాను, 'అసలైన' అనే పదాన్ని వత్తి పలుకుతూ.

'సేవా కార్యక్రమాలు ఏమీ చెయ్యరా?' అడిగాడాయన.

'సమాజసేవ పైన మాకు నమ్మకం లేదు. దానిపేరుతో చేయబడే వ్యాపారం కంటే, ఆత్మసేవే ముఖ్యమని నా ఉద్దేశ్యం. అందుకే ఏ విధమైన సేవనూ మేము పెట్టుకోలేదు. నా ఉద్దేశంలో సేవ అనేది అసలిప్పుడెవరికీ అవసరం లేదు' అన్నాను.

వారు చేస్తున్న 'సేవ' గురించి చెప్పడం ఆయన మొదలుపెట్టాడు.

'ఏడాదికొకసారి ఊరంతా తిరిగి లారీడు బియ్యం పోగుచేసి అందరికీ అన్నదానం చేస్తుంటాము' అన్నాడాయన.

'అందరూ డబ్బులేసుకుని అందరూ కూచుని తింటే అది పార్టీ అవుతుందిగాని అన్నదానం ఎలా అవుతుంది? అసలు దానమంటే ఏమిటి? అది ఎవరికి అవసరం?' అన్నాను.

ఆయనకు కోపం వచ్చింది. అయినా తమాయించుకుని, 'పిల్లలకు భగవద్గీత పోటీలు పెడుతుంటాము' అన్నాడు.

'పోటీలు పెట్టడానికి అదొక గేమ్ కాదు. పోటీలతో భగవద్గీత ఎన్నటికీ అర్ధం కాదు. ముందు పెద్దలు దానిని సరిగ్గా అర్ధం చేసుకుంటే తరువాత పిల్లలకు నేర్పవచ్చు' అన్నాను.

'శాస్త్రీయసంగీతం నేర్పిస్తుంటాము. గాయకులను పిలిచి కచేరీలు చేయిస్తాము' అన్నాడాయన.

'అవి లలితకళలు. అది మన సంస్కృతి. వాటిని నిలబెట్టడం మంచిదే. కానీ మీరనుకుంటున్న సనాతనధర్మం అదికాదు' అన్నాను.

ఆయన మాటమార్చి, ' మీకు వాచ్ మెన్ లేడా?' అడిగాడు.

'ఉన్నాడు. మీకు కనిపించడు' అన్నాను.

'ఇంత ఎడారిలో ఎలా ఉంటున్నారు?' అన్నాడాయన.

'దేవుడే దిక్కు' అన్నాను.

నా మాటలు వాళ్లకు రుచించలేదు.

'సరే. ఏదో ఆశ్రమం అని ఉంటే చూచి పోదామని వచ్చాము. వెళ్లొస్తాం' అన్నాడాయన.

'సనాతనధర్మం ఏమిటో తెలుసుకోవాలంటే పదినిముషాలు సరిపోదు. తీరిగ్గా రండి. కూచుని మాట్లాడుకుందాం'. అన్నాను.

వాళ్ళు వెళ్లిపోయారు.

చాలా జాలేసింది.

ముప్పై ఏళ్ళనుంచీ గుడ్డిగా నడుస్తున్నంత మాత్రాన అది సరియైనదారి అవాలని ఎక్కడుంది?

ఆ మాటకొస్తే, సరైనదారిని తెలుసుకోవాలని మాత్రం ఎవరికుంది?

ఎవరికి తోచిన పనిని వారు చేస్తూ, 'ఇదే సనాతనధర్మం' అనుకుంటున్నారు. 

ఇదే మరి కలిమాయ అంటే !

ఈ మాయప్రపంచాన్ని, ఈ మనుషులను, సంస్కరించడం ఎవరివల్లా కాదని నాకు మరోసారి అర్ధమైంది.

మా 70 వ పుస్తకం 'శివయోగ దీపిక' విడుదల

నా కలం నుండి వెలువడుతున్న 70 వ పుస్తకంగా, శ్రీ సదాశివబ్రహ్మేంద్రసరస్వతీస్వామివారు రచించిన 'శివయోగదీపిక' అనబడే సంస్కృతగ్రంధమునకు తెలుగు వ్యాఖ్యానము నేడు వెలువడుతున్నది. దీని మాతృక 300-400 ఏళ్ల క్రిందటిది.

16-17  శతాబ్దముల మధ్యలో తమిళనాడులో జీవించిన శ్రీ సదాశివేంద్రసరస్వతీస్వామికే సదాశివయోగీంద్రుడనిన నామాంతరమున్నది. మహాయోగి మరియు బ్రహ్మజ్ఞానియైన ఈయన, శ్రీ పరమశివేంద్ర సరస్వతీస్వామి శిష్యుడు. ఈయన కంచి కామకోటి పీఠమునకు  58 వ ఆచార్యునిగా ఉన్నారు.

సదాశివయోగీంద్రులు వెలనాటి నియోగి బ్రాహ్మణకుటుంబంలో శ్రీవత్సస గోత్రంలో జన్మించారు. నేను కూడా అదే కావడం నా అదృష్టం. కనుక స్వామివారు మా పూర్వీకులేనని చెప్పడానికి ఎంతో గర్విస్తున్నాను. వెలనాడు అంటే కృష్ణా పెన్నా నదుల మధ్యప్రాంతం. ముఖ్యంగా గుంటూరు, రేపల్లె, నెల్లూరు ప్రాంతాలను ఆ కాలంలో వెలనాడు అనేవారు.

ముస్లిముల రాక్షసదండయాత్రలనుండి, వారు పెట్టిన హింసలు, అరాచకాలనుండి తప్పించుకోవడానికి, తమ ఆడవారిని తమ కుటుంబాలను కాపాడుకోవడానికి, ఆ కాలంలో అనేక తెలుగుకుటుంబాలు వారివారి ఆస్తిపాస్తులను వదలిపెట్టి, కట్టుబట్టలతో తమిళనాడులోని కుంభకోణం కోయంబత్తూరు మొదలైన ప్రాంతాలకు పారిపోయి అక్కడ క్రొత్తజీవితాన్ని మొదలుపెట్టాయి. అటువంటి కుటుంబాలలో వీరిది కూడా ఒకటి.

వీరి పూర్వనామధేయం శివరామకృష్ణశర్మ. పరమశివేంద్రులవారి వద్ద ఉపదేశమును పొంది, అనేక ఏళ్లపాటు కావేరీతీరంలో తపస్సు చేసిన తరువాత ఈయన బ్రహ్మజ్ఞానసిద్ధిని పొందారు. శాస్త్రాలలో ఎంతో ఉన్నతంగా కొనియాడబడిన అవధూతస్థితిని అందుకున్న అతికొద్దిమంది నవీనులలో ఈయనొకరు. వీరి సజీవసమాధి తమిళనాడులోని కరూర్ జిల్లాలో గల నేరూరు గ్రామంలో ఉన్నది.

సదాశివయోగీన్డ్రుల గురించిన అనేక మహిమలు మరియు గాధలు దక్షిణాదిలో ప్రచారంలో ఉన్నాయి. వాటిలో కొన్నింటిని పరమహంస యోగానందగారు తన పుస్తకం Autobiography of a yogi లో పొందుపరచారు. అనేక భక్తికీర్తనలను, వేదాంతగ్రంథములను సదాశివ బ్రహ్మేంద్రస్వామి రచించారు. వాటిలో బ్రహ్మసూత్రములకు, యోగసూత్రములకు వ్రాసిన వ్యాఖ్యానములు పేరెన్నిక గన్నవి.

పిబరే రామరసం, భజరే గోపాలం మానస, గాయతి వనమాలీ మధురం, ఖేలతి మమ హృదయే రామ, మానస సంచరరే బ్రహ్మణి, స్థిరతా నహినహి రే, మొదలైన కీర్తనలు ఈనాటికీ కీర్తనాప్రియులైన భక్తుల నోళ్ళలో నానుతూ ఉంటాయి. బాలమురళీకృష్ణ,  పురుషోత్తమానందస్వామి వంటి మధురగాయకులు వీటిని ఎంతో శ్రావ్యంగా గానం చేశారు.

వీరి గ్రంధములలో ఒకటి - మంత్ర, లయ, హఠ, రాజ, భక్తి, జ్ఞానయోగముల మేలుకలయిక అయిన ఈ గ్రంథము. ఎన్నో యోగసాధనల సంకలనా సమాహారంగా ఈ గ్రంథం గోచరిస్తుంది. పంచవటి నుండి వెలువడుతున్న 70 వ గ్రంథముగా దీనిని పాఠకులకు అందిస్తున్నాము.

ఇటువంటి మహనీయుడు వ్రాసిన ఈ అద్భుతగ్రంధమును నా వ్యాఖ్యానంతో ఆయనయొక్క మాతృభాష అయిన తెలుగులోకి తేగలగడం నా అదృష్టంగా భావిస్తున్నాను.

ఈ పుస్తకమును వ్రాయడంలో నాకు అనుక్షణం చేదోడువాదోడుగా ఉన్న నా శ్రీమతి సరళాదేవికి, శిష్యులు అఖిల. లలిత, శ్రీనివాస్ చావలి, ప్రవీణ్ లకు ఆశీస్సులు తెలియజేస్తున్నాను.

ప్రస్తుతం ఈ పుస్తకం E-Book గా అందుబాటులోకి వస్తున్నది. యధావిధిగా ఇక్కడ లభిస్తుంది. త్వరలో ప్రింట్ పుస్తకంగా వస్తుంది.

మా ఇతర గ్రంధములను ఆదరించినట్లే అద్భుతమైన ఈ గ్రంధాన్ని కూడా ఆదరిస్తారని విశ్వసిస్తున్నాను.

మా 69 వ పుస్తకం Indian Astro Numerology విడుదల

ఇంతకు ముందు నాచే తెలుగులో వ్రాయబడిన 'భారతీయ జ్యోతిష సంఖ్యాశాస్త్రము' అనే పరిశోధనా గ్రంధం, ఇప్పుడు ఇంగ్లీషులోకి తర్జుమా చేయబడి, Indian Astro Numerology అనే E-Book గా నేడు విడుదల అవుతున్నది. 

ఇది నా కలం నుండి వెలువడుతున్న 69 వ గ్రంధం. ఇక్కడ లభిస్తుంది. త్వరలో ప్రింట్ పుస్తకంగా విడుదల అవుతుంది.

పాశ్చాత్య సంఖ్యాశాస్త్రానికి భిన్నమైన మన భారతీయ సంఖ్యాశాస్త్రాన్ని నా పరిశోధనలో కనిపెట్టి  52 జాతకచక్రాల సహాయంతో సోదాహరణంగా ఈ గ్రంధంలో వివరించాను.

ఈ గ్రంధం తెలుగులో చాలా ప్రజాదరణను పొందింది. హైద్రాబాద్, విజయవాడ పుస్తకప్రదర్శనలలో ఎక్కువగా పాఠకులు తీసుకున్న గ్రంధాలలో ఇదీ ఒకటిగా నిలిచింది. ఈ పద్ధతి చాలా బాగుందని, జాతకాల విశ్లేషణలో బాగా ఉపయోగపడుతున్నదని చదువరుల నుండి నాకు మంచి రివ్యూలు కూడా వచ్చాయి.  

అంతర్జాతీయ పాఠకుల ఉపయోగార్ధమై ప్రస్తుతం దీనిని ఇంగ్లీషులోకి అనువదించి విడుదల చేస్తున్నాము.

తెలుగు పుస్తకమును ఇంగ్లీషులోకి అనువాదం చేసిన నా శిష్యురాలు స్నేహలతారెడ్డికి ఆశీస్సులు తెలుపుతున్నాను.

ఇంగ్లీషు చదివేవారిలో దీనికి విస్తృత పబ్లిసిటీని కల్పించాలని Panchawati USA టీమ్ వారిని కోరుతున్నాను.

చైనా ఇజ్రాయెల్ లను చూచి బుద్ధితెచ్చుకోండి

35 ఏళ్ల క్రితం, హైద్రాబాద్ వాసి సందీప్ కుమార్ భట్టాచార్య, కాశ్మీర్ యాత్రకని కుటుంబంతో సహా వెళ్లి, శ్రీనగర్ గడియారస్థంభం సెంటర్లో బాంబుపేలుడులో చనిపోయాడు. అతను నా స్నేహితుడు. 

నిన్న 27  మంది అమాయక టూరిస్టులు పహల్గావ్ లో హత్యకు గురయ్యారు. మతం అడిగి మరీ ఈ హత్యలు చేశారు. 35 ఏళ్ళు గడచినా, కాశ్మీర్ పరిస్థితిలో గాని, ఇస్లామిక్ రాక్షసాధముల తీరులో గాని, పెద్దగా మార్పు  ఏమీ  రాలేదు

మొన్న శ్రీనగర్, నిన్న ముజఫర్ నగర్, నేడు పహల్ గావ్, రేపు ఇంకెక్కడో. దారుణాలు కిరాతకాలు మళ్ళీమళ్ళీ జరుగుతూనే ఉంటాయి. మనం మాత్రం క్షమించేస్తూ ఉంటాము. కళ్ళు మూసుకుని అన్నీ మర్చిపోయి హాయిగా బ్రతికేస్తూ ఉంటాము.

మన మధ్యనే ఉన్న రాక్షసులు మనకు నీతులు చెబుతూనే ఉంటారు. మతాలన్నీ ఒకటేనంటారు. శాంతిసూత్రాలు వల్లిస్తారు.  సరిహద్దు అవతల ఉన్న వారి సోదరులు కూడా, అదే గ్రంథం ప్రాతిపదికగా హత్యలు చేస్తూ ఉంటారు. అడిగితే, మేమేం చెయ్యలేదంటారు. మిమ్మల్ని మీరే చంపుకుని అమాయకులమైన మామీద తోస్తున్నారంటారు.

మనమేమో డబ్బుకు అమ్ముడుపోతూనే ఉంటాము. వాళ్ళచేతే తన్నించుకుంటూ ఉంటాము. దేశాన్ని తాకట్టుపెడుతూ ఉంటాము. అదే మనకు ఆనందం !

సమస్య టెర్రరిజంలో లేదు. మనలో ఉంది. వాళ్ళ పనిని వాళ్లు తెలివిగా చేస్తూనే ఉన్నారు. మనమే చేతులు కట్టుకుని కూర్చున్నాం.

పరిష్కరించనంత వరకూ సమస్య ఉంటూనే ఉంటుంది. జండుబామ్ తో కేన్సర్ తగ్గదు. మంచిమాటలు రాక్షసులకు వినిపించవు. 

దెబ్బకు దెబ్బచాలదు. ఒక దెబ్బకు పది దెబ్బలు పడాలి. చైనా ఇజ్రాయెల్ లను చూచి మన దేశం నేర్చుకోవాలి. లేదంటే ముందుముందు సర్వనాశనమే.

చేతకానివాళ్ళు

గొర్రెలు కసాయినే నమ్ముతాయి

కొన్ని రాష్ట్రాలు ఇంకా కాంగ్రెస్ నే నమ్ముతున్నాయి

ఆ పార్టీ పుణ్యమాని దేశం మూడు ముక్కలైంది.

ఎన్నో సంక్షోభాలలో చిక్కుముళ్లలో ఇరుక్కుపోయింది

ముందుముందు ఇంకెన్ని ముక్కలు కానుందో?

ఇంకెన్ని గడ్డుపరిస్థితులను ఎదుర్కోబోతోందో?

మొన్న కాశ్మీర్ లో పండితులు నిన్న మణిపూర్లో మైతీలు 

నేడు బెంగాల్లో హిందువులు తమదేశంలోనే తాము శరణార్థులై

ఇళ్ళూ వాకిళ్ళూ వదిలి పారిపోయి

శిబిరాలలో దాక్కొని ఉంటున్నారు.

రోడ్లమీద కొట్టుకునే రోజొస్తుందని 

సివిల్ వార్ కి దారితీస్తుందని

పదేళ్లనుంచి చెబుతున్నాను

నిజమౌతోంది చూడండి

కాశ్మీర్, పంజాబ్, బెంగాల్, తెలంగాణా, కర్ణాటక, కేరళ

ఇలా ఒక్కొక్క రాష్ట్రానికీ మతోన్మాద వైరస్ సోకుతోంది

మతనిష్పత్తి రూపంలో ప్రమాదం

చాపక్రింద నీరులా ముంచుకొస్తోంది

దీనికొకటే పరిష్కారముంది

గాంధీ నెహ్రూలు కాంగ్రెస్ నాయకులు

ఇన్నేళ్లు కష్టపడి ఇంత నాశనం చేశాక

ఇక మనమేం బాగుచెయ్యగలం?

మనమే కాదు ఎవరూ ఏమీ చెయ్యలేరు

ఈ యుద్ధాన్ని గెలవడం అసాధ్యం

అందుకే ఒక పనిచేద్దాం

అన్ని రాష్ట్రాలూ కాంగ్రెస్ కే ఓటెయ్యాలి

మిగతా పార్టీలను రద్దు చేయాలి

బార్డర్స్ బార్లా తెరవాలి

ఎవరొచ్చినా నోర్మూసుకోవాలి

తంతే తన్నించుకోవాలి

చంపితే చంపించుకోవాలి

ఇళ్లనూ వాకిళ్ళనూ ఆడాళ్ళనూ భూమినీ లాక్కుంటే

వదిలేసి పారిపోయి గుడారాలలో దాక్కోవాలి

శాంతియుతంగా అన్నీ అప్పజెప్పాలి

లేదా,

అందరూ ఇస్లాంలోకి మారిపోవాలి

రాజ్యాంగం పోయి షరియా రావాలి

ఇండియా ఇస్లామిక్ దేశం కావాలి

మిగతావాళ్లకు ఓటుహక్కు తీసేయాలి

కనీసం సివిల్ వార్ తప్పుతుంది

కుట్రలూ కుతంత్రాలూ అరాచకాలూ

హింసా చావులూ అల్లకల్లోలాలూ తప్పుతాయి

కనీసం అదైనా చేద్దాం

చేతకానివాళ్ళు ఇంకేం చెయ్యగలరు మరి?

అశాంతి నిలయం

'ఆ మధ్యన అమెరికా నుండి కొంతమంది స్నేహితులొస్తే అశాంతినిలయం వెళ్ళొచ్చాము' అన్నదొక శిష్యురాలు. 

'అమెరికా - అశాంతినిలయం, ప్రాస బాగుందిగాని, విషయం చెప్పు' అన్నాను.

'పటాటోపం తప్ప అక్కడేమీ లేదు' అందామె.

'ఇరవై ఏళ్ళనుంచీ నేనుకూడా ఇదే చెబుతున్నాను' అన్నాను ప్రాస కలుపుతూ.

'వాలంటీర్లకూ భక్తులకూ మా ఎదురుగానే గొడవైంది' అన్నదామె. 

'వాలంటీర్లకు వాలం ఉందా?' అడిగాను.

'అర్ధం కాలేదు' అంది 

'పోనీ భక్తులకు రెక్కలున్నాయా?' అడిగాను.

'మళ్ళీ అర్ధం కాలేదు' అంది 

'వాలం అంటే తోక, తోక ఉన్నవారే వాలంటీర్లు. అంటే కోతులు. బకము అంటే కొంగ. నేటి భక్తులందరూ బకులే. అంటే  కొంగజపం చేసే అవకాశవాదులన్నమాట. గట్టిగా అదిలించామంటే తుర్రున ఎగిరిపోతారు. మరి కోతులూ కొంగలూ ఒకచోట చేరితే అశాంతినిలయం కాక ఇంకేమౌతుంది? అడిగాను.

'మరి స్వామి ఏం చేస్తున్నట్టు?' అనుమానమొచ్చింది శిష్యురాలికి.

'ఉన్నప్పుడేం చేశాడు ఇప్పుడు చెయ్యడానికి?' అడిగాను.

'మళ్ళీ అర్ధం కాలేదు' అంది

'విచారణ జరుగుతోంది. బోనులో నిలబడి ఉన్నాడు' అన్నాను.

'ఏంటో మీ మాటలేవీ అర్ధం కావు' అందామె.

'కొన్ని అర్ధం కాకపోవడమే మంచిది' అన్నాను.

చెప్పేది చెయ్యకు

మెదడుకు శస్త్రచికిత్స చేయించుకున్న గురువుగారు

ఆరోగ్యసూత్రాలు చెబుతున్నారు

అణువులు గంతులేస్తున్నారు

యోగాను భక్తులకు బోధించే ఇంకో గురువుగారు

తనేమో జిమ్ము చేస్తున్నారు

పరమాణువులు పల్టీలు కొడుతున్నారు

చెప్పేది చెయ్యమని శాస్త్రంచెబుతోంది

చెప్పేది చెయ్యనక్కర్లేదని  వీరంటున్నారు

కలియుగంలో ఇలాగే ఉంటుందని నేనంటున్నాను

అణువులూ పరమాణువులూ వర్ధిల్లండి !

రాత్రి భజనలు

దుకాణం దగ్గర గుడి పూజారి కలిశాడు.

'ఊర్లోకొచ్చారు కదా ! మా ఇంటికెళదాం రండి. కాఫీ త్రాగుతూ మాట్లాడుకుందాం' అన్నాడు మర్యాదగా.

'లేదండి. నేను త్రాగను, ఇంకోసారి వస్తాలెండి మీ ఇంటికి' అన్నాను.

'గుడికి రండి. రాత్రి పదకొండుదాకా భజన చేస్తారు' అన్నాడాయన.

'అవన్నీ చిన్నప్పుడే అయిపోయాయి. క్రొత్తగా ఇప్పుడెందుకు?' అన్నాను

ఆశ్చర్యంగా చూశాడాయన.

'అయినా, అంత రాత్రిపూట భజనలు చేయకూడదు. రాత్రిళ్ళు పూజలు చేసేది రాక్షసులు. పైగా శబ్దకాలుష్యం. ఆ టైంకి మేమొక నిద్రతీసి లేస్తాం' అన్నాను.

మళ్ళీ ఆశ్చర్యంగా చూశాడాయన.

'ఏదైనా వేళకి చెయ్యాలి. అలా చేయకపోవడమే రోగాలకు ఒక కారణం' అన్నాను.

ఆయనలా చూస్తున్నాడు.

'ధర్మాన్ని మనం అనుసరించాలి. మనం చేసే ప్రతిదీ ధర్మం అనుకోకూడదు' అన్నాను

ఇంకా అలాగే చూస్తున్నాడాయన.

నేనొచ్చేశాను.

మేం చేస్తున్నదేంటి?

నిన్నొక పనిమీద ఊర్లోకెళ్ళాను.

మాటల మధ్యలో, 'ఫలానా మాతాజీకి 102 ఏళ్ళుట. నిన్న చనిపోయింది' అన్నారొకరు.

'మర్రిచెట్టు కూడా బ్రతుకుతుంది. ఉపయోగం?' అన్నాను

'సాధువుగా మంచిగా బ్రతికింది కదా అన్నేళ్లు?' అన్నదామె.

'మాయసాధువుగానా? వాళ్ళు చెప్పేదంతా ధర్మవిరుద్ధం. బూటకం.' అన్నాను.

'మరి మంచిగా ఉంటూ అన్నేళ్లు ఆరోగ్యంగా బ్రతకాలంటే ఏం చెయ్యాలి?' అన్నదామె.

'మేము చేస్తున్నదేంటి?' అన్నాను. 

6 వ సాధనా సమ్మేళనం విశేషాలు

ప్రపంచం 

చీకటిని వెలుగుగా భ్రమిస్తూ

ముందుకు పోతోంది.

మా ఆశ్రమంలో

వెలుగుదారులు విరబూస్తున్నాయి.

సాధనాసమ్మేళనంలో జరిగిన సమావేశాలలో ముఖ్యంగా కొన్నింటిని ఇక్కడ పరిచయం చేస్తున్నాను.

జ్యోతిషసమ్మేళనం

వారం రోజులలో జరుగబోతున్న శనీశ్వరుని రాశిమార్పు యొక్క ఫలితాలను శిష్యులకు వివరించాను. అదేసమయంలో అమావాస్య జరుగుతున్నది. జనజీవనంలో ఇది చాలా మార్పులను తెస్తుంది. చాలామందికి కోలుకోలేని దెబ్బలు తగులబోతున్నాయి. శిష్యులలో ఎవరెవరికి ఏయే ఫలితాలు జరుగుతాయో సూచించి, వాటికి తీసుకోవలసిన యోగపరమైన రెమెడీలను వివరించాను.

లోకంలో మీరు చూచే చీప్ రెమెడీలు నా వద్ద ఉండవు. మావి యోగపరమైన రెమెడీలు. ఇవి ప్రభావవంతమైన శాశ్వతఫలితాలనిస్తాయి. డబ్బుకు అమ్మబడేవి కావు. ఇంతకు ముందైతే ఈ శనీశ్వరుని రాశిమార్పు పైన ఒక పెద్ద పోస్ట్ వ్రాసి ఉండేవాడిని. ఇప్పుడు తెలివి తెచ్చుకున్నాను గనుక అటువంటి పనులు చేయడం లేదు. వజ్రాలను రోడ్డుపైన వెదజల్లడం ఎందుకు? అర్హులైనవారికి మాత్రమే వాటిని అందించాలి. అందుకే బ్లాగు బురదలోకంలో వాటిని వ్రాయడం తగ్గించాను. ఎవరికి అర్హత ఉందో వారికి మాత్రమే వాటిని ప్రస్తుతం అందిస్తున్నాను.

'భగవద్గీతా కందమరందము' విడుదల

శ్రీమతి సింహాద్రి జ్యోతిర్మయిగారు, న.ర.సం (నవ్యాంధ్ర రచయిత్రుల సంఘానికి) ఉపాధ్యక్షురాలు. ఈమె నా శిష్యురాలు. మంచి కవయిత్రి. వేంకటేశ్వరస్వామివారికి వీరభక్తురాలు. తెలుగు మరియు సంస్కృత భాషలలో MA చేసిన ఈమె, పద్యాలను అలవోకగా ఆశువుగా చెప్పడంలో సిద్ధహస్తురాలు. వీరి కుటుంబంలోనే కవిత్వధోరణి ఉంది.

ఘంటసాల వెంకటేశ్వరరావు గారు పాడిన భగవద్గీత మీకందరికీ సుపరిచితమే. దానిలో ఆయన 108 శ్లోకాలను పాడారు. వాటన్నిటినీ 150 కందపద్యాలలో జ్యోతిర్మయిగారు తెలుగులో చక్కగా వ్రాశారు. ఆ పుస్తకానికి 'భగవద్గీతా కందమరందము' అని పేరుపెట్టి, ఎంతో గురుభక్తితో నాకు అంకితమిచ్చారు. ఆ కార్యక్రమం ఈ సాధనాసమ్మేళనంలో జరిగింది. త్వరలో ఈ గ్రంధాన్ని మా పంచవటి పబ్లికేషన్స్ నుండి పుస్తకంగా ప్రచురిస్తున్నాము.

గతస్మృతులు

శ్రీ రధం మదనాచార్య, ప్రముఖ పంచాంగకర్త మరియు తెలుగు యూనివర్సిటీ జ్యోతిషవిభాగ ఆచార్యులు మా సభ్యులే. స్వతంత్రంగా గణితం చేసి పంచాంగాన్ని వ్రాయగల సిద్ధహస్తులలో ఈయనొకరు. 

నేను 2000 సంవత్సరం మొదటి బ్యాచ్ లో MA  జ్యోతిషం చేశాను. ఈయన మూడవ బ్యాచ్ లో  చేశారు. ఆ తరువాత వేదాంగజ్యోతిషంలో పీహెచ్ డీ కూడా చేసి డాక్టరేట్ పొందారు. ఇద్దరం శ్రీ గోరస వీరభద్రాచారి గారి శిష్యులమే. MA చేసిన సమయంలో నన్ను ఇంటర్వ్యూ చేసినది శ్రీ గోరస గారే. వారంటే నాకు చాలా అభిమానం మరియు గౌరవం. వారి ప్రియశిష్యులే రథంగారు కావడం. మళ్ళీ మేమిలా కలుసుకోవడం చాలా సంతోషాన్ని కలిగించింది.

మదనాచార్యగారికి 80 ఏళ్ల పెద్దవయసైనా కూడా అమిత వినయశీలి. జ్ఞానపిపాసి. నా రచనలను ఎంతో అభిమానిస్తారు. నా పుస్తకం, 'మహనీయుల జాతకాలు - జీవిత విశేషాలు' ను ఎంతో మెచ్చుకున్న జ్యోతిషవేత్తల్లో ఈయనొకరు. తనవద్ద జ్యోతిషశాస్త్రాన్ని నేర్చుకునే ప్రతివారికీ ఈ పుస్తకాన్ని, నా రచనలను తప్పకుండా చదవమని ఈయన సూచిస్తూ ఉంటారు. 'మీరు పరిచయం కావడం నా అదృష్టం' అని ఈ నిగర్వి తరచూ అంటూ ఉంటారు. స్వయంగా జ్యోతిషశాస్త్ర డాక్టరేట్ అయి, యూనివర్సిటీలో ఆచార్యులై ఉండి కూడా, గర్వం లేకుండా, నా వద్ద జ్యోతిషశాస్త్రపు లోతులను నేర్చుకోవాలని ప్రయత్నించే మనసున్న మనీషులలో ఈయనొకరు. శ్రీ రధం మదనాచార్యగారు ప్రచురించిన ప్రస్తుత సంవత్సరపు పంచాంగమును ఇక్కడ చూడండి.

రిట్రీట్లో కొంచెం తీరిక దొరికినపుడు గత స్మృతులను కలబోసుకున్నాం.  గోరస గారితో తన అనుభవాలను ఆయన చెప్పుకొచ్చారు. గోరసగారికి అంజనసిద్ధి ఉండేది. ఒకసారి ఆయనతో హంపీకి వెళ్లిన సమయంలో, అక్కడ విరూపాక్ష ఆలయం దగ్గరలో ఒక ప్రదేశంలో, 'ఇది కృష్ణదేవరాయలు అష్టదిగ్గజాలతో కవిత్వసభ నడిపిన ప్రాంతం. ఎవరైనా చూస్తామంటే ముందుకు రండి' అని ఆయనన్నారట.  ఎవరూ ధైర్యం చేయలేదు. కానీ ఒక అబ్బాయి ముందుకొచ్చాడు. మంత్రించిన విభూతిని ఆ అబ్బాయి కళ్ళను తాకించారు గోరసవారు. వెంటనే కృష్ణదేవరాయల భువనవిజయం దృశ్యం ఆ అబ్బాయి కళ్ల ముందు కనిపించడం మొదలుపెట్టింది. కాసేపు చూచాక, ఆ విభూతిని తుడిచేశారు. వెంటనే ఆ దృశ్యం ఆగిపోయింది. 'ఈ సంఘటనకు ప్రత్యక్షసాక్షిని నేనే' అని రధంగారు నాతో అన్నారు.

అసలైన యోగశాస్త్రం

నేటి నకిలీసమాజంలో ప్రతివాడూ ఒక గురువే. యోగశాస్త్రం 'యోగా' అని కూచుంది. పార్కులలో, క్లబ్బులలో, జిమ్ములలో చేయబడే అధమస్థాయికి చేరుకుంది. అసలైన యోగశాస్త్రం అది కాదు. అసలైన సర్వసమగ్ర సాధనామార్గం మావద్ద మాత్రమే ఉందని ఎన్నోసార్లు గతంలో చెప్పాను. దీనిని అహంకారంగా చాలామంది భావించారు. అహంకారం కాదు, సత్యమని మళ్ళీమళ్ళీ చెబుతున్నాను. వాస్తవాలు అలాగే కనిపిస్తాయి. రుచిచూస్తేనే దేని రుచైనా తెలుస్తుంది. దూరంనుండి ఎలా తెలుస్తుంది? అయితే,  ఒకరికి అర్ధం కానంతమాత్రాన మాకొచ్చిన నష్టమేమీ లేదు. బలవంతాన ఒకరికి నేర్పవలసిన ఖర్మా మాకు లేదు.

సభ్యులలో కొందరు ఆల్ఫాస్టేట్ ఎలా ఉంటుందో రుచి చూస్తామన్నారు. మా సాధనామార్గంలో, ఆల్ఫాస్టేట్ (యోగనిద్ర) చాలా మొదటిస్థాయిలోనే వస్తుంది.  కొద్దిపాటి అభ్యాసంతో వారిని దానిలోకి పంపించాను. ఆ స్థితిలో శిష్యులున్న ఫోటోలను ఇక్కడ చూడండి.

రాబోయే రిట్రీట్ వరకూ అభ్యాసం చేయవలసిన యోగవిధానాలను శిష్యులకు నేర్పించాను.

సందేహాలు - సమాధానాలు

పనికిరాని ఊకదంపుడు ఉపన్యాసాలంటే నాకు చిరాకు. మనం ఏది మాట్లాడినా ప్రాక్టికల్ గా ఉపయోగపడాలి. మనిషిని జీవితంలో ముందుకు నడిపించే విధంగా ఉండాలి. అందుకే నా శిష్యుల సాధనాజీవితంలో ఎదురౌతున్న సమస్యలకు, సందేహాలకు జవాబులు చెప్పడం, వాటిని పరిష్కరించడం పైనే నేనెక్కువ శ్రద్ధ పెడతాను. అందుకే దీనికి ఎక్కువ సమయాన్ని కేటాయించాము.

కర్మయోగం

ఆశ్రమం తోటలో పనిచేయడం శిష్యులకు సరదా. అదే పనిని కర్మయోగంగా చేయమని నేను చెబుతాను. ఈ మూడు రోజులూ అందరూ కలసి వారికిష్టమైన తోటపనిని ఆడుతూ  పాడుతూ ఆనందంగా చేశారు.

జ్యోతిష్యశాస్త్ర చర్చలు, ధ్యానాభ్యాసం, యోగశిక్షణ, కర్మయోగం, గ్రంథావిష్కారం, శిష్యుల భావావిష్కరణ, సందేహాలు సమాధానాలు, అభిప్రాయాల కలబోత, కులమతాలకు అతీతంగా మానవత్వ భావనతో అందరూ కలసిమెలసి జీవించడం, చివరలో బరువెక్కిన హృదయాలతో వీడ్కోలు తీసుకోవడం,  జూలైలో జరుగబోయే గురుపూర్ణిమ సాధనా సమ్మేళనానికి సిద్ధం కావడం - వీటితో 6 వ సాధనా సమ్మేళనం విజయవంతంగా ముగిసింది.

మా ఆశ్రమంలో 6 వ సాధనా సమ్మేళనం మొదలు

నేడు మార్చి 21. ఈక్వినాక్టియల్ డే 

మన భాషలో చెప్పుకుంటే, వసంత విషువత్ దినం. ఈరోజున సూర్యుడు  సరిగ్గా భూమధ్యరేఖపైన ఉంటాడు. కనుక,  భూమిపైన పగలూ రాత్రీ సమానంగా ఉంటాయి. చూడగలిగేవాళ్లకు ప్రకృతిలో అంతటా నేడు సమత్వం కనిపిస్తుంది. అందుకే నేటినుండి మూడు రోజులపాటు పంచవటి ఆశ్రమంలో సాధనాసమ్మేళనం మొదలైంది.

మా విధానం ప్రత్యేకత ఏమిటి?

కులాల కుళ్ళుకూ, మతాల మత్తుకూ, పూజల పుచ్చులకూ, ఆచారాల మెచ్చులకూ, ఫకీర్ల గుళ్ళకూ, రాక్షసదీక్షల బళ్లకూ, మైకుల గోలకూ, టీవీల జోలకూ, పాండిత్య ప్రదర్శనలకూ, వ్యాపార విమర్శనలకూ, మెట్ట వేదాంతాలకూ, పొట్ట వైరాగ్యాలకూ, ఈజీచెయిర్ తీర్పులకూ, లేజీలైఫ్ కూర్పులకూ, వీటన్నింటికీ భిన్నమైన, అసలైన, సర్వసమగ్ర సనాతన సాధనామార్గాన్ని, కులంతో, ధనంతో, ఆస్థిఅంతస్థులతో సంబంధం లేకుండా, అందరికీ సమానంగా బోధించే మహత్కార్యంలో భాగంగా ఈ సాధనాసమ్మేళనం జరుగుతోంది.

ఆంధ్రప్రదేశ్ లోని ఒక మారుమూలగ్రామంలో ఈ ఆధ్యాత్మికవిప్లవం నిశ్శబ్దంగా రూపుదిద్దుకుంటోంది. అనుసరించేవారు, ఆచరించేవారు, పాలుపంచుకుంటున్నవారు అదృష్టవంతులు.

విపక్షుల గురించి చెప్పడానికేముంది? అవి పక్షులే.

శ్రీ సూక్తులు

'కుంభమేళా కెళ్ళొచ్చా' అన్నాడొకడు

'కుంభం లాంటి ఆ పొట్ట తగ్గించు ముందు' అన్నాను.

'కుండలినీ యోగం నేర్చుకుంటున్నా' అన్నాడొకడు

'బండలాంటి నీ గుండెను ముందు మెత్తగా మార్చు' అన్నాను.

'సుషుమ్నా క్రియను అభ్యాసం చేస్తున్నా' అన్నాడింకొకడు

'కర్మ ఎలా చేయాలో ముందు నేర్చుకో. క్రియలు అవే జరుగుతాయి' అన్నాను.

'నా కుండలిని నిద్ర లేచింది ' అన్నాడొకడు

' నాదస్వరం సరిగా ఊదు. లేకపోతే కాటేస్తుంది ' అన్నాను

'బాబాజీ క్రియాయోగంలో దీక్ష తీసుకున్నా' అన్నాడు మరోవాడు. 

'ఆయనెప్పుడో పోయాడు. ఇంకెన్నాళ్లు బ్రతికిస్తారు?' అడిగాను

'మాది అద్వైతమార్గం' అంది ఒకామె.

'ఆ చెప్పడంలోనే తెలుస్తోంది మీ అద్వైతం' అన్నాను.

'నేను శ్రీవిద్యోపాసకురాలిని' అని ఇంకొకామె.

'పాసనాలు తగ్గడానికి ముందు మందేసుకో' అన్నాను

'మాది పెద్దలమార్గం' అన్నాడింకొకడు.

'వాళ్ళు తాగినవి నేతులా? డాల్డానా?' అడిగాను

' ఏ సాధనా అక్కర్లేదు' అంది ఇంకొకామె

'ఏమీ సాధించలేని జీవితం అంతే అంటుంది' అన్నాను

'సూక్ష్మలోకాలు చూశా' అన్నాడు ఇంకో మానవుడు

'ఈ లోకాన్ని సరిగ్గా చూడు ముందు' అన్నాను

'ఆత్మలతో మాట్లాడతా' అంది ఇంకో జీవి. 

'ముందు నీ పెళ్ళాంతో రోజూ కాసేపు మాట్లాడు' అన్నాను

'మాతాజీ నైపోయా' అంది ఎర్రచీర కట్టుకున్న ఒక పతివ్రత

'బాగా ముదిరింది, తగ్గడం కష్టం' అన్నాను

కాగితపు పడవలు

అంతర్జాలపు విషంతో

మెదళ్ళు నిండిపోతున్నాయి 

మనుషుల సమాజంలో

జంతువులు పెరిగిపోతున్నాయి

అహంకారాల బురదలతో

హృదయాలు కుళ్ళిపోతున్నాయి

అతితెలివి బ్రతుకులతో

వయసులు మళ్లిపోతున్నాయి

డబ్బు వెంట పరుగులలో

జీవితాలు చెల్లిపోతున్నాయి

బాంధవ్యాలు ఆవిరైపోతూ

జ్ఞాపకాలను చల్లిపోతున్నాయి

ఆధ్యాత్మికపు ముసుగులలో

ఆవేశాలు చల్లారుతున్నాయి

అజ్ఞానపు ఆకర్షణలతో

అవరోధాలు ఊరేగుతున్నాయి

మురికిగుంటల దారులలో

నీటిచెలమలెందుకుంటాయి?

బండరాళ్ళ కనుమలలో

నదుల జాడలెందుకుంటాయి?

వరద ముంచుకొస్తుంటే

కాగితపు పడవలెలా ఆదుకుంటాయి?

ఊర్లు తగలబడుతుంటే

ఉత్తమాటలెలా అక్కరకొస్తాయి?

చేపల పాపం

నీళ్లలో మునిగితే పాపాలు పోతాయని

చేపలంటున్నాయి

ఎడారిలో ఎగిరితే పాపాలు పోతాయని

కొంగలంటున్నాయి

చేపలను కొంగలు తింటున్నాయి

కొంగలు వలల్లో పడుతున్నాయి

వలలు ఎండకు చివికిపోతున్నాయి

చేపలూ కొంగలూ వలలూ పోయాక

పాపం !

పాపం అడుగుతోంది

'నేనెలా పోతాను?' అని

విజయవాడ బుక్ ఫెస్టివల్ - 2025 లో పంచవటి స్టాల్ మొదలైంది

నేటి నుండి 12 వ తేదీ వరకూ విజయవాడ ఇందిరాగాంధీ మున్సిపల్ స్టేడియం గ్రౌండ్స్ లో జరిగే బుక్ ఫెస్టివల్ లో 'పంచవటి స్పిరిట్యువల్ ఫౌండేషన్' కు స్టాల్ నంబరు  219  కేటాయించబడింది.

నేడు విజయవాడ పంచవటి బృందంతో మా స్టాల్ ప్రారంభించబడింది. ఆ ఫోటోను ఇక్కడ చూడవచ్చు.

1992-1995 మధ్యలో నేను విజయవాడలో ఉన్నసమయం లోనూ, ఆ తరువాత కూడా గుంటూరులో ఉన్నంతవరకూ వీలైనప్పుడల్లా ప్రతి ఏడాదీ తప్పకుండా ఈ పుస్తకమహోత్సవాన్ని సందర్శించేవాడిని. అప్పట్లో PWD గ్రౌండ్స్ లో ఎంతో శోభాయమానంగా ఈ బుక్ ఫెస్టివల్ జరిగేది. విజయవాడ మొత్తానికీ ఆ పదిరోజులు పండుగలుగా ఉండేది. పుస్తకాభిమానులందరూ అక్కడ చేరేవారు. కానీ, గతప్రభుత్వం ఆ గ్రౌండ్ ను మార్చేసిన తర్వాత, ఆ వైభవం తగ్గిపోయింది. ఇప్పుడు బుక్ ఫెస్టివల్ ఎక్కడ పెట్టాలో తెలీక, గ్రౌండ్ కోసం వెతుక్కునే పరిస్థితి పట్టింది.

అయినా సరే, పుస్తక మహోత్సవాన్ని ఎక్కడో ఒక గ్రౌండ్ లో పెడుతున్నారు. పుస్తకాభిమానులు వెతుక్కుంటూ వెళ్లి సందర్శిస్తున్నారు. నెట్ ప్రభావంతో పుస్తకాలను చదవడం తగ్గినప్పటికీ, మొబైల్ దెబ్బకు తట్టుకుని పుస్తకం ఇంకా బ్రతికే ఉందని నిరూపిస్తున్నారు.

ఈ పదిరోజులలో ఏదో ఒకరోజున నేను కూడా విజయవాడ బుక్ ఫెస్టివల్ ను సందర్శిద్దామని అనుకుంటున్నాను.

ఈ స్టాల్లో మా పుస్తకాలన్నీ లభిస్తాయి. నా రచనలను అభిమానించే విజయవాడ ప్రాంత ప్రజలు ఈ అవకాశాన్ని ఉపయోగించుకోవచ్చు. అక్కడ మా ఫౌండేషన్ సెక్రటరీ శ్రీ రామమూర్తిగారిని, ఇతర సభ్యులను కలుసుకోవచ్చు. మా సాధనామార్గం మీద గాని, జనరల్ గా ఆధ్యాత్మికమార్గం పైనగాని మీకున్న సందేహాలను తీర్చుకోవచ్చు.

బుక్ ఫెస్టివల్ మధ్యాహ్నం 2 నుండి రాత్రి 8. 30 వరకూ ఉంటుంది. గమనించండి.